AMEA Naxçıvan Bölməsinin İnformasiya
şöbəsi
Tibb işçilərinin Hepatit B, C
infeksiyalarına görə kütləvi müayinəsi
və vaksinasiyasına start verilmişdir
Naxçıvan Muxtar Respublikası Səhiyyə
Nazirliyinin illik iş planına uyğun olaraq,
hamilələrin və səhiyyə müəssisələrində çalışan
tibb işçilərinin Hepatit B və C infeksiyalarına
görə profilaktikası məqsədilə kütləvi müayi-
nəsinə və risk qrupundan olan tibb işçilərinin
vaksinasiyasına start verilmişdir.
Naxçıvan Muxtar Respublikası Səhiyyə Nazir-
liyinin QİÇS-lə Mübarizə və Profilaktika Mərkəzi
tərəfindən oktyabr ayı ərzində Naxçıvan Muxtar
Respublika Xəstəxanasından 110, Diaqnostika-
Müalicə Mərkəzindən 40, Doğum Mərkəzindən
47, Göz Xəstəlikləri Xəstəxanasından 6, Stomatoloji
Mərkəzdən 1 nəfərin və 146 nəfər hamilə qadının
qan nümunəsi müayinə olunmuşdur.
Risk qrupundan olan tibb işçilərinin Hepatit
B infeksiyasına qarşı aktiv immunizasiyasının
aparılması məqsədilə Naxçıvan Muxtar Respub-
likası Səhiyyə Nazirliyi tərəfindən 1000 doza
Hepatit B vaksini Naxçıvan Muxtar Respublikası
Gigiyena və Epidemiologiya Mərkəzinə gətiril-
mişdir. Noyabr ayının 6-dan Hepatit B infeksi-
yasına qarşı müayinədən keçmiş risk qrupuna
aid olan (cərrahlar, ginekoloqlar, stomatoloqlar,
həmin həkimlərlə qan bankında, hemodializdə
çalışan tibb bacıları və sair) tibb işçiləri Hepatit
B infeksiyasına görə aktiv immunizasiyaya cəlb
olunacaqlar.
Tibb işçilərinin və hamilələrin profilaktik müa-
yinəsi davam etdirilir.
Dostları ilə paylaş: | 
