131
Azərbaycan və Türkiyə ortaq tarix doktrinası:
erməni iddialarına qarşı yeni platformanın yaradılması
Ɔ
Giriş
Qloballaşmanın yeni mərhələyə daxil olduğu dünyamızda yalnız siyasi,
iqtisadi, təhlükəsizlik sahələrində deyil, ictimai, mədəni, tarixi və elmi
sahələrdə də ortaq nöqtələr mövcuddur. Sovet İttifaqının parçalanması
ilə Azərbaycan və Orta Asiya türk respublikalarının müstəqillik əldə
etməsindən sonra türk dünyasının tarixi və elmi dəyərlərinin ortaq nöqtələrdə
birləşməsinə daha çox ehtiyac duyulur. Bu baxımdan əsrlərdir ortaq tarixi
paylaşan Azərbaycan və Türkiyə üçün yeni imkan və fürsətlər meydana
çıxıb. Azərbaycan və Türkiyə bəzi dövrlərdə qarşı-qarşıya gəlsələr də,
zamanla bu anlaşılmazlıqlar dəf edilib və qarşılaşdıqları ortaq problemlərin
həlli üçün uyğun mühit yaranıb. Xüsusilə Azərbaycan 18 oktyabr 1991-ci ildə
müstəqilliyini elan etdikdən sonra Türkiyə ilə müxtəlif sahələrdə əməkdaşlıq
inkişaf edib və əlaqələr yeni səviyyəyə yüksəlib. Əlbəttə, iki ölkə arasında
inkişaf edən əməkdaşlıq təqdirə layiqdir. Amma bütün türkdilli xalqların bu
mövzularda ortaq məxrəcə gəlməsi, gələcəkdə siyasi inteqrasiyanın təməlini
təşkil edəcək strategiya, təhlükəsizlik, iqtisadiyyat, tarix, mədəniyyət, elm
və texnologiya sahələrində əməkdaşlığın genişlənməsi bu günün həqiqətləri
və türk dünyası liderlərinin siyasi iradəsi ilə birbaşa əlaqəlidir.
Dostları ilə paylaş: 
