1. Energetika fanining maqsadi va vazifalari

2. Energetikaning roli va ahamiyati.
2.1 Energetikaning roli va ahamiyati. Insonlarning butun hayoti davomida energetika katta ro`l o`ynaydi. Sanoatning rivojlanganligi, madaniyatlik darajasi va ijtimoiy o`zgarishlar energiya ishlab chiqarish va uni o`zlashtirish usullarining ko`lami bilan uzviy bog`langandir. Energetika bir ulkan tizim bo`lib, insonlar tomonidan tabiiy energetic resurslarning barcha turlarini qazib olish, qayta ishlash, elektr va issiqlik energiya turlariga o`zgartirish hamda undan o`z ehtiyojlarini qondirish jarayonlarini o`rganuvchi fanlar tizimlari majmuasidan iboratdir. Energetika fani elektrotexnika, elektromexanika, elektrotexnologiya, issiqlik texnikasi, gidrotexnika va boshqa ko`pgina aniq fanlar bilan ham- korlikda uzluksiz rivojlanishda. Uning masalalarini yechishda matematika, fizika, kimyo, avtomatika va kibernetika fanlari katta ro`l o`ynaydi. Zamonaviy energetika masalalarining hal etilishi texnik, biosfera yoki ekologik, ijtimoiy – siyosiy aspektlarda qaralmog`i kerak. Energetikaning bu uch aspekti energetikaning butun rivojlanishi davomida teng ahamiyatga ega bo`lib kelgan va bo`lib qoladi. Bu aspektlarning teng ahamiyatga egaligi yahlit energetika tizimi uchungina emas, balki uning elektroenergetika, gidroenergetika, issiqlik energetikasi, elektromexanika va boshqa tarkibiy qismlarini alohida qaralganida ham namoyon bo`ladi. Tabiatga ta’sir etish uchun inson beqiyos imkoniyatlarga ega.Ammo inson tabiat ustidan qanchalik real hukmronlik qila boshlasa xuddi shuncha salbiy oqibatlarga olib kelishi mumkin. Bir mutafakkir aytganidek, inson tabiatga bosqinchi – xukmron sifatida munosabatda bo`lsa, undan keyin faqat cho`l va sahrolar qoladi. Bu so`zlar zaminida tabiatga bo`ladigan munosabat nihoyatda ehtiyotkorlik bilan bo`lishi kerakligini va tabiat qonunlarini chuqur bilib harakat qilish zarurligini anglatadi. Bunga yaqqol misol, sovet tuzumining paxta yetishtirishni yangi yerlarni o`zlashtirish hisobiga ko`paytirish siyosati Orol dengizini qurib borishiga olib keldi. Energetikani boshqarishda faqat texnik aspektlar asosida emas balki bioekologik va u bilan uzviy bog`langan holda ijtimoiy – siyosiy aspektlarni ham hisobga olish kerak bo`ladi. Zamonaviy texnik vositalar (kibernetik usullar, axborotlarni yig`ish va uzatish, EHM ni qo`llash, mikroprosessor texnikasi va h. k.) energetikani boshqarishda katta imkoniyatlar yaratmoqda. Albatta bu imkoniyatlardan keng foydalanish jamiyatning ijtimoiy – siyosiy va iqtisodiy rivojlanish darajasiga ta’siri katta bo`ladi. Elektr energiya ishlab chiqarish, uzatish va taqsimlash Italiya, Fransiya, va Buyuk Britaniya kabi sanoati rivojlangan mamlakatlarda natsionalizatsiya qilingan bo`lsa, AQSh kabi ishlab chiqarish yuksak rivojlangan davlatda esa xususiy kompaniyalarga qarashlidir. Energetika tizimini boshqarishnmng har ikkala usulining ham yaxshi va yomon tomonlari mavjuddir. Har bir davlat o`zining xususiyatlari va imkoniyatlaridan kelib shiqqqan holda energetika tizimini boshqarishda u yoki bu boshqarish usulini qo`llaydi. Energetikaning atrof muhitga ta’siri uzluksiz oshib bormoqda. Bu Yer yuzida inson yaratayotgan energetik qurilmalarning quvvati va tabiatda sodir bo`ladigan geofizik hodisalarning quvvatlari miqdorlarining o`zaro yaqinlashib qolganligi bilan bog`liqdir. Atrof muhitni ifloslashtirishning energetika uchunquyidagi: mexanik, kimyoviy, radioaktiv, issiqlik, ionizatsion, elektromagnit, shovqun turlari xarakterlidir. Energetik qurilmalarning texnik inshoatlari atrof muhitning o`simlik dunyosini o`zgarishiga katta ta’sir qiladi va ma’lum ma’noda estetik ifloslanishni yuzaga keltiradi. Energetikada texnologik jarayonlar uchun ko`p suv sarfi talab qilinadi. Energetika inshoatlarini qurish uchun katta yer uchastkalari kerak bo`ladi; yoqig`i yoqish uchun kislorod kerak bo`ladi, yoqish jarayonida is gazi hosil bo`ladi va bu gaz atmosferada parnik effekti deb ataladigan effektni yuzaga keltiradi (yer yuzasida issiqlikning uzoq vaqt ushlanib turishi ta’sirida). Inson faoliyatining salbiy natijalaridan biri bu sanoat chiqindilarining yig`ilishidir.Sanoatdagi ishlab chiqarish chiqindilari halokatli ravishda oshib bormoqda.Masalan, AQSh da bir yil davomida 12 mln.tonna temir, 1 mln.tonna alyuminiy va 60 mln. tonna qog`oz chiqindilari; 48 mlrd. konserva bankalari va 6 mln. xizmat muddati tugagan avtomobillar yig`iladi. Kul va shlaklar ham energetikaning chiqindilariga kiradi. Suv iste’moli uzluksiz o`shib bormoqda.Agar XY – XY1 asrlarda har bir odam bir kunda 15 litrgacha suv iste’mol qilgan bo`lsa, hozirga kelib bu ko`rsatkish 150 – 600 litrgasha o`shdi. Hozirda energetikaning ehtiyojlari uchun har sekunda 40 ming m 3 suv sarf bo`lmoqda va sanoatning boshqa sohalari uchun esa bu ko`rsatkich 10 ming m 3 ni tashkil etmoqda. Energetika va sanoat ehtiyojlariga ishlatiladigan suv miqdorini kamaytirish uchun zarur choralar ko`rish kerak bo`ladi. Suv iste’molining yopiq yoki aylanma tizimlariga o`tkazish suv sarfini kamaytirishga olib keladi. Elektroenergetik qurilmalar atrof muhitni asosiy ifloslantiruvchi manbalardan biridir (umumiy ifloslanishning taxminan 15% shu qurilmalarga to`g`ri keladi). AQSh ning yiliga ekologiya buzilishidan ko`raligan zarari 17 milrd. dollarni tashkil etsa, bularning 50% ini issiqlik elektr stansiyalarida hosil bo`ladigan va havoga uchib chiquvchi oltingugurt birikmalari, 20% ini azotli birikmalar, 25% ini og`ir zarrachalar tashkil etadi. AQSh ning 3 mingta issiqlik elektr stansiyalari bir kunda 500 mln.m3 dan ko`p suv ishlatadi. Issiq holatdagi ishlatilgan suv tabiiy daryo va suv havzalariga oqiziladi va ularda issiqlik ifloslanishini yuzaga keltirib, o`simlik va hayvonat olamining tabiiy sharoitlarini buzadi. AQSh da va shuningdek barcha sanoati rivojlangan davlatlarda ham suvning issiqlik ifloslanishi muammosi eng asosiy ekologik muammolardan biridir. Atom elektr stansiyalari oddiy isssiqlik elektr stansiyalariga qaraganda qariyib ikki barobar ko`p suv iste’mol qiladi. Texnik inshoatlar atrof muhitning estetik ko`rinishiga ham sezilarli ta’sir qiladi. Italiya, Fransiya, Avstriya, Gresiya va boshqa turizm yaxshi rivojlangan mamlakatlarda atrof – muhit landshaftini iloji boricha o`zgartirmaslik va turistlarning mamlakat to`g`risidagi ta’surotlarini buzilishiga yo`l qo`ymaslik uchun energetika inshoatlarining ma’qul konstruksiyalarini loyihalash va yaratish muammolarini yechishga to`g`ri kelmoqda. Tarixiy obidalarga boy bo`lgan O`zbekistonda ham turizmning keng rivojlanishi energetikaning bu muhim muammosini yaqin kelajakda hal etishga kirishilitabiiy. Energetika havflimi?Har qanday texnik qurilma va xatto xonadagi oddiy elektr sim bo`ladimi, ayniqsa turli elektr stansiyalar, bular ichida ayniqsa atom elektr stansiyalari ham so`zsiz albatta havflidir. Bu texnik inshoatlarning havfsiz ishlashi uchun ularni barcha havfsizlik choralarini ko`rgan holda loyihalash va to`g`ri ishlatila bilish kerak. Turli qurilma va texnik moslamalarning inson uchun nisbatan qanchalik havfli ekanligini solishtirib tahlil qilamiz. Statistik ma’lumotlar shuni ko`rsatadiki, inson uchun eng havfli texnik qurilma bu avtomobil ekan. Bu transport vositasi turidan foydalanuvchi million kishiga to`g`ri keladigan o`lim bilan tugaydigan holatlar eng ko`p ushraydi. Elektr stansiyalarning havflilik darajasi tramvaylarning insonlar uchun qanday havf tug`dirishi darajasi bilan barobardir. Elektr stansiyalar deyarli havfsiz bo`lsa ham, ammo ularning salbiy ta’sirlari bilan hisoblashishga to`g`ri keladi. Avariya holatlarida atrof muhitga chiqarib tashlanayotgan tabiat va insonlar uchun havfli bo`lgan chiqindilarning miqdori oshib ketishi mumkin. Atom elektr stansiyalari normal ish rejimida ishlayotganida deyarli to`liq havfsiz bo`lsa ham avariya holatlari yuzaga kelganida atrof muhitning ifloslanish darajasi keskin oshib ketadi va insonlarning hayoti havf ostida qolishi mumkin.. Masalan, 1986 yili Chernobil atom elektr stansiyasida (Ukraina) sodir bo`lgan avariya natijasida elektr stansiya atrofidagi katta xududda radiatsiya miqdori normal sharoitdagiga nisbatan bir necha ming marta oshib ketdi va bu xududda insonlarning normal yashashlari uchun katta havf yuzaga keldi. Chernobil AES ida reaktorlardan birining ishdan shiqishi natijasida ko`plab radioaktiv moddalarning atrof – muhitga chiqishi kuzatilgan. Juda katta xudud radioaktiv moddalar bilan zaxarlandi. Bu avariyaning asosiy sababi atom elektr stansiyani qurish uchun loyihalash paytida avariya sodir bo`lishi mumkin bo`lgan holatlar to`liq tahlil qilinmaganligi sabab bo`ldi. Hozirda bu atom elektr stansiyasi butunlay yopilgan. Atom elektr stansiyalarida sodir bo`lishi mumkin bo`lgan avariya holatlarining aksariyati yoqilg`ini transportirovka qilishda va radiaktiv chiqindilarni utelizatsiya qilishda ro`y berishi mumkin. Barcha avariya holatlarini hisobga olgan holda, atom elektr stansiyalarini loyihalash, ularni ekspluatatsiya qilishda havfsizlikning barcha jihatlarini hisobga olish va xizmat qiluvshi texnik xodimlarning malakaviy darajasining yuqori bo`lishi bu stansiyalarning normal ishlashini ta’minlaydi. Magnit maydonining tabiatga va insonlarga ta’siri qanday?Kuchlanishi 600 – 750 kV bo`lgan yuqori kuchlanishli katta quvvatli nim elektr stansiyalarni ekspluatatsiya qilish vaqtida kuchli magnit maydonlarning inson sog`lig`iga salbiy ta’sir etishi kuzatilgan. Insonning davriy qaytarilib turadigan elektromagnitli nurlanish ta’siri ostida bo`lishi, insonda elektromagnit energiyaning yig`ilib qoluvchi effektini (kumulyativ) yuzaga keltiradi va bu fizik hodisaning insonga qanday ta’sir qilishi hali to`liq o`ranilmagan. Katta qiymatli kuchlanganlikka ega elektr maydonning inson organizmiga ta’sirini kamaytirish uchun alohida maxsus himoya vositalari, jumladan himoya ekranli korjomalar, maydon ta’sirini kamaytiruvchi po`lat simli to`rlar va boshqa turdagi himoya vositalaridan foydalaniladi. Katta shaharlarda shundoq ham foydalaniladigan yer uchastkalarining tanqislligi va shaharlarning ko`rkini buzishini hisobga olib, nim elektr stansiyalardan elektr energiyani sanoat korxonalariga uzatish elektr uzatish liniyalari orqali emas balki yer ostidan o`tkaziladigan kabellar yordamida amalga oshirilmoqda. Kelajakda o`ta o`tkazuvchanlik xususiyatiga ega bo`lgan kriogenli elektr uzatish liniyalaridan foydalanish ko`zda tutilmoqda. Bu elektr uzatish liniyalarining elektr qarshiliklari deyarli nolga tengdir. Bu esa o`z navbatida elektr uzatish liniyalarida kichik qiymatli kuchlanishlardan foydalanish imkonini beradi va natijada katta xududlarni egallab turgan ochiq yer yuzida qurilgan nim elektr stansiyalarni bir necha marta kichraytirish hamda yopiq va izolyatsion gaz bilan to`ldirilib, yer ostiga joylashtirish mumkin bo`ladi. Elektr stansiyalarni qanday joylarga qurish kerak?Elektr stansiyalarning atrof – muhitga salbiy ta’sirini hisobga olgan holda mamlakatning qaysi xududida qurilishi kerakligi aniqlanadi. Sifati past bo`lgan yoqilg`ida ishlaydigan issiqlik elektr stantsiyalarining atrof – muhitni zaharli chiqindilar bilan ifloslanish sur’ati yuqori bo`lgani uchun bunday stansiyalar katta aholi yashaydigan joylardan yiroqda, ko`mir zahiralari topilgan konlar yaqinida qurilishi lozim. Ba’zi mamlakatlarda elektr stansiyalarning atrof muhitga zararli ta’sirini kamaytirish maqsadida dengiz va okeanlarda qurish mo`ljallanmoqda. Masalan, AQSh va Yaponiyada katta quvvatli issiqlik va atom elektr stansiyalarini materikdan 5 – 30 km uzoqlikdagi okean sathida qurish loyihalari ishlab chiqilgan.