1-Mavzu: Falsafa: uning predmeti, mazmuni va jamiyatdagi roli. Reja

2. masala. Tafakkurning asosiy shakllari.
Tafakkur uch xil shaklda: tushuncha, hukm (muloxaza) va xulosa chiqarish shaklida mavjud.
Tafakkur shakli fikrning mazmunini tashkil etuvchi elementlarning bog`lanish usuli, uning strukturasi (tuzilishi) dir. Fikrlash elementlari deganda, predmetning fikrda ifoda qilingan belgilari haqidagi axborotlar tushuniladi. Tafakkur shaklining tabiatini konkret misollar yordamida ko`rib chiqamiz.
Ma`lumki, ayrim predmetlar, ularning sinfi (to`plami) kishilar tafakkurida turli xil mazmunga ega bo`lgan tushunchalarda aks ettiriladi. Masalan, «davlat» tushunchasida uzining maydoniga, axolisiga, boshqaruv vositalariga ega bo`lgan siyo­siy tashkilot aks ettiriladi. «Ilmiy nazariya» tushunchasida esa, predmetlarning birorta sohasiga oid bo`lgan va ular haqida yaxlit tasavvur beradigan, ma`lum bir metod yordamida kurilgan tushunchalar sistemasi ifoda etilgan. Mazmun jihatdan turli xil bo`lgan bu tushunchalar mantiqiy shakliga ko`ra bir xildir: har ikkalasida predmet uning muhim belgila­ri orqali fikr qilingan. «uz maydoniga egaligi», «axolisining mavjudligi», «boshqaruv vositalariga egaligi», «siyosiy tashkilotdan iboratligi» davlatning muhim xususyatlari xisoblanadi. Xuddi shuningdek, «predmetlarning birorta sohasiga aloqadorligi», «predmet haqida yaxlit tasavvur xosil qilishga imkoniyat berishi», «ma`lum bir metod yordamida kurilishi», «tushunchalar sistemasi shaklida bo`lishi» ilmiy nazariyaning muhim belgilari xisoblanadi. Agar tushuncha aks ettirayotgan predmetni A bilan, unda fikr qilinayotgan muhim belgilarni, ya`ni fikrlash elementlarini a, v, s,..., p bilan belgilasak, tushunchaning mantiqiy strukturasini A (a, v, s,..., p) shaklida simvolik tarzda ifodalash mumkin. Hukmlarda predmet bilan uning xossasi, predmetlar o`rtasidagi munosabatlar, predmetning mavjud bulish yoki bulmaslik fakti haqidagi fikrlar tasdiq yoki inkor shaklda ifoda etiladi. Masalan «Temir-metall» degan hukmda predmet (temir) bilan uning xossasi (metall ekanligi) o`rtasidagi munosabat qayd etilgan. «Axloq xukukdan ilgari paydo bo`lgan» degan hukmda ikkita predmet (axloq va xukuk) o`rtasidagi munosabat qayd etilgan. Mazmun jihatdan turli xil bo`lgan bu hukmlar tuzilishiga ko`ra bir xildir: ularda predmet haqidagi tushuncha (S) bilan predmet belgisi haqidagi tushuncha (R) o`rtasidagi munosabat kayl etilgan, ya`ni R ning Sga xosligi tasdiqlangan. Umumiy holda hukmning mantiqiy strukturasini (shaklini) S-P formulasi yordamida ifoda etish mumkin.
Xulosa chiqarishda ham yuqoridagiga o`xshash xollarni kuzatish mumkin. Masalan,
Daraxt - o`simlik


Terak – daraxt
Terak - o`simlik
va
Har bir ximyaviy element uz atom og`irligiga ega


Mis - ximiyaviy element
Mis uz atom og`irligiga ega
xulosa chiqarish ko`rinishlari mazmuni bo`yicha turlicha bo`lishiga qaramasdan, bir xil mantiqiy strukturaga ega. Har ikkalasida xulosani tashkil etuvchi tushunchalar xulosa chiqarish uchun asos bo`lib xizmat qilayotgan hukmlarda uchinchi bir tushuncha (birinchi misolda-«daraxt», ikkinchi misolda — «ximiyaviy element» tushunchasi) orqali bog`langan.
Yuqoridagi keltirilgan misollardan tafakkur shaklining fikrning konkret mazmunidan nisbatan mustaqil holda mav­jud bo`lishi va, demak, o`ziga xos qonuniyatlarga egaligi ma`lum buldi. Shuning uchun ham mantiqda uni alohida o`rganish predmeti sifatida olib qarash mumkin.
Tushuncha, hukm (muloxaza) va xulosa chiqarish tafakko`rning universal shakllari, uning asosiy strukturaviy elementlari xisoblanadi. Muhokama yuritish ana shular va ularning o`zaro aloqalarga kirishishi natijasida vujudga keladigan boshqa mantiqiy strukturalar (masalan, muammo, gipoteza, nazariya, g`oya argumentlash va shu kabilar) da amalga oshadi.
Muhokama yuritishda ishonchli natijalarga erishishning zaruriy shartlari katoriga fikrning chin bo`lishi va formal jihatdan to`g`ri kurilishi kiradi. Chin fikr deb, uzi ifoda qilayotgan predmetga muvofiq keluvchi fikr xisoblanadi (Ma­salan, «Temir-metall»). Xato fikr predmetga mos kelmaydigan fikrdir (masalan, «Temir-metall emas»). Fikrning chin yoki xato bo`lishi uning mazmuniga tegishli xususiyatlaridir.
Fikrning chin bo`lishi mantiqiy fikr yuritishning zaruriy sharti bo`lsada, o`z xolicha etarli emas. Fikr muhokama yuritish jarayonida formal jihatdan to`g`ri kurilgan ham bo`lishi kerak. Bu xususiyat fikrning shakliga taalluqli bo`lib, tafakkurda xosil bo`ladigan turli xil mantiqiy strukturalarda, sodir bo`ladigan har xil mantiqiy amallarda o`z aksini topadi.
Tafakkur kup kirrali jarayon bo`lib, uni turli xil tomonidan, xususan, mazmuni va shakli (strukturasi) bo`yicha, tayyor xolida yoki kelib chikishi va taraqqiyotida olib o`rganish mumkin. Bularning barchasi mantiq ilmining vazifasini tashkil etadi, uning turlicha metodlardan foydalanishiga, har xil yunalishlarga ajralishiga sabab bo`ladi.
Keng ma`noda mantkni tafakkur shakllari va qonunlarini o`rganuvchi fan deb atash mumkin. Xozirgi paytda uning formal mantiq, dialektik mantiq va matematik mantiq kabi yunalishlarini farq qilish mumkin. Formal mantiq, tafakko`rning strukturasini fikrning konkret mazmuni va taraqqiyotidan chetlashgan holda, nisbatan mustaqil ravishda olib urganadi. Uning dikkat markazida muhokamani to`g`ri kurish bilan bog`liq qoidalar va mantiqiy amallar yotadi.