1-mavzu. Html dasturlash tili. Kirish. Html nima. Html teg, sarlavha, tana, html metasi. Boshlang’ich teglar. Rasm va linklar, qo’llanilish sohalari, afzalliklari, kamchiliklari, statistika ma’lumotlari

WWW rivojlanish bosqichlari

1992 - 93-yillarda axborot texnologiyasining rivojlanishi sababli tasviriy va tovushli axborotlarni olis masofalardan qisqa vaqtda uzatishning shunday imkoniyati yaratilganki, u World Wide Web deb nomlangan.

World Wide Webning yaratilishiga 1989-yil Shvesariyadagi Yevropa Yadroviy Tadqiqotlar Kengashining loyihasi asos bo‘ldi. Bu loyihaning maqsadi Internetda axborot tarqatishning samarali usullarini izlash va uning oqibatlarini kuzatishdan iborat edi. Hozirgi kunda World Wide Web Internetning eng tez rivojlanayotgan sohalaridan biri bo‘lib qoldi.
Internet deganda ko‘pchilik World Wide Web (qisqacha Web yoki WWW) ni tushunadi. Aslida World Wide Web Internetning bir qismi bo‘lib, xalqaro o‘rgimchak to‘ri ma‘nosini anglatadi. World Wide Web multimedia (multimedia — rasm va matnli axborotni tovushli va
harakatdagi shakllardan iborat axborot bilan birlashtirish texnologiyasi) imkoniyatlariga ega bo‘lgani uchun foydalanuvchilar e‘tiborini juda tez qozondi.
WWW tarkibi Web-sahifaga matn, rasm, tovush, videotasvir va hokazo ko‘rinishdagi axborotlarni joylashtirish mumkin. Bu esa o‘z navbatida reklama, tijorat, ta‘lim va boshqa ko‘pgina soha vakillariga beqiyos imkoniyatlar ochib berdi. Masalan, juda ko‘p kinostudiyalar o‘z mahsulotlarini reklama qilish uchun Web-sahifalar yaratishadi. Mazkur Web-sahifalarda asosan yangi filmlar haqidagi ma‘lumotlar bilan birga shu filmlardan 1-2 daqiqali parchalar aks ettiriladi. WWW yaratilgunga qadar bunday imkoniyat faqat kinoteatrlar yoki televideniya orqaligina mumkin edi.
Kinoteatr va televideniya orqali namoyishlar belgilangan vaqtga bog‘liq bo‘lsa, WWW dan xohlagan kishi istalgan vaqtda yangi filmlar haqida to‘liq ma‘lumot olishi mumkin.
WWWning ommalashishiga yana bir omil gipermatndir. Gipermatn Web-sahifaning biror qismiga yoki boshqa Web-sahifaga bog‘liqligini ko‘rsatuvchi ilova bo‘lib, u so‘z yoki rasm bo‘lishi mumkin. Gipermatn yordamida Web-sahifaning kerakli qismiga yoki boshqa Web-sahifaga tez va oson o‘tiladi, bu hol kerakli qism yoki Web-sahifaga gipermurojaat deb ataladi.
Bitta tashkilot yoki xususiy shaxsga tegishli va mazmuniga ko‘ra o‘zaro bog‘langan bir necha Web-sahifalar majmuyi Web-sayt deyiladi. Web-saytni kitobga, Web-sahifani esa kitobning sahifasiga o‘xshatish mumkin.Web-saytdagi Web-sahifalar o‘zaro gipermatn yordamida bog‘lanadi. Web-saytlar ham, Web-sahifalar ham Web-server deb ataluvchi Internetga ulangan maxsus kompyuterlarda saqlanadi va o‘z manziliga ega bo‘ladi. Bu manzil URL deb ataladi. URL hamisha http:// yozuvidan boshlanadi (http — Hyper Text Transfer Protocol). So‘ngra Web-sahifa joylashgan tarmoq manzili (masalan, www.uzsci.net), keyin Web-sahifa nomi (masalan, ~rtm) yoziladi. Provayderlar (ingliz. provide

• 
  imkon berish, ta‘minlash) — Internetning ba‘zi qismlaridan foydalanishga imkon beruvchi va foydalanuvchilarga turli xizmatlarni ko‘rsatuvchi firmalardir. Shunday qilib, misolda keltirilgan Web- sahifaning Internetdagi manzili http://www.uzsci.net/~rtm ko‘rinishida bo‘ladi.
  

NAZORAT SAVOLLARI

1. 
   Internet texnologiya deganda nimani tushunasiz?
   
2. 
   Qanday belgili tillarni bilasiz?
   
3. 
   Mijoz-server texnologiyasini qanday tushunasiz?
   
4. 
   WWW rivojlanish bosqichlari?
   
5. 
   PHP, MySQL, JavaSript va CSS dan foydalanish afzalliklari?