1-mavzu: O’sish va rivojlanishning umumiy qonuniyatlari reja

Turli yosh davrining ta’rifi
Odam yoshini davrlarga ajratilish asosiy sababining poydevorida barcha organ va tizimlarning anatomo-fiziologik xususiyatlari va ijtimoiy kriteriyalari ya’ni bolaning yasli, bog‘cha va maktabdagi tarbiyalanish sharoiti yotadi. Masalan, yaslida tarbiyalansa, yasli yoshi, bog‘chada bog‘cha yoshi, maktabda ta’lim olsa, maktab yosh davrlari deb ataldi. Fanda rus gigiyenisti N.P.Gundobin tuzib bergan yoshlik davrlari sxemasi qo‘llaniladi. U odamning yoshlik yillarini quyidagi davrlarga birlashtirgan. Har bir davr o‘z ichiga bir necha yillarni qamrab oladi va har bir davrda o‘ziga xos jarayonlar sodir bo‘ladi.
1.Ona qornidagi rivojlanish davri. Homila har tomonlama ona organizmiga bog‘liq bo‘ladi.
2.Yangi tug‘ilgan chaqaloqlik davri. 1 kundan - 10 kungacha (kindik tushguncha). Bu davrda bola yangi hayotga moslasha boshlaydi. Ilk bor mustaqil ravishda nafas oladi. Analizatorlar tizimi mustaqil ishlay boshlaydi.
3.Ko‘krak yosh davri 1 yoshgacha. Bu davr bola hayotidagi katta ahamiyatga ega bo‘lgan davr hisoblanadi. Bu davrda bolaning bo‘yiga o‘sishi 1,5 marta, og‘irligi 3 martaga oshadi, nutq paydo bo‘ladi. Qalqonsimon, ayrisimon va gipofiz bezlarining funksiyasi kuchayadi. Ba’zi tizimlarning funksional jihatdan mustahkam bo‘lmasligi, jumladan ovqat hazm qilish va nafas olish, bu yoshdagi bolalar orasida oshqozon-ichak kasalliklari va nafas olish organlarining kasalliklarining tarqalishiga olib keladi.
4.Bog‘cha yoshigacha bo‘lgan davr (1-3 yoshgacha). Bu davrda tananing bo‘yiga o‘sishi, og‘irligining ortishi biroz susayadi. So‘z boyligi ortadi, o‘zligini taniydi, taqlidchanligi ortadi, organ va tizimlar faoliyati takomillashadi.
5.Bog‘cha yosh davri (3-6, 7 yoshgacha). Bu davrda xotira fikrlash tasavvur qilish protsesslari rivojlanadi, intizom paydo bo‘ladi, miya po‘stlog‘i juda ko‘p shartli bog‘lanishlar vujudga kela boshlaydi.
6.Kichik maktab yosh davri, (7-12 yosh). Skeletning suyaklashuvi davom etadi, tana proporsiyasi o‘zgaradi, bosh miya katta yarim sharlari ro’li, jinsiy bezlarning gormonal ta’siri orta boradi.
7. O‘rta maktab yosh davri (12-15 yosh). Bu davrda ikkilamchi jinsiy belgilar paydo bo‘ladi, tormozlanish va qo‘zg‘alish protsesslari muvozanatlashadi, umumlashtirish protsesslari ortadi.

8. 
   Katta maktab yosh davri yoki balog’at yosh davri. Qizlar uchun 15-yosh
   bolalar uchun 15-20 yoshgacha. Bu davrda jinsiy bezlar kuchaygan bo‘ladi, ikkinchi darajali jinsiy belgilar rivojlanadi, tananing bo’yiga o‘sishi va
   og’irligining ortishi tezlashadi. Barcha organ va tizimlarning funksiyasi
   takomillashadi. Bolaning ruhiy holati o‘zgaradi.
   

1965 yili Moskvada yosh davrlariga bag‘ishlangan kengashda quyidagi yosh davrlari sxemasi qabul qilingan:

1.	Yangi tug‘ilgan davri	1–10 kun
2.	Emizikli davri	10–1 yoshgacha
3.	Go‘daklik davri	1–3 yoshgacha
4.	Birinchi bolalik davri	4–7 yoshgacha
5.	Ikkinchi bolalik davri	8–12 yosh, o‘g‘il bolalar 8–11 yosh, qiz bolalar
6.	O‘smirlik davri	13–16 yosh, o‘g‘il bolalar 12–15 yosh, qiz bolalar
7.	Navqironlik davri	16–20 yosh, qizlar 17–21 yosh, yigitlar
8.	Etuklik davrning I bosqichi	22–35 yosh, erkaklar 21–35 yosh, ayollar
9.	Etuklik davrning I bosqichi	36–60 yosh, erkaklar 36–55 yosh, ayollar
10.	Keksalik davri	61–74 yosh, erkaklar 56–74 yosh, ayollar
11.	Qarilik davri	75–90 yosh (ayollar va erkaklar)
12.	Uzoq umr ko‘ruvchilar	90 yosh va undan ortiq.

Yevropa Ittifoqida bolalar, yoshlar va yosh oilalarda salomatlik Gardientlari pasayishi kuzatilyapti. Bunga nima ta’sir qilmoqda. Yevropa Ittifoqining barcha mamlakalatlarida salomatlik darajasi va ijtimoiy status orasida tizimli korellyatsiya mavjud – ijtimoiy holat, statusda pasayishlar kuzatilishi bilan salomatlik darajasining ham pasayishi kuzatiladi. Sog’liqni saqlash sohasidagi ushbu ijtimoiy Gradientlar zararli va adolatsizdir, ayniqsa, gap bolalar va yoshlar haqida ketganida bu yaqqol seziladi, chunki dastlabki yillardagi qiyinchiliklar butun hayot sikli davomidagi salomatlik darajasiga o’z ta’sirini o’tkazadi.

• 
  Bola 18 ga yetmagan har bir inson bola maqomiga egadir. Katta hayotga qadam qo’ymagan 18 dan oshgan insonlar yosh avlod deb hisoblanadi. Quyidagi terminlarni biz turli yosh kategoriyalarini tasvirlashda qo’llaymiz:
  
• 
  Ilk bolalik (0-5 yosh) va u quyidagilarni o’z ichiga oladi:
  
• 
  Yangi tug’ilganlar (0-12 haftalar)
  
• 
  Go’daklar (0-12 oylar)
  
• 
  Yurishni o’rganayotgan yosh bola (1-3 yosh)
  
• 
  Maktabgacha yoshda bo’lgan bolalar (3-5 yoki 6 yoshlar)
  
• 
  O’spirin (12-18 yosh)
  
• 
  Yosh avlod (15-24yosh)
  
• 
  BMT yosh avlod deb 15-24 yoshdagi shaxslarni belgilab beradi. UNESCOda yosh avlod deb doimiy evolyutsiyadagi turli guruxlarni tushuniladi.
  
• 
  Yoshlar (15 – 24 yosh).
  

BMT yoshlikni shaxs yoshi sifatida 15-24 yosh etib belgilaydi. BMTning fan, ta’lim va madaniyat masalalari bo’yicha tashkiloti YUNISEF yoshlarni doimiy evolyutsiyada bo’lgan turli xil guruhlar sifatida tan oladi va yosh bo’lish “turli xil hududlar va alohida mamlakatlarda jiddiy tarzda farqlanadi” deya ta’kidlaydi³

1^{ Anatomy of the Human Body.Henry Gray.Nega Assefa Alemaya University Yosief Tsige Jimma University.In collaboration with the Ethiopia Public Health Training Initiative, The Carter Center, the Ethiopia Ministry of Health, and the Ethiopia Ministry of Education 2003. 6-18 betlar mazmun mohiyatidan foydalanildi.}

2^{ Anatomy of the Human Body.Henry Gray.Nega Assefa Alemaya University Yosief Tsige Jimma University.In collaboration with the Ethiopia Public Health Training Initiative, The Carter Center, the Ethiopia Ministry of Health, and the Ethiopia Ministry of Education 2003. 209-213 betlar mazmun mohiyatidan foydalanildi.}

3^ The Rignt Start to a Healthy Life. Contact : i.stegeman @eurohealthnet.eu, c.costongs @eurohealtnet.eu EuroHealthNet, Rue de la Loi 67 , 1040 Brussels, Belgium, 178-185 betlar mohiyatidan foydalanildi.