|
Muammoning yechimi - Ana shunday og'riqli muammolar borligini chuqur his qilgan holda, bu muammolarning yechimi topilganini va bu yechim yuqoridagi muammolardan xolos bo'lishning ayni kundagi eng qulay, eng arzon va eng muhimi, eng hammabop usul ekanligini Sizga yetkazayotganimdan behad baxtiyorman.
Taklif etilayotgan yechimda pechga yonadigan yoqilg'i turiga hech qanday cheklov qo'yilmaydi. Hatto kuz xazonrezgisi tufayli to'kilgan barglar, singan shox-shabbalar, pomidor, bodring, qovun palaklari, ariqlar bo'yida o'z holida o'sib yotadigan, hatto mol yemaydigan turli o'tlar ham sizni va oilangizni qahraton qish sovug'idan bemalol olib chiqishi mumkin.
Bundan tashqari, balkim eng muhimi, har yarim soat-bir soatda pechga yangi o'tin qalab o'tirishingizga hojat qolmaydi. Chunki pech yoqilgach, pech hajmiga qarab, bir necha soat mobaynida isitib turishi mumkin. Masalan, o'lchamlari 50 sm X 50 sm X 50 sm bo'lgan pech kamida 4-5 soat mobaynida yuqori haroratli issiqlik berib turadi.
O'lchamlari 50 sm X 50 sm X 100 sm bo'lgan pech esa sizning bo'yi 5 metr, eni 4 metr bo'lgan xonada qishning 10-12 soatli uzun va sovuq tunini yengil kiyimda dam olishingizni ta'minlaydi va hokazo. Ha, aytgandek. Qo'shimcha sifatida shuni aytishim mumkinki, bu yechim issiqxona, garaj va shu kabi boshqa xonalarni isitish muammosi bo'lganlar uchun ham zo'r yechim, desa mubolag'a bo'lmaydi.
Dostları ilə paylaş: |
