1. Tema : «Meniń janajan Qaraqalpaqstanım» Jumıstıń maqseti

1. Tema :
«Meniń janajan Qaraqalpaqstanım»
Jumıstıń maqseti: Ǵárezsiz Ózbekstan Mámleketi quramındaǵı Qaraqalpaqstan avtonomiyalıq respublikası haqqındaǵı túsinikleri keńeyedi. Ǵárezsizlik sharapatı menen qayta tiklengen haq-huqıqlar, azatlıq, erkinlik, óz mámleketlik tiline ıye bolıwı, baylıqlardıń xalıq baxıt – ıǵbalı mápi jolında paydalanıp kiyatırǵanlıǵı haqqında túsinik aladı, DVD diskları arqalı watan haqqındaǵı kompoziciyani hám qosıqlardı tıńlaydı.
Qaraqalpaqstan respublikası gerbi, bayraǵı, gimni haqqındaǵı balalar bilimleri bekkemlenedi. Súwretlew boyınsha súwret sızıw mamanlıǵın rawajlandırıw.
Kerekli buyımlar : Bayram súwretlengen DVD disk, elimiz nıshanları gerbi, bayraǵı, temaǵa tiyisli súwretler, oyın ushın buyımlar hám súwretleytuǵın iskerlik orayı.
Iskerliktiń barısı : Balalar, búgingi sáwbetimiz quyashlı Qaraqalpaqstan - ana úlkemiz haqqında boladı. Mine elimiz Ǵárezsizliginiń 32 jıllıǵın bayramladıq. Bul bayram biz ushın úlken bayram, milliy bayram esaplanadı. Keliń sizler menen birgelikte watanımız haqqındaǵı kompoziciyani kóremiz. (DVD arqalı kórsetiledi.) kórsetilgen bayram tásirleniwlerin soraydı.
Qáne aytıń Balalar:
- Bayram dástúrinde nelerdi kórdińiz?
- Ǵárezsiz mámleket degende qanday mámleketti túsinesiz?
(óz gerbi, óz gimni, óz bayraǵına, óz tili, óz shegarası bar mámleket).
Durıs, ǵárezsizlik sharapatı menen azat, erkin boldıq. Óz mámleketlik tilimizge iye boldıq. Biz baylıqlarımızdı xalqımız baxıt hám ıǵbalı, mápi jolında paydalanıw xuquqına iye boldıq.
Biz qanday baylıqlarǵa iyemiz (paxta, neft, taskómir, altın, pul)
Tárbiyashi: 32 jıl onsha kóp múddet bolıwına qaramay, Ózbekstan Respublikası dúnyaǵa ǵárezsiz mámleket bolıp tanıldı.
Házirgi kúnde ǵárezsiz elimizdiń bayraǵı jelbirep turıptı. Búgingi kúnde Ózbekistan ǵárezsizligin júdá kóp mámleketler tán aldı.
Respublikamız nıshanları - bayraq, gerb, gimn Qaraqalpaqstan xalıqlarınıń dańq hám ataǵı, namısı bolıp tabıladı. Qaraqalpaqstan respublikası nıshanları haqqında kim qosıq biledi. (Balalar juwabı ).
- Bárekella, balalar Mámleketlik nıshanların ulıǵlaw, qádirlew-Qaraqalpaqstannıń qádir-qımbatın, óz eline hám jeke ózine bolǵan isenimdi bekkemlew bolıp esaplanadı.
Qaraqalpaqstan respublikası menen maqtanatuǵın insan júdá kóp zatlarǵa iye. Bul bolsa watanıń dańq-mártebesin asıradı. Bul biziń minnetimiz. Bunı bizler ásirese sportshılarımız shet mámleketlerinde jeńiske eriskende bayraǵımızdı joqarıǵa kóteriwinen, gimnimiz jańlawınan da bilemiz. Sportshılarımızdan kimlerdi bilesizler?
Balalar juwapları : (Ataqlı sportshılarımız qatnasıwındaǵı videoúzindiler kórsetiledi.)
Qaraqalpaqstanda Prezidentimiz basshılıǵında júdá kóp ımaratlar qurıldı. Qalamız kúnnen-kúnge tanıp bolmas dárejede ózgerip atır.
Biz Qaraqalpaqstan keleshegine isenim menen qaraymız. Kelińler balalar, Qaraqalpaqstan úlkemiz haqqındaǵı qosıqlardı eslep yaddan aytamız.
Balalar qosıqlardı aytıp bolǵannan soń, olarǵa tetiklestiriwshi shınıǵıw retinde «Óz bayraǵında bar»háreketli oyının oynaw usınıs etiledi. Oyın mazmunı, signal berilgende, balalarǵa 4 qıylı reńdegi bayraqlar qoyılǵan, balalar qolındaǵı reńdegi bayraqqa barıp turadı.
- Kelińler Balalar sizler menen Watan haqqındaǵı naqıl-maqallardı aytımız. Kim kóp aytatuǵın eken-?
- Búlbil shámendi súyer, adam watandı.
Oyın tawsılǵannan keyin, balalarǵa qálegen súwret sızıw usınıs etiledi. Balalar bayram tásirleniwleri, bayraq, gerb, Xumay qusın súwretlewleri múmkin.