www.interfinance.uz
4
tahlilda juda katta ko‘rsatkich hisoblanadi. Ushbu katta ko`rsatkichkni qisman
berilgan ma`lumotlarning vaqtli qator ekanligi bilan izohlasa bo‘ladi. Shunga
qaramasdan, bu yerda eng kichik kvadratlar usulida topilgan regression tenglama,
bog‘lanishni ancha ishonchli aks ettirgan deb xulosa qilishimiz mumkin. Umuman
olganda, yalpi ichki jamg‘arma va yalpi ichki mahsulot o`rtasidagi bog`lanishni aks
ettiruvchi rasmdan va regressiya tenglamasidan shuni xulosa qilish mumkinki, yalpi
ichki mahsulot va yalpi ichki jamg‘armalar o`rtasida sabab va oqibat bog`lanishi
mavjud.
Yalpi ichki jamg‘armalar makroiqtisodiy ko`rsatkichi bilan bog‘liq muhim
iqtisodiy ko‘rsatkich bu yalpi investitsiyalardir (keyingi o‘rinlarda investitsiyalar) .
Yalpi investitsiyalar xorijiy adabiyotlarda, hisobotlarda “investitsiyalar”, “kapital
shakllanishi” (ingliz tilida capital formation), “yalpi kapital shakllanishi” (gross
capital formation) shaklida uchraydi. Mamlakat iqtisodiyotida jamg‘arma va
investitsiyalar o‘rtasidagi muvozanat muhim hisoblanadi. Bundan tashqari yalpi ichki
jamg‘armalar yalpi investitsiyalarning chet el investitsiyalarini mustasno qilganda
yagona manbasi hisoblanadi.
Investitsiyalar jahon makroiqtisodiy tahlili amaliyotida 3 guruhga bo‘linadi:
biznesga yo‘naltirilgan investitsiyalar (business fixed investments), uy xo‘jaliklari
investitsiyalari (residential investments), tovar moddiy zahiralariga investitsiyalar
(inventory investments). Biznesga yo‘naltirilgan investitsiyalar bu firma va
korxonalar tomonidan sotib olingan asosiy vositalardir. Uy xo‘jaliklari investitsiyalari
esa uy xo‘jalikarining yangi uy va yer sotib olish uchun qilgan xarajatlaridir. Tovar
moddiy zahiralariga investitsiyalar esa firma va korxonalar omborlaridagi tovar
moddiy zahiaralari qoldig‘ining o`tgan yilga nisbatan ortishidir.
O‘zbekistonda investitsiya siyosati davlat makroiqtisodiy rivojlanish
siyosatining muhim ajralmas qismidir. O‘zbekiston Respublikasi Prezidenti Sh. M.
Mirziyoyevning “O‘zbekiston Respublikasini yanada rivojlantirish bo‘yicha
harakatlar strategiyasi to‘g‘risida”gi farmonining “Iqtisodiyotni yanada rivojlantirish
va liberallashtirish” deb nomlangan uchinchi yo‘nalishda ham 2017-2021-yillarda
O‘zbekistonda investitsiya muhitini yaxshilashga alohida e`tibor berilishi ta`kidlab
o`tilgan [4].
Xo‘sh, O‘zbekistonda jamg‘arma va investitsiyalarning o‘zaro mutanosibligi
qanday? Mamlakat miqyosida amalga oshirilayotgan investitsiyalarni amalga oshirish
uchun milliy jamg‘armalar yetarlimi? Bu savollarga javob berish uchun, avvaliga,
O‘zbekistonda jamg‘arma va investitsiyalarning umumiy hajmi va yillar davomidagi
dinamikasiga e`tibor berishimiz kerak.
“Халқаро молия ва ҳисоб” илмий электрон журнали. № 4, август, 2017 йил
Dostları ilə paylaş: |