10-Mavzu: Internet xizmatlari va uning dasturiy ta'minoti

NAT tizimi.

1. 
   Komp'yuter va boshqa qurilmalar internetga ulanishi uchun o'z IP manziliga ega bo'lishi kerak. Internet yaratilganidan buyon juda tez kengaymoqda va IP manzillar etishmay qolmoqda. Bu muammoni hal qilish uchun NAT (Network Address Translation - Tarmoq manzillarini almashtirish) tizimidan foydalaniladi. Bu tizim mahalliy tarmoqni tashqi hujumlardan himoya qilishga ham yordam beradi. Kichik tarmoqlarda NAT marshrutizator yoki Hub lar yordamida amalga oshiriladi.
   
2. 
   Nub lar o'z IP manzillariga egalar. Bu manzil unga ISP provayder tomonidan beriladi va bu manzilga internetdan murojat qilish mumkin.
   
3. 
   Mahalliy tarmoqdagi har bir komp'yuterga Nub tomonidan ichki IP manzil beriladi. Bu ichki manzillaridan faqat mahalliy tarmoqda foydalaniladi va ularga tarmoqdan tashqaridan murojaat qilib bo'lmaydi. Odatda tarmoq ichidagi manzillar uchun maxsus manzillar, masalan, 192.168.*.* yoki 172.16.*.*, 127.0.*.* lar ajratilgan bo'ladi. Bu manzillardan internetda foydalanilmaydi va shu sababli ulardan har qanday mahalliy tarmoqda foydalanish mumkin.
   
4. 
   Tarmoqdagi biror komp'yuter Internetga ulanganda o'zining ichki manzilidan emas, balki Nub ning tashqi manzilidan foydalanadi.
   
5. 
   Mahalliy tarmoqdagi barcha komp'yuterlar internetda bir xil IP manzilga ega. Lekin Nub ularning ichki manzillarini biladi. Internetdan ma'lumot kelganda Nub bu ma'lumot uchun talab qaysi komp'yuterdan jo'natilganligiga qarab, shu komp'yuterga ma' lumotlarni jo'natadi.
   
6. 
   NAT tizimi mahalliy tarmoqdagi komp 'yuterlarni xakerlardan va boshqa tashqi xujumlardan himoya qiladi. Bunday hujumlar tashqi IP manzilga, ya'ni Nub ning o'ziga qaratilgan bo'ladi. SHu sababli bu hujumlarning ko'p qismi tarmoqdagi komp'yuterlar uchun xavfli emas.