Imkoniyatlar matrisasi SWOT tahlil usuli orqali korxona muhitini muvaffaqiyatli tahlil qilish uchun nafaqat tahdid va imkoniyatlarni aniqlay olish muhim, balki ularni muhimlik va korxona strategiyasiga ta’sir etish darajasi nuqtai nazari bo’yicha ham baholay bilish kerak.
Imkoniyatlarni baholash uchun har bir aniq imkoniyatni pozisiyalashtirish usuli qo’llaniladi (5.3-rasm).
5.3-rasm. Imkoniyatlar matrisasi. Matrisa quyidagicha tuziladi: yuqorida gorizontalda imkoniyatlarning korxona faoliyatiga ta’sir darajasi joylashtiriladi (kuchli, o’rtacha, oz), chapda vertikalda korxonaning imkoniyatdan foydalana olish ehtimoli joylashtiriladi (yuqori, o’rtacha, kam). Matrisa ichida hosil bo’lgan 9 ta imkoniyatlar maydoni korxona uchun turli ahamiyatga ega. YuK, YuO’ va O’Q maydonlariga kiruvchi imkoniyatlar korxona uchun katta ahamiyatga ega va ularni albatta qo’llash kerak. O’O, KO’ va KO maydonlariga kiruvchi imkoniyatlar esa amaliy jihatdan korxona e’tiboriga arzimaydi. Qolgan maydonlarga kiruvchi imkoniyatlarni agar korxona yetarli resurslarga ega bo’lsa, qo’llash mumkin.
