3. Coğrafiya kabineti və meydançasında aparılan işlərin tərbiyəvi əhəmiyyəti
Coğrafiya meydançasında müxtəlif şöbələrin yaradılması ilk öncə şagirdlərə imkan verir ki, hər bir şöbənin xarakterik xüsusiyyətlərini öyrənsin. Hər bir terminin mənasını dərk etməklə yanaşı, orada yerləşən cihazların təyinatını, istifadə üsullarını və elmi əhəmiyyətini anlasın. Meydançada açıq məhəldə olan şagirdlər birbaşa təbiətlə təmasda olduğundan, təbiətin ona təsirini elmi nöqteyi-nəzərdən anlamağa imkan tapır. Hər bir cihazın təyinatını, istifadə üsullarını öyrənir. Göstəriciləri qeyd etmək bacarığı qazanır, onları statistik şəklə salmağı, qrafik və diaqram qurmağı, lazım gələn hesablamaları aparmağı həyata keçirir. Təqdimat üçün hesabat hazırlayır. Şagird tədqiqatçı, elmi işçi kimi fəaliyyət göstərir. Belə fəaliyyət şagirdə həyatı bacarıqların qazanılmasına şərait yaradır.
