3-laboratoriYaliq jumis

24 - súwret. Mákke ótkiziwshi tomlamınıń kese kesimi:
1-tiykarǵı parenxima, 2-aǵashlı sklerenxima, 3-elek sıyaqlı kletka,
4-joldas kletkalar, 5-aǵashlı parenxima, 6-tor sıyaqlı nay,
7-spiral` nay, 8-qa lqalı nay, 9- boslıq
Asqabaq (Cucurbita pepo) paqalınıń ashıq bikollateral toplamın úyreniw
İ slew tártibi: Asqabaq pálegi paqalında bikollateral toplam eki qatar bolıp jaylasadı, ishkisi iri, sırtqısı mayda boladı. İri toplam mikroskopta kóriw ushın úlkeytiledi, sonıń ushın preparattı jıljıtıp mayda toplamdı qıdırıp tabıw kerek. Sonday etip ayırım toplam dúzilisin kózden keshirsek qalıń qabıqlı ksilema hám elek tárizli floema nayların kóriw múmkin. Ksilema quramına kletka qabıǵı hár túrli qalıńlıqta bolǵan spiral, tor sıyaqlı, qalqan sıyaqlı suw nayları kiredi. Naylar átirapın da hám aralıǵında kletka qabıǵı qalıńlasqan aǵashlıq parenximası hám aǵashlıq talshıqları jaylasadı. Ashıq toplamda lub penen aǵashlıq talshıǵı arasında kambiy jaylasadı. Kambiy tuwrı bir neshe qatar kletkalardan ibarat bolıp tez-tez bólinip kóbeyip turadı: nátiyjede ishki tárepinde aǵashlıq kletkaları, sırtqı tárepinde lub kletkaları júzege keledi. Sonday etip toplam aǵashlıq hám lubtıń kóbeyiwi esabınan juwanıp baradı. Kambiyden payda bolǵan bul jańa elementler ekilemshi lub hám ekilemshi aǵashlıqqa aylanadı. Bunday ótkiziwshi toplam ashıq toplam delinedi. Ashıq toplamdı asqabaq paqalında kóriw múmkin. Asqabaq paqalındaǵı ótkiziwshi toplam elementleri mikroskoptıń úlken etip kórsetetuǵın ob`ektivinde tekserilip, súwreti dápterge sızıp alınadı (25-súwret ).
25 - súwret. Mákke ótkiziwshi tomlamınıń kese kesimi: 1-tiykarǵı parenxima, 2-aǵashlı sklerenxima, 3-elek sıyaqlı kletka, 4-joldas kletkalar, 5-aǵashlı parenxima, 6-tor sıyaqlı nay, 7-spiral` nay, 8-qalqalı nay, 9-boslıq
Qadaǵalaw ushın sorawlar

1. 
   Ótkiziwshi toplam neshe túrli boladı?
   
2. 
   Ashıq bikollateral` toplam qanday dúzilis ke iye?
   
3. 
   Jabıq hám ashıq ótkiziwshi toplamlardıń parqı nede?
   
4. 
   Mexanikalıq toqımanıń túrleri hám olar qanday wazıypán ı atqaradı?
   
5. 
   Kollenxima menen sklerenximanıń qanday parqı bar?
   
6. 
   Tas sıyaqlı kletkalar ósimliktiń qaysı bólimlerinde ushıraydı? Periderma hám chechevitsa ne?
   
7. 
   Ótkiziwshi toqımalar qanday wazıypán ı atqaradı hám olar neshe túrli boladı?
   
8. 
   Lub hám aǵashlıq qanday elementlerden dúzilgen?