8-mavzu. Taqdimotlarni tayyorlash texnologiyalari Reja

Animatsiyalar kiritish
Power Point dasturida prezentatsiyalarga animatsiyalar kiritish uchun dastlab animatsiyalar panelini ochib olish kerak. Buning uchun «Pokaz slaydov» menyusidan  «Effekti animatsii» buyrug’ini tanlash kerak. Ushbu buyruqni tanlashimiz bilan Power Point dasturining topshiriqlar paneli bo’limining ko’rinishi o’zgaradi. U yerda animatsiyali effektlar ro’yhati paydo bo’ladi (8.5– rasm).

-rasm. Animatsiyali effektlar ro’yhati oynasi.

Bu ro’yhatdan istagan ko’rinishdagi animatsion effektlarni tanlashimiz mumkin. Eslatma sifatida shuni ta’kidlab o’tish mumkinki biror bir effektni tanlashimiz bilan uning qanday ko’rinishdagi animatsiya ekanligi darhol namoyish etiladi va belgilangan yoki aktiv slaydlar uchun qo’llaniladi. Animatsiyalar ro’yhatining pastki qismida joylashgan «Primenitь ko vsem slaydam» tugmachasini bosish bilan tanlagan animatsiyamizni hamma slaydlar uchun qo’llashimiz mumkin. «Prosmotr»  tugmachasini bosish bilan yana bir bora slaydimizga kiritgan animatsiyani ko’rishimiz mumkin. «Pokaz slaydov» tugmachasining vazifasi esa qilingan ishlarni namoyish etishdir. Ya’ni katta ekranda ko’rsatish. Bu vazifani klaviaturadan «Shift+F5» tugmachasi ham bajaradi. E’tibor beradigan bo’lsak oynaning pastki qismida joylashgan «Avtoprosmotr» bo’limiga belgi qo’yilgan holatda turibdi. Agar biz ushbu belgini olib qo’yadigan bo’lsak, animatsiyani tanlashimiz bilan uning qanday animatsiya ekanligi bizga namoyish etilmaydi.

Animatsiyalarni sozlash
Animatsiyalarni sozlash uchun «Pokaz slaydov» menyusidan «Nastroyka animatsii» buyrug’ini tanlaymiz. Ushbu «Nastroyka animatsii» buyrug’ini tanlashimiz bilan yana topshiriqlar paneli oynasining ko’rinishi o’zgarib qoladi. Ushbu panelning «Dobavitь effekt» – effekt qo’shish tugmasi orqali tanlagan slaydimizga yoki ob’ektimizga yangi animatsiyali effekt biriktirishimiz mumkin bo’ladi. Ushbu tugmachani tanlashimiz bilan kontekst menyusi paydo bo’ladi. Ushbu kontekst menyudan animatsiyalarni kirishda yoki chiqishda qanday ko’rinishda bo’lishini belgilashimiz mumkin. Misol tariqasida kirishga animatsiya qo’yishni ko’radigan bo’lsak «Vxod» bo’limini tanlashimiz bilan yana yoniga yangi kontekst menyu ochiladi. Ushbu kontekst menyudan animatsiyalarni tanlashimiz mumkin (8.5-rasm).

8.5-rasm. Effektlarni tanlash oynasi.

Bu yerda berilganlardan tashqari boshqa animatsiya tanlamoqchi bo’lsak «Drugie effekti» bo’limini tanlashimiz kerak bo’ladi. “Drugie effekti” bo’limini tanlashimiz bilan yangi effektlarni tanlash “Dobavlenie effekta vxoda” muloqot oynasi paydo bo’ladi. Paydo bo’lgan muloqot oynasidan qo’shimcha effektlardan o’zimizga yoqqanini tanlab «OK» tugmachasini bosish bilan ishni yakunlaymiz. «Vixod» bo’limidan ham chiqish uchun animatsiyalarni shu tartibda bajarishmiz mumkin.