8-tema. Turizmde xizmetler sapasınıń óz-ara básekege shıdamlılıǵı

---

8-tema. Turizmde xizmetler sapasınıń óz-ara básekege shıdamlılıǵı 
1.Óz-ara básekege shıdamlılıq túsiniginiń mazmuni. 
2. Óz-ara básekege shıdamlılıqtı belgilewshi kórsetkishler (faktorlar) 
3.Óz-ara básekege shıdamlılıqtı anıqlawda qollanılatuǵın usıllar 
 
Báseki tar mániste, málim tarawda anıq maqsetke erisiw ushın shaxslar yamasa 
xojalıq jurgiziwshi subyektlar ortasındaǵı jarıs bolıp tabıladı. Báseki insan 
iskerliginiń barlıq tarawların ózinde qamtıp alıp, shańaraq, jámáát, sport hám 
kórkem ónerde, turizm xızmetleri tarawında da kórinedi. Báseki turmıs ushın 
gúrestiń nızamlı forması retinde tán alınǵan. Bazardaǵı óz orınların saqlap qalıw 
ushın, básekileslerge salıstırǵanda bazarda jaqsılaw orın iyelewge umtılıw, 
ekonomikalıq kriziske uchramaslik maqseti isbilermenlerdi bahanı tómenletiwge, 
ónim hám xızmetler sapasın úzliksiz jetilistiriwge, sapasına kepillik beriwge 
májbúr etedi. Báseki predmeti ónim hám xızmetler bolıp, básekilesler olar arqalı 
qarıydarlar hám olardıń pul-qarjlarına erisiwge háreket etedi. Báseki obekti 
qarıydar yamasa qarıydar bolıp, olarǵa erisiw ushın óz-ara jarısta bolǵan tárepler 
gúres júrgizedi. Ónim hám xızmetler bazarı marketing kózqarasınan básekiniń úsh 
túri ámelde boladı: 
 1. Funksional báseki, 
bunda birden-bir mútajlikti túrli qurallarda qanaatlandırıw 
múmkin. Mısalı, azıq-awqatqa bolǵan mútajlik túrli ónimler esabınan, sayaxatqa 
bolǵan mútajlik túrli sayaxatlarda bolatuǵın turlar esabınan qanaatlandırılıwı 
múmkin. Málim mútajliklerdi qanaatlandırıwdı támiyinleytuǵın barlıq ónim hám 
xızmetler óz-ara funksional básekilesler esaplanadı. 
 2. Orınbasar báseki birden-
bir mútajlikti qanaatlandırıwǵa mólsherlengen 
málim parametr yamasa qásiyetleri boyınsha parıq etetuǵın ónim hám xızmetlerdiń 
óz-ara básekilasiwinde kórinedi. Mısalı, málim jaylastırıw shólkemine bolǵan 
mútajlik mıymanxana, milliy úy, atız háwli hám basqa orınlarda qanaatlandırılıwı 
múmkin.