9-Mavzu: Global korruptsiya ijtimoiy madaniy inqiroz oqibati 1. Korruptsiya tushunchasining ma'nosi va uning tarixiy ildizlari. Dunyo bo'yicha korruptsiya holatining tasnifi.
2. Korruptsiyaning shakllari va sabablari.Korruptsiyaning ijtimoiy hayotdagi ko'rinishlari.
3. Kadrlar korruptsiyasi va uni bartaraf etish mexanizmlari.Ta'lim va fan tizimidagi korruptsiyaning oqibatlari. Huquq tartibot organlari va jamoat tashkilotlaridagi korruptsiya.
4. Xalqaro korruptsiya iqtisodiy-siyosiy manfaatlar to'qnashuvi oqibati sifatida.
Etimologik jihatdan “korrupsiya” atamasi “buzish, pora evaziga og‘dirish” degan ma’noni anglatadigan lotincha “corruptio” so‘zidan kelib chiqqan.
Korrupsiya termini odatda mansabdor shaxslar tomonidan unga berilgan mansab vakolatlari va huquqlardan o‘zlarining shaxsiy manfaatlarini ko‘zlab qonunchilik va ahloq qoidalariga zid ravishda foydalanishini anglatadi.
Ko‘p hollarda bu atama siyosiy elitadagi byurokratik apparatga qarata ishlatiladi. Korrupsiya ko‘plab davlatlarning jinoyat va ma’muriy qonunchiligi bilan huquqqa qarshi harakat sifatida ta’qib qilinadi.
Xalq tilida soddagina qilib - poraxo‘rlik, keng ma’noda korrupsiya, deb ataluvchi hodisa barcha islohotlar ildiziga bolta urarkan, ushbu maqolada uni keltirib chiqaruvchi sabab va qarshi kurash choralarini tahlil etamiz.
YUridik ensiklopediya mualliflarining ta’kidlashicha, “korrupsiya mansabdor shaxslar tomonidan ularga berilgan huquqlar va hokimiyat imkoniyatlaridan shaxsiy boylik orttirish uchun foydalanishda ifodalanuvchi siyosat yoki davlat boshqaruvi sohasidagi jinoiy faoliyat”.
1.Korrupsiya tushunchaci, mazmun mohiyati Korrupsiya- mansabdor shaxs tomonidan shaxsiy boylik orttirish maqsadida qonunlarni buzish bilan bog‘liq bo‘lgan mansab faoliyatidan foydalanishdir.
