A. B. Radjiyev Abdulla Avloniy nomidagi Xalq ta’limi tizimi rahbar va mutaxassis
VI BOB. WEB-FREELANCE — INTERNET ORQALI DAROMAD OLISH
Yüklə 123,47 Kb. Pdf görüntüsü
|
|
VI BOB.
WEB-FREELANCE — INTERNET ORQALI DAROMAD OLISH 32 -dars . WEB-FREELANCE HAQIDA TUSHUNCHA So‘nggi paytlarda “freelance” so‘zi juda ommalashib bormoqda. Internet tizimlari orqali daromad topishni xohlovchi odam bu so‘zni bir marotaba bo‘lsa ham eshitgan. U holda, freelance so‘zi nimani anglatadi? Freelance internet orqali daromad olishni boshlash uchun eng qulay yo‘l. Birinchidan, uni boshlash uchun hech qanday boshlang‘ich mablag‘ talab etilmaydi, ikkinchidan, har qanday freelance xizmati uchun dunyo miqyosida talabning yuqoriligi. Bunday holat uni boshqa internet orqali daromad keltiradigan ishlar ro‘yxatida birinchi o‘ringa olib chiqdi. Freelancerlar, asosan, norasmiy ravishda faoliyat yuritishadi va o‘z xizmatlariga xaridorlarni o‘zlari izlab topishadi yoki buyurtmachilar taklifiga ko‘ra mehnat qilishadi. Bir paytning o‘zida bir necha buyurtmachi bilan hamkorlik qilishi ham mumkin. Biror korxona ro‘yxatida rasman hisobda turmaydi. Freelancerlikning ustunlik jihati — bu dunyoning istalgan joyidan turib istalgan mamlakatdagi loyiha bo‘yicha haq evaziga xizmat ko‘rsatish imkoniyatining mavjudligidir. Bunda ish beruvchi uchun ishchining qayerda faoliyat yuritishining mutlaqo ahamiyati yo‘q. Turli shahar, mamlakat, hatto qit’alarda yashayotgan odamlar ham hech bir moneliksiz mehnat munosabatlariga kirishishlari mumkin. Internetning butun jahon bo‘yicha keng rivojlanishi freelancerlik faoliyatining ommalashishiga sababchi bo‘ldi. Hozirda internet orqali masofadan turib ishlash bilan daromad topadigan freelancerlarning barqaror qatlami paydo bo‘ldi. Ularga oddiy ishlardan tortib yuksak bilim, malaka talab etiladigan ishlar bo‘yicha talab va ehtiyoj ortib bormoqda. BUNI BILASIZMI? Freelance deganda nimani tushunasiz? Freelancerlar kimlar? CMSning qanday imkoniyatlari mavjud? DIQQAT Freelancer (ingl. free – erkin; lancer – nayza) — erkin ishchi bo‘lib, asosan, bir martalik yoki mavsumiy xizmatlarni bajarish uchun yollangan, buyurtma asosida qandaydir ish yoki xizmatni kelishilgan haq evaziga belgilangan vaqt davomida amalga oshirib beruvchi shaxs. TAYANCH TUSHUNCHALAR Copyrighter (kopiray- ter) — reklama bo‘yicha yangi g‘oyalar o‘ylab topuvchi hamda reklama yoki marketingning boshqa shakllari matnini tuzuvchi shaxs. SEO mutaxassis (ingl. search engine optimization — qidiruv tizimini optimallash- tirish) — qidiruv tizimlarida internet sahifalarni targ‘ib qiluvchi mutaxassis. 3D model — obyektning haqiqiy ko‘rinishiga o‘xshash xayoliy uch o‘lchamli raqamli tasviri. |