Ölümlə heç bir zaman qarĢılaĢmayacaqsan. Ölüm varsa sən yoxsan, sən
varsa- ölüm yox.. O halda ölümdən qorxmaq axmaqlıqdır.
dəfə idi ki, Çəpli kəndinə hücum edirdik. Düşmən kəndin içərisindəki
evlərdə və çayın o tayında mövqe tutmuşdu. Mən atəş əmri verdim. Elə
ilk dəqiqələrdə ermənilərin bir tankını vura bildik. Tank yanmağa başladı.
Ermənilər PDM-lərdən düşüb qaçmağa başladı. Yarım saat ərzində
düşmən 15 nəfər canlı qüvvə, 3 PDM, bir tank itirərək Seyidlər kəndinə
tərəf geri çəkildi. Bir saatdan sonra artıq biz kəndə nəzarət edirdik.
Düşməndən qənimət kimi götürdüyümüz PDM-ləri təmir etmək lazım idi.
Bunun üçün Susuzluq kəndindən traktor gətirib PDM-ləri ona qoşaraq
bir-bir Susuzluq kəndinə çıxardıq... Axşamüstü mövqelərimizi başqa
bölüyə təhvil verib Susuzluq kəndinə qalxdıq.
* * *
Yanvarın 27-də komandir məni çağırıb üç gün əvvəl mühasirəyə
düşdüyümüz “At daşı”na qalxmağı və orada döyüş meydanında qalmış
döyüşçülərimizin meyidlərini götürməyi tapşırdı. O, əlavə edərək bildirdi
ki, artıq 4-cü tabor Qamışlı kəndini azad edərək At daşına-bizim
mühasirəyə düşdüyümüz yerə çıxmışdır. Mən baş leytenant A.Nağızadə
ilə bölüyün 75 nəfər əsgərini cərgəyə düzdüm, onların silah-sursatını bir
daha yoxladım, tapşırığı onlara bildirdim və müvafiq təlimatlar verdim.
Qaranlıq düşməmiş At daşına çatmaq lazım idi. Ona görə mən
vaxt itirmədən komanda verdim və bir cərgə ilə hərəkətə başladıq.
Susuzluq kəndindən aşağı enərək Çəpli kənd körpüsünü keçib, meşə
cığırı ilə, sərt yoxuşla yavaş-yavaş At daşına qalxırdıq. Mən gah qabaqda,
gah ortada, gah da arxa cərgədəki əsgərlərlə irəliləyir, yol gedə-gedə
onların əhval-ruhiyyələrini yüksəltməyə çalışırdım. Əsgərlərin bəzilərinin
həyəcan keçirdiyin hiss edirdim. Çünki iki gün əvvəl getdiyimiz yerdə
mühasirəyə düşmüşdük. Əsgərlərin çoxunun üz-gözündə həyəcanı sezir,
onlara ürək-dirək verməyə çalışırdım. Lakin, buna nail ola bilmirdim.
Əsgərlər gah mənə, gah da A.Nağızadəyə yaxınlaşır yenə də At daşında
döyüşəcəklərini və yaxud orada bizimkilərin olub-olmamalarını soruşur,
daxili bir həyəcanla addımlayırdılar. Mən onlara düşmənin uzaqda
olduğunu və 4-cü taborun düşməni oradan uzaqlaşdırdıqlarını bildirir,
təhlükəli heç nə olmadığını deyirdim. Lakin, əsgərlərin yenə də həyəcanlı
240
olduqlarını hiss edir, onları sakitləşdirməyə çalışırdım. Meşə cığırı ilə
yuxarı qalxır, demək olar ki, danışmırdıq. Mən əsgərlərə ürək-dirək
versəm də onları üç gün əvvəl mühasirəyə düşdükləri və ölümdən
çətinliklə xilas olduqları yerə yenidən aparmaq üçün əhval-ruhiyyələrinin
lazımi qədər olmadığını yaxşı dərk edirdim.
Cığırla yuxarı qalxarkən qəfil dilimin ucuna gələn sözləri
zümzümə etməyə başladım: “İgid əsgər, möhkəm dayan, möhkəm
dayan...” Mahnının sözlərini tam bilməsəm də astaca zümzümə edirdim.
Axı mən heç vaxt əsgərlərin yanında və ya başqa vaxt mahnı oxuyan
deyildim. Əsgərlərdən bəziləri təəccüblə mənə baxır, bəziləri isə
gülümsünürdülər. Bu iki-üç kəlmə söz bütün əsgərlərin üzünə bir
təbəssüm gətirdi və onların döyüş ruhunu geri qaytardı. Hamının əhvalı
yaxşılaşdı. Onlar əlbəttə, komandirin əhvalının yaxşı olduğunu görüb hər
şeyin yaxşı olacağını düşünürdülər...
Meşəliyin qurtaran yerinə-dağın üstünə qalxdıq. 4-cü tabor iki
gün əvvəlki döyüş meydanından 300 metrədək arxada hündür
təpəliklərdə mövqe tutmuş, ermənilər isə dünənki döyüşdə bir neçə meyid
qoyaraq əvvəlki mövqelərindən qovularaq bir az da yuxarı-dağlara tərəf
geri çəkilmişdilər. İrəlilədikcə təpəlikdə və yamaclarda erməni meyidləri
görünürdü. Bizim zabit və əsgərlərin meyidləri isə meşə talasında-neytral
ərazidə qalmışdı. Mən birinci tağımı alçaq təpəliklərdə yerləşdirdim ki,
öz atəşləri ilə düşmənin başını qatsın və digər tağmlarla biz meyidləri
döyüş meydanından çıxaraq. Arxa tərəfdə mövqe tutmuş 4-cü taborun
komandirinə isə bizi qorumağı tapşırdım.
Talaya yaxınlaşanda axşam düşürdü. Uzaqdan bizi görən düşmən
işıqsaçan güllələrlə bizi atəşə tutdu. 1-ci tağımın əsgərləri güclü atəşlə
düşmənə cavab verdilər. Arxadakı təpədən 4-cü taborun döyüşçüləri də
düşməni atəşə tutdu. Biz isə axşamın düşməsindən istifadə edərək atəş
açmadan meşə talasına yaxınlaşır və meyidləri bir-bir götürüb geriyə-
təpənin arxasına çıxarırdıq. Düşmən getdikcə atəşi gücləndirirdi. Deyəsən
bizi görmüşdülər. Birdən düşmən iri çaplı pulemyotlarla və
qumbaraatanlarla talanı güclü atəşə tutdu və biz məcbur olub sürünərək
geriyə çəkildik. İki gün əvvəl burada ikiqat mühasirəyə düşmüş və xeyli
həyəcan keçirmiş əsgərlərdən bəziləri yenidən vahiməyə düşərək geriyə
qaçdılar. Mən baş leytenant A.Nağızadəyə axtarışı davam etdirməyi
tapşırdım, özüm isə geriyə çəkilmiş əsgərlərin arxasınca qaçaraq onlara
çatdım. Əsgərlərin qarşısını kəsərək geri qayıtmağı və tapşırığı yerinə
yetirməyi əmr etdim. Biz yenidən talaya qayıdanda artıq A.Nağızadə
bildirdi ki, 13 nəfərin meyidi tapılıb. Talada və ondan aşağıda bir qədər
də axtarış apardıq. Çünki taborun 14 əsgərinin həlak olduğunu yəqin
241
Ġgid hərbdə, dost dərddə, zəif adam isə hiddətdə bəlli olar.
etmişdik. 14-cü meyidi isə tapa bilmədik. Yəqin etdik ki, itkin düşüb.
Meyidlərin hamısını götürərək meşə cığırı ilə çətinliklə Çəpli kəndinə
tərəf enməyə başladıq.
İtkin düşən əsgər Göyçay bölgəsindən müharibəyə gəlmişdi.
Lakin, 12 gündən sonra 4-cü taborun əsgərləri həmin əsgəri yaralı halda
meşədə bir qayalıqdan sağ tapmışlar. Çiynindən güllə yarası almış əsgər
sürünərək qayalığa çəkilmiş və bizdən aralı düşmüşdü. Biz mühasirədən
çıxdıqdan sonra həmin ərazi düşmən əlinə keçdiyi üçün o, gizləndiyi
qayalıq və kolluqdan çıxmadan gizlənməyə davam etmişdi. Bir neçə
gündən sonra bizim 4-cü tabor həmin əraziləri azad etsə də həmin yaralı
əsgər onların da düşmən olduğunu yəqin edərərk, yenə də gizlənmiş, 12
gün orada ac-susuz qalmışdı. 4-cü taborun tağım komandiri Elxan
Əliyevin dediklərindən: “At daşı adlanan yüksəkliyi düşməndən azad
edərək xeyli irəliləmişdik. Artıq Kəlbəcər şəhərinə doğru qəti hücuma
keçmək üçün əmr gözləyirdik. Qalın qar yağmış, əməliyyat aparmaq bir
qədər çətinləşmişdi. Buna baxmayaraq əsgərlərin əhval-ruhiyyəsi yüksək
idi. At daşı adlanan ərazinin təpəliklərində ön mövqedə durmuşduq.
Yanvarın 24-də burada mühasirəyə düşmüş Kəlbəcər Batalyonu isə
geriyə çəkilmiş və yenidən döyüşlərə qatılmışdır. Həmin batalyon sonra
başqa istiqamətdə-Söyüdlü istiqamətində irəliləyərək Göyçə ilə sərhədə
çıxmışdı. Fevralın 5-i idi. Mövqelərimizin cənub tərəfində Güneypəyə
kəndinin yuxarı hissəsindəki meşəlikdə bir yaralı əsgərə rast gəldik. O,
ölümcül vəziyyətdə idi. Güclə bizi başa saldı ki, 3-cü taborun əsgəridirvə
Göyçaydandır. Çiynindən yaralanmış, xeyli qan itirmiş, aclıq və
susuzluqdan taqətdən düşmüşdü. İlk tibbi yardım göstərdikdən sonra onu
hospitala göndərdik... ”
242
Faydasız həyat-vaxtsız ölümə bərabərdir
.
Dostları ilə paylaş: |