29 oktyabr 1994-cü il saat 12.56 Havalar soyuyub, dumanlı, çiskinli bir gündür. Bu gün üçüncü
sutkadır ki, bölüyə çörək gəlmir. Bütün düyü, vermeşil, və digər ərzaqlar
tükənib. Qazyan kəndinin camaatı bir az çörək göndərib, o da çox azdır.
Əsgərlər arasında narahatlıq və narazılıq var. Tərtər, Bərdə və digər yaxın
bölgələrdə çörək bişirilmədiyindən mülki əhali də əziyyət çəkir Ordunun
bu vəziyyətə düşməsi barədə qazmada oturub Şahlarla və Yadigarla
söhbət edirık.
Bütün bu əziyyət və məhrumiyyətlərə baxmayaraq biz yenə də ön
mövqedə, rütubətli səngərlərdə düşmənlə üz-üzə dayanmışıq. Çörəyimiz
olmasa belə vətəni qoruyan oğullar var. Mən belə oğlanlarla fəxr edirəm.
