22.HAQQ-HESAB KİTABÇASI Azərbaycan dilində latın əlifbası ilə və rus dilində. Yazılış tarixi 25 noyabr, 1931-ci il. Harada yazıldığı qeyd edilməmişdir. Kitabça bənövşəyi və qara mürəkkəblə yazılmışdır. A.X.Ə.K. tərəfindən C.Məmmədquluzadəyə verilmişdir.
Məzmunu: Pul haqq-hesabıdır.
Ölçüsü: 7x10 sm; həcmi: 16 vərəq; fond 6, s.v. 270.
23.İTTİHAMNAMƏ AKTI Rus dilində. Yazılış tarixi 19 oktyabr, 1913-cü il, Tiflis. Saya vərəqin bir üzünə qara rəngdə makina çapı ilə yazılmışdır. Surətdir. Akt Mətbuat işləri üzrə Tiflis Komitəsinin üzvü Mirzəyev və katib köməkçisi Pavlov tərəfindən təsdiqlənmişdir.
Məzmunu: «Molla Nəsrəddin» jurnalının 23 iyul, 1913-ci il, 20-ci nömrəsində bəhailərin dini rəhbəri Əbdül Bəhanı tənqid edən bir səhifəlik karikaturaya verilən şərhdə onun əxlaqsızlığına işarə edildiyinə görə C.Məmmədquluzadə və Əliqulu Nəcəfovun məhkəməyə verildiyi bildirilir.
Ölçüsü: 17,5x42 sm; həcmi: 2 vərəq; fond 6, s.v. 327.
