Agree appraisal instrument

 

Sorğu vəsaitinin məqsədi  

 

AGREE sorğu vəsaiti (Appraisal of Guidelines Research and Evaluation/ Klinik  

protokolların ekspertizası və qiymətləndirilməsi  üzrə sorğu vəsaiti) klinik tövsiyələrin 

keyfiyyətinin qiymətləndirilməsi  üçün istifadə olunur.   

Klinik tövsiyələr “həkim və pasiyentlərə müəyyən klinik vəziyyətlərdə düzgün tibbi 

qərarların qəbul edilməsində yardım etmək məqsədilə sistematik şəkildə hazırlanan 

müddəalardır” 

1

. Bu tövsiyələrin məqsədi  - “həkimlərin fəaliyyətinə təsir göstərmək 

üçün onlara ətraflı göstərişlər verməkdir” 

2

.  

 

Biz klinik tövsiyələri o zaman keyfiyyətli hesab edirik ki,  onların hazırlanmasında 

sistematik səhv riskini aşağı salmaq üçün adekvat tədbirlər görülmüş olsun, onlar həm 

konkret xəstə, həm də xəstələrin populyasiyası üçün effektiv olsun və praktikada 

istifadə  edilə bilsin.  

 

Klinik tövsiyələri qiymətləndirərkən, təklif olunan metodların effektivliyi, 

təhlükəsizliyi və dəyəri ilə bərabər, onların istifadəsinin praktik aspektlərini də nəzərə 

almaq lazımdır. Beləliklə,  klinik tövsiyələrin ekspertizası onların hazırlanmasında 

istifadə olunan metodikaların qiymətləndirilməsini, tövsiyələrin son variantının 

məzmununu və onların tətbiqi ilə bağlı faktorları özünə daxil edir.  

 

AGREE sorğu vəsaiti təqdim olunan materialın keyfiyyəti ilə bərabər, tövsiyələrin bəzi 

aspektlərinin keyfiyyətini də qiymətləndirməyə imkan verir. O, klinik tövsiyələrin 

gözlənilən effektivliyini,  yəni arzu olunan nəticənin əldə olunması ehtimalının 

qiymətləndirilməsini təmin edir. Sorğu vasitəsi tövsiyələrin xəstəliyin klinik nəticəsinə 

təsirini qiymətləndirməyə imkan vermir.  

 

AGREE sorğu vəsaitində istifadə olunan qiymətləndirmə meyarlarının əksəriyyəti 

təcrübi sübutlardan  daha çox nəzəri fərziyyələr üzərində qurulmuşdur. Onlar, klinik 

tövsiyələr sahəsində  geniş təcrübə və biliklərə malik olan və bir neçə ölkəni təmsil 

edən

 mütəxəssislərin müzakirəsi nəticəsində işlənib hazırlanmışdır. Beləliklə, AGREE 

sorğu vəsaitinə  hazırkı məsələ üzrə bu gün  mövcud olan fikirləri əks etdirən bir 

sənəd kimi baxılmalıdır.