Topshiriqni bajarish tartibi va usuli. To‘qima tarkibidagisuyuq fitonsidlarning ta’sirini o‘rganish uchun boshpiyozning suyuq bo‘tqasidan bir tomchisi olinib, unga mikroorganizmlar konidiyasi yoki zoosporalari aralashmasi tomiziladi va qoplagich oynacha bilan yopilib, mikroskopda kuzatiladi. Kuzatish jarayonida zoosporalarning harakati, tezligi, sekinlashishi va umuman to‘xtab qolishi uchun ketgan vaqt belgilab boriladi.
Fitonsidlarning bug‘lanuvchan fraksiyasini mikroorganizmlarga ta’sirini o‘rganish uchun boshpiyoz bo‘tqasi asosi parafin bilan buyum oynachaga berkitilgan Van-Tigem halqasiga solib qo‘yiladi. Halqa ustki tomonidan Fitoftora infestans D.B. zoosporalari tomizilgan qoplagich oynacha bilan vazelin surkalib yopiladi. Qoplag`ich oynachada osilib turgan tomchi tarkibidagi zoosporalar mikroskopning kichik ob’ektivida kuzatiladi. Bug‘lanuvchi fraksiyalar qoplag`ich oynachada osilib turgan tomchi tarkibidagi Fitoftora infestans zoosporalariga ta’sir qilib, ularning harakatini to‘xtatguncha o‘tgan vaqti kuzatib aniqlanadi.
Shu tartibdagi tajribalar infuzoriya-tufelka bilan ham amalga oshirilib, jarayonlarning borish tezligi oldingi tajriba bilan taqqoslanadi. O‘tkazilgan tajriba natijasi quyidagi jadvalga yoziladi.
