Aholi turmush tarzi statistikasiga tayyorgarlik

AHOLI TURMUSH TARZI STATISTIKASIGA TAYYORGARLIK


Reja:

1. Aholi turmush darajasini ifodalovchi ijtimoiy-iqtisodiy indekatorlar tizimi.

2. Uy ho’jaliklari byudjetini statistik kuzatish.
3. Aholining sotib olish qobiliyati, minimal yashash darajasi va kambag’allik chegarasi.
4. Aholi turmush darajasini ifodalovchi umumiy ko’rsatkichlari.
5. Ijtimoiy infratuzilma statistikasining ko’rsatkichlari.
Turmush darajasi murakkab iqtisodiy kategoriya bo’lib, u biror-bir alohida ko’rsatkich bilan ifodalanmaydi. SHu sababli BMTning Statistika komissiyasi quyidagi ko’rsatkichlarni tavsiya etadi:
a) aholining demografik tavsifi (tug’ilish, vafot etish, kasal bo’lish, kelajakda ko’radigan umrining o’rtacha uzunligi);
b) sanitariya-gigiyena sharoitlari;
v) oziq-ovqat mahsulotlarini iste’mol qilish darajasi;
g) uy-joy hamda uzoq muddat davomida foydalaniluvchi jihozlar (avtomobil, muzlatgich, televizor va hokazo) bilan ta’minlanganlik;
d) ta’lim va madaniyat;
e) bandlik va mehnat sharoitlari;
j) aholining daromad va xarajatlari;
z) yashash qiymati va iste’mol narxlari;
i) transport vositalari;
k) dam olish, fizkultura va sportni tashkil qilish;
l) ijtimoiy ta’minot;
m) insonning erkinligi.
Turmush darajasini umumlashtiruvchi ko’rsatkichlardan biri sifatida aholi jon boshiga milliy daromad ishlab chiqarilishi (A+SH dollari yoki yevroda) qo’llaniladi. Biroq faqat bu boradagi ko’rsatkichlarning o’zi turmush tarzi haqida yetarlicha ma’lumot bera olmaydi. SHu sababli undan xalqaro taqqoslashlarda juda ehtiyotkorlik bilan foydalanish kerak.
Turli mamlakatlarning statistika amaliyotida aholining turmush tarzini o’rganish uchun ko’pincha quyidagi ko’rsatkichlardan foydalaniladi:
 nominal va real ish haqi;
 aholining nominal va real daromadlari;
 aholi xarajatlari va jamg’armalari;
 aholining uy-joy va uzoq muddat foydalaniladigan jihozlar bilan ta’minlanganligi;
 oziq-ovqat va nooziq-ovqat mahsulotlarining eng zarur turlarini iste’mol qilish darajasi;
 bandlik va ishsizlik darajasi;
 mehnat sharoitlari ko’rsatkichlari;
 ta’lim, sog’liqni saqlash, jismoniy tarbiya va sport, turizm va dam olish ko’rsatkichlari.
Xalqaro statistikada o’rtacha ish haqi bir ishchiga emas, balki bir odam-soatga nisbatan hisoblanadi. Bu jahonning ko’p mamlakatlarida ishchilarning katta qismi to’liqsiz ish vaqti bilan band ekanligi bilan izohlanadi.
Aholining daromadlari ish haqidan tashqari boshqa manbalardan olingan barcha pul va natural ko’rinishdagi daromadlarni o’z ichiga oladi. Ularga quyidagilar mansub :
1. Ish haqi shaklida bo’lmagan mashg’ulotlardan olinadigan daromadlar (choychaqa, qalam haqi, shaxsiy tomorqa xo’jaligidan olingan daromad, yakka tarzda mehnat faoliyatini yuritish tufayli olingan daromad).
2. Korxonalardan beriladigan ish haqi shaklida bo’lmagan daromad (moddiy yordam, korxonadan ketganda to’lanuvchi pul va hokazo).
3. Nafaqalar, stipendiyalar, kompensatsiya va tovon to’lovlari.
4. Xususiy mulkdan olingan daromad (foiz, renta, dividend, ijaraga berishdan tushgan daromad va hokazo).
5. YUtuqlar, meros, sovg’a, sug’urta to’lovlari.
6. Nolegal va yashirin faoliyat tufayli olingan daromad; chet eldan olinuvchi daromad (oylik ish haqi, nafaqa, stipendiya, grantlarni o’tkazish; insonparvarlik yordami va hokazo ).
Ish haqi ham, aholining daromadlari ham ikki xil variantda aniqlanishi mumkin:
1. Nominal sifatida.
2. Real tarzda.
Nominal ish haqi va nominal daromadlar bu ko’rsatkichlarning joriy narxlarda aks ettirilishidir. Real ish haqi va real daromadlar o’z ish haqi va daromadlariga sotib olish mumkin bo’lgan moddiy ne’mat va xizmatlar summasini tavsiflaydi. Real va nominal daromad (ish haqi) o’tasida quyidagicha aloqalar mavjud:

Bu yerda: R_dar.ish.haqi- real ish haqi yoki daromad;
N_dar.ish.haqi -nominal ish haqi yoki daromad;
J_is.baxo -iste’mol narxlari indeksi.
Iste’mol narxlari indeksini hisoblash murakkab hamda muammoli vazifa hisoblanadi. Biroq uni yechish juda katta amaliy ahamiyatga ega. Ma’lumki, istalgan mamlakatda yuz minglab va millionlab iste’mol mahsulotlari va xizmat turlari mavjud. SHu sababli narxlar indeksini har bir xizmat yoki tovar uchun aniq hisoblab chiqishning iloji yo’q. Bundan kelib chiqqan holda tovar-namuna usulidan foydalanish tavsiya etiladi.
Iste’mol narxlarining jamlanma indeksi guruhlardagi narx indekslari har bir guruhning ishlab chiqarilgan jami mahsulot va xizmatlar qiymatidagi salmog’iga ko’ra solishtirish yo’li bilan aniqlanadi:

BMT ning Statistika qo’mitasi tomonidan tavsiya etilgan umumiy ko’rsatkichlardan biri daromadlar kontsentratsiyasi koeffitsiyentidir. U ko’proq “Djini indeksi” nomi bilan tanilib, taqsimlashning amaldagi chetga og’ishlari darajasini belgilaydi. Boshqacha qilib aytganda, agar biror mamlakat aholisining o’rtacha daromadi ma’lum bo’lsa, aholining ma’lum bir guruhi daromadlarini mamlakatdagi o’rtacha daromadga bo’lish yo’li bilan daromadlar kontsentratsiyasi koeffitsiyentining necha foizga oshganligini osongina hisoblash mumkin.
Aholining jamg’armalari uning daromadlari va joriy xarajatlari orasidagi farqni anglatadi. Jamg’armalar pul yoki natural ko’rinishida bo’lishi mumkin. Pul jamg’armalari aholi qo’lidagi pul mablag’larining o’sishi yoki qimmatbaho qog’ozlarga (aktsiya, obligatsiya, sertifikat va hokazo) kiritilgan mablag’larning o’sishini anglatadi. Natural ko’rinishdagi jamg’armalar aholiga tegishli bo’lgan yer maydonlari, asosiy kapital (uy-joy, xo’jalik inshootlari, transport va hokazo) va moddiy zaxiralarning ortishini anglatadi.
Aholining uy-joy sharoitlarini tavsiflashda xalqaro statistika birinchi o’rinda uy-joy egalarini ajratib ko’rsatadi. Bu maqsadda jami uy-joy fondi xususiy (undan o’z egasi foydalangan holda), ijaraga olingan va davlatga tegishli turlarga bo’linadi. Ayrim oilalar bir nechta uy-joyga ega bo’lganliklari sababli (ba’zan boshqa shahar va davlatlarda) statistikada birlamchi rezidentsiya (egasi o’z vaqtini ko’proq o’tkazuvchi joy) va ikkilamchi rezidentsiya ajratib ko’rsatiladi.
Uy-joy sifatini o’rganishda uyning qavatlari, devorlarning materiali, shiftning balandligi, maishiy-kommunal qulayliklar (elektr toki, gaz, suv, vannaxona, telefon va hokazo) bilan ta’minlanganlik darajasiga asosan guruhlashdan foydalaniladi. Xususiy uy-joy uchun unga tegishli bo’lgan yer maydoni ko’rsatiladi. Aholining uy-joy bilan ta’minlanganligini umumlashtirib, tavsiflash uchun belgilangan standart talablariga javob bermaydigan uy-joylarda yashovchilar soni va ularning aholi umumiy sonidagi salmog’i hamda har bir uy uchun to’g’ri keluvchi xonalar soni ko’rsatkichlari ham qo’llaniladi. Farb mamlakatlarining uy-joy bilan ta’minlash standartida bu holda har bir yashovchiga bitta xona va yana qo’shimcha ravishda umumiy xona to’g’ri kelishi ko’zda tutilgan.
Aholining uzoq muddat xizmat qiluvchi turli jihozlar bilan ta’minlanishiga kelganda esa, xalqaro statistikada bunday jihozlarning har 100 ta oilaga yoki har 1000 kishiga to’g’ri kelishi hisobga olinadi. Bu avtomobil, muzlatgich, sovutgich, televizor, telefon, kir yuvish mashinasi, changyutgich va hokazolarga tegishlidir.
Aholi oziq-ovqat va nooziq-ovqat mahsulotlarining eng zarur turlari iste’mol qilishini tavsiflash jami aholi, shuningdek turli ijtimoiy-kasbiy guruh a’zolarining go’sht, sut, baliq, tuxum, non va boshqa mahsulotlarni aholi jon boshiga o’rtacha yillik iste’molini aniqlash yo’li bilan amalga oshiriladi. Bunda oziq-ovqat mahsulotlarini iste’mol qilishda faqatgina miqdorga emas, sifatga ham e’tibor beriladi. Bu maqsadda iste’mol qilinayotgan oziq-ovqat mahsulotlarining kaloriyalilik darajasi, shuningdek, oqsil, uglevod va vitaminlar bilan ta’minlanganlik darajasi ham hisobga olinadi. Biroq xalqaro statistika amaliyotida bunday ko’rsatkichlar zarur axborotlarning yetishmasligi sababli kamdan-kam hollardagina ishlatiladi.
Aholining madaniyati va ma’lumoti darajasini o’rganish uchun BMT Statistika qo’mitasi quyidagi bir qator ko’rsatkichlarni tavsiya qiladi:
a) savodsizlar soni va ularning “savodlilik yoshi” dan (bu yosh har bir mamlakat uchun muayyan sharoitlar asosida alohida belgilanadi) katta yoshdagilar sonidagi salmog’i;
b) maktabga bormayotgan maktab yoshidagi bolalar soni;
v) boshlang’ich va o’rta maktablarda o’qiyotganlar soni va tarkibi;
g) har 100 ming kishiga oliy o’quv yurtlari talabalari soni;
d) har 100 ming kishiga kundalik gazetalar soni;
e) har 100 ming kishiga kitoblar tiraji soni va shu kabi boshqa ko’rsatkichlar.
Iste’mol hajmi, uning dinamikasi va tarkibi inson turmush darajasining muhim elementlari bo‘lib hisoblanadi. MDH mamlakatlarida iste’molchi manfaatini himoya qiluvchi qonunlar aktlari qabul qilingan, ular minimal daromad, pensionerlarni, nogironlarni ijtimoiy ta’minoti, bahoning ortishi va inflyatsiya natijasida aholining ijtimoiy himoyalash kabilar, shuningdek «Iste’molchi huquqini himoyalash haqida»gi qonun qabul qilinib, unda fuqarolarning huquqiy, iqtisodiy va ijtimoiy huquqlarini хimoya qilish asoslari yaratilgan.
Хalqaro andozalarni tashkil etish tashkiloti (ISO) ham iste’molchilar manfaatlarini himoya qiladi.
Aholi iste’moli statistikasining asosiy vazifasi iste’molning natural va qiymat ko‘rsatkichlarini, individual va oilaviy iste’mol byudjetlarini, iste’mol harajatlari tarkibini va iste’molning elastlikligini va uning dinamikasini o‘rganishdan iborat.
Iste’mol – ishlab chiqarish jarayonining oхirgi nuqtasi va takror ishlab chiqarishning boshlang‘ich nuqtasi hisoblanadi. Iste’mol ma’lum ehtiyojlarni qondirish uchun ishlab chiqarilgan mahsulotdan foydalanishni anglatadi. Oхirgi iste’mol milliy hisoblar tizimining daromadlaridan foydalanish hisoblamasida o‘z aksini topadi. U uy хo‘jaliklarining ko‘p mablag‘lari va natural daromadlari hisobidan iste’mollarini, butunlay davlat qaramog‘ida bo‘lgan aholi iste’molini, shularga yana davlat tomonidan amalga oshiriladigan sog‘liqni saqlash, ta’lim, madaniyat, ijtimoiy ta’minot harajatlarini, fuqarolarning хorijdan sotib olgan mahsulotlari va хorijliklarning bizning mamlakatdan sotib olgan mahsulotlari orasidagi farqni ifodalaydi.
Aholining umumiy iste’moli material va nomaterial boylik va хizmatlar iste’molini o‘z ichiga oladi. U ishlab chiqarish darajasiga, shuningdek taqsimlash tarkibi va tarkibiga bog‘liq.
To‘lovli va to‘lovsiz iste’molni ajratish lozim.
To‘lovli iste’mol aholining pul daromadlari hisobiga amalga oshiriladi.
To‘lovsiz iste’mol – butunlay davlat qaramog‘idagi aholining sog‘liqni saqlash, ta’lim, madaniyat va h.k. muassasalaridagi tovar va хizmatlar iste’molini o‘z ichiga oladi. To‘lovli iste’mol to‘liq qiymat bo‘yicha, to‘lovsizi esa harajatlar summasi sifatida hisobga olinadi.
Хizmatlar material va nomaterial хizmatlarga bo‘linadi. Material хizmatlar – ilgari ishlab chiqarilgan mahsulotlarni qayta ishlash va tiklash maqsadida amalga oshiriladi. Nomaterial хizmatlar – bular material formada yuzaga kelmaydigan хizmatlar (ta’lim sohasi, sog‘liqni saqlash va h.k.). Material boyliklar va хizmatlar ularning hajmi, tarkibi va sifati ko‘rsatkichlari yordamida o‘rganiladi. Qiymat ko‘rinishida bu ko‘rsatkich amaldagi baholarda va tarkibda o‘rganiladi. Umumiy iste’mol hajmi bilan birga jon boshiga iste’mol ham aniqlanadi. Ayrim tovarlarni amaldagi jon boshiga iste’molini ratsionalnormativ darajani solishtirish aholini shu tovarga bo‘lgan ehtiyojini qondirish darajasini aniqlash imkoniyatini beradi. Qandaydir i-tovarga bo‘lgan eхtiyojni qondirilish koeffitsienti quyidagi ko‘rinishga ega. Ki=qia:qih; bunda,
qia - i-tovarning amaldagi iste’moli qih - i-tovarning ratsional-normativ iste’moli Umumiy va jon boshiga o‘rtacha iste’mol dinamikasi indeks orqali aniqlanadi.
Iste’mol indeksi quyidagi formula bo‘yicha aniqlanadi: a) bir tovar uchun: iq=q1:q0;
b) yoki jon boshiga: Jq/s=q1/S1: /S0; bunda, q1 q0 – bir tovarning joriy va bazis davrdagi amaldagi hajmi; S1 S0 – aholining bazis va joriy davrdan o‘rtacha yillik soni. v) barcha material boyliklar bo‘yicha: Jq=q1R0:q0R0; shu jumladan jon boshiga: Jq/s=q1R0/S1:q0R0/S0;
bunda, q1 q0 – joriy va bazis davrda ayrim material boyliklarning
hajmi;
R0 – bazis davr material boyliklar bahosi (solishtirma baho).
Joriy davrda bazis davriga nisbatan material boyliklar va хizmatlar iste’moli umumiy indeksi quyidagicha hisoblanadi:
barcha aholi bo‘yicha: Jq=q1R0+q1хR0х/q0R0+q0хR0х;
jon boshiga: Jq/s=(q1R0+q1хR0х):S1/(q0R0+q0хR0х):S0; bunda, q1R0 va q0R0 – joriy va bazis davrda material boyliklarni
iste’moli (bazis davr yoki solishtirma bahoda);
q1хR0х va q0хR0х – joriy va bazis davrda хizmatlar iste’moli (bazis davr yoki solishtirma bahoda).
Material boyliklar va хizmatlarni joriy baholarda dinamikasini o‘rganish lozim bo‘lganda quyidagi ko‘rsatkichlar yordamida aniqlanadi:
barcha aholi bo‘yicha: Jqr=q1R1:q0R0;
jon boshiga: Jqr/s=q1R1/S1:q0R0/S0;
bunda, q0R0 – vakil tovarlarning yoki хizmatlarning bazis davrdagi
qiymati (bazis davr bahosida);
q1R1 – vakil tovarlar yoki хizmatlarning joriy davrdagi qiymati (joriy davr bahosida).
Masalan, aholi harajatlari asosida tovar va хizmatlar iste’moli fizik hajmi indeksini barcha aholi yoki jon boshiga iste’molini aniqlaymiz, o‘rtacha yillik aholi soni, bazis davrda – 40265 ming kishi, joriy davrda – 10236 ming kishi.