Kisa 1 hədisi və “Təthir” ayəsi Sonra Əli (ə) Əbu Dərdaya, Əbu Hüreyrəyə və ətrafındakılara belə dedi:
“Ey camaat! Bilmirsinizmi ki, Uca Allah kitabında bu ayəni nazil edib: “Ey Əhli-Beyt! Həqiqətən, Allah sizdən (hər cür) çirkinliyi (pisliyi, günahı) uzaq tutmaq və sizi pakdan pak etmək istər!” 2 Peyğəmbər (s) məni, Fatiməni, Həsən
və Hüseyni bir kisanın altında yığaraq buyurdu: “İlahi, bunlar mənim itrətim,
mənə aid olanlar və Əhli-Beytimdirlər. Onlardan bütün pislikləri uzaqlaşdır və
onları pak-pakizə qərar ver”. (Orada olan) Ümmü Sələmə dedi: “Ya Peyğəmbər,
bəs mən?” Peyğəmbər (s) ona buyurdu: “Sən xeyir üzərindəsən. Amma bu ayə
məxsusən yalnız mənim, qardaşım Əlinin, qızım Fatimənin, övladlarım Həsən
ilə Hüseyn və Hüseynin doqquz övladı haqqında nazil olmuşdur. Bizdən başqa
kimsə yoxdur”.
Hamı ayağa qalxıb dedilər: “Biz şahidlik edirik ki, Ümmü Sələmə bizə
bunu belə danışıb. Biz də Peyğəmbərdən (s) soruşduq, o da eynilə bizə Ümmü
Sələmənin dediyi kimi danışdı.
