Ali-Muhammedin sirleri indd
Müaviyənin Əmirəl-möminin Əliyə (ə) son sözü
Yüklə 1,7 Mb. Pdf görüntüsü
|
|
7. Müaviyənin Əmirəl-möminin Əliyə (ə) son sözü
Müaviyə cavabında yazdı: “Ey Əbəl-Həsən, axirətə malik olacağına görə sənin, dünyaya sahib olacağımızı görə də xoş bizim halımıza!” 1 “Nəml” surəsi, ayə 62. 156 Suleym ibn Qeys Hilali HƏDİS 26 1. Qeys ibn Səd ibn Übadənin Müaviyə ilə mübahisəsi Aban Süleymdən və Ömər ibn Əbu Sələmədən (hər ikisi də eyni hədisi söyləyiblər) nəql edir: “Müaviyə Möminlərin əmiri (ə) şəhid olduqdan və İmam Həsənlə (ə) sülh bağladıqdan sonra öz xəlifəliyi dövründə Həcc ziyarəti üçün Mədinəyə gəldi. Mədinəlilər onu qarşılamağa çıxdılar 1 . Müaviyə onu qarşılamağa gələn qüreyşlilərin sayının ənsardan çox olduğunu gördü və bunun səbəbini soruşdu. Ona deyildi: “Onlar kasıbdırlar və minikləri yoxdur”. Müaviyə Qeys ibn Səd ibn Übadə tərəf üzünü tutub dedi: “Ey Ənsarlar! Siz niyə Qüreyşdən olan qardaşlarınızla məni qarşılamağa gəlmədiniz?” Ənsarın başçısı və başçılarının oğlu olan Qeys dedi: “Ey möminlərin əmiri, miniyimiz olmadığı üçün yerimizdə oturduq!” Müaviyə dedi: “Bəs dəvələriniz harada- dır?” Qeys dedi: “Onları Bədrdə, Ühüddə və Ühüddən sonrakı Peyğəmbərlə (s) getdiyimiz döyüşlərdə, sizin xoşunuza gəlməsə belə Allahın əmri zahir olana qədər İslam uğrunda sənə və atana qarşı qılınc yellədiyimiz vaxtlarda itirdik”. Müaviyə dedi: “İlahi, bağışla!” Qeys dedi: “Peyğəmbər (s) belə buyurub: “Məndən sonra bölgüdə başqalarını sizdən önə keçirəcəklərini görəcəksiniz”. Müaviyə dedi: “Bəs bununla bağlı sizə nəyi əmr etdi?” Qeys dedi: “Ona qovuşana qədər səbr etməyi əmr etdi”. Müaviyə dedi: “Elə isə ona qovuşana qədər səbr edin!” Sonra Qeys dedi: “Ey Müaviyə! Dəvələrimizə görə bizi qınayırsan? Allaha and olsun ki, Bədr günü onlara minib sizinlə qarşılaşdıq, siz həmin vaxt Allahın nurunu söndürməyə və Şeytanın sözlərini ucaltmağa çalışırdınız. Sonra sən və atan istəmədiyiniz halda qarşı çıxdığınız İslama daxil oldunuz”. Müaviyə dedi: “Sanki sən bizə bu yardımına görə minnət qoyursan! Allaha and olsun, bu barədə Qüreyşin minnəti və üstünlüyü daha çoxdur. Ey Ənsarlar! Siz Peyğəmbərə də yardım etmisiniz, o, Qüreyşdən idi, o bizim əmioğlumuz və bizdən biri idi. Ona da minnət qoyursunuz?” Minnət və üstünlük bizdədir ki, Allah sizi bizim yardımçımız və tabeçilərimiz etmiş, siz də bizim vasitəmizlə doğru yolu tapmısız”. 1 İbn Şəhr Aşubun “Məsalib”də yazdığına görə Qüreyş Qura vadisində, Ənsar isə Mədinədə onu qarşıladılar. |