Ajal o’z zaxrini ichkazdi menga.
Enaga: Qizim, tinchingni ol, bezovta bo’lma
Ha deb bexudaga g’amlarga to’lma
Shukur qil Tangriga bir oz durustsan.
Guli: Shukur, Tangri uchun qurbon bulurmen
Enaga: Hali bir g’unchasen kelgay bahoring
Ochilgaysan hali kulgay nahoring
Guli: Oh qaydam, g’unchamen kelmas bahori
Ochilmas hech qachon, kulmas nahori.
Enaga: Sabr qil, jon bolam, kelur bahoring
Guli: Dunyo bo’hton ila, g’iybatga kondir
Qilichdin, nayzadin bo’hton yomondir.
Enaga: Navoiy hech qachon bo’htonchilarga
Quloq solgan emas, solmas ularga.
( Shu payt sahnaga Alisher Navoiy kirib keladi. )
Navoiy: Ko’zim chiqsen seni ko’rguncha mundoq
Kesilsen til seni so’rguncha mundoq
Guli: Alisher, nomusim, orim o’zimda,
Alisher, yo’q sira yolg’on so’zimda
Navoiy: Gulim, anglat bu ne hol
Guli: Mening dardimni qo’y, qo’zg’atmagin... Oh...
Seni ko’rdim shu bas, Alhamdulilloh...
Navoiy: Tushuntir, qiynama, anglat bu ne hol
Guli: Saodat g’unchasin zulm etdi paymol
Faqat bir iltimos, ko’rkam chamanda,
Ochib gul – g’unchalar etganda xanda
Saharlab qilmayin odatni kanda
Kirib gulzor aro sayr aylaganda
Kirib gulzor aro misoli Farxod,
Chaman bulbullari qilganda faryod,
Juvonmarg g’unchani ham esla, yod et.
Unutma, doimo ruhimni shod et.
Navoiy: Umidsiz bo’lma hech, o’ynab ketarsen,
Sevinch gulzorida parvoz etarsen.
Guli: Alisher ne uchun xo’rlik yaralgan?!
Nechun jabr-u sitam, zo’rlik yaralgan?!
(Qo’lda yalong’ochlangan qilich bilan Husayn Boyqaro keladi).
Husayin: Hayhot bu qanday sharmandalik?!
Guli: Shohim, Alisherda gunoh yo’q! Uni men chaqirtirdim.
Dostları ilə paylaş: |
