Amaliy mashg‘ulot. 4-sinfda insho o‘tkaziladigan dars ishlanmasini tuzish (2 soat) Reja

39.1- amaliy mashg‘ulot. 4-sinfda insho o‘tkaziladigan dars ishlanmasini tuzish (2 soat)
Reja:
1. Insho yozishga o‘rgatish bo‘yicha DTS va dastur mazmuni va talabalri ustida ishlash.
2. Insho yozishga o‘rgatish metodikasi yuzasidan nazariy savol-javob.
3. Dars fragmentlarini kuzatish va tahlil qilish.
4. Insho yozishga o‘rgatish bo‘yicha darslik va qo‘shimcha bayon matnlari ustida ishlash.
O‘RTMT: STO‘ning noan’anaviy shakllaridan foydalanish.


Amaliy mashg‘ulot maqsadi: 4-sinfda insho o‘tkaziladigan dars ishlanmasini tuzishga o‘rgatish.
Talabalar bilishi kerak:
1. Insho yozishga o‘rgatish bo‘yicha DTS va dastur mazmuni va talabalri ustida ishlash.
2. Insho yozishga o‘rgatish metodikasi yuzasidan nazariy savol-javob.
3. Dars fragmentlarini kuzatish va tahlil qilish.
4. Insho yozishga o‘rgatish bo‘yicha darslik va qo‘shimcha bayon matnlari ustida ishlash.
Mashg‘ulot mazmuni. Og‘zaki yoki yozma inshoning turi va vazifasiga qarab unga tayyorgarlik ko‘riladi. Inshoga tayyorgarlikni o‘qituvchi boshqaradi, bunga o‘quvchilarni ishtirok ettiradi, ularning o ‘ta faolligi va mustaqilligiga erishadi. Tayyorgarlik deganda, birinchidan, o‘quvchilarda nimanidir tasvirlashga, hikoya qilishga talab uyg‘otadigan vaziyat yaratish; ikkinchidan, insho uchun yetarli bo‘lgan zarur material yig‘ish; uchinchidan, mavzuga oid, uni yoritishga mos bo‘lgan til vositalarini tanlash tushuniladi.
Inshoga tayyorgarlik inshoni yozishdan bir necha kun ilgari boshlanadi, darsdan tashqari vaqtlarda va boshqa darslar jarayonida ham olib boriladi.
Og‘zaki yoki yozma insho ustida ishlash quyidagi uch bosqichga bo‘linadi:
1) material yig‘ish, ya’ni kuzatish, ekskursiya, mehnat jarayoni, rasmni ko‘rib chiqish, kinofilm, spektaklni ko‘rish, badiiy va boshqa adabiyotlarni o‘qish;
2) mavzuga va uni yoritishga mos material tanlash, uni tartibga solish, joylashtirish, ya’ni suhbat, muhokama qilish, zarur materialni ajratish, reja tuzish, lug‘at ustida ishlash, imlo va leksik tomondan tayyorlash va hokazo;
3) inshoni nutqiy shakllantirish, ya’ni insho matnini tuzish, uni yozish, takomillashtirish, xatolarni to‘g‘rilash va uni tekshirish. Birinchi va ikkinchi bosqichdagi ishlar, odatda, darsdan tashqari vaqtda bajariladi. Masalan, ekskursiya asosidagi insho uchun material yig‘ish uni yozishdan ancha ilgari boshlanadi; tabiat hodisalarini kuzatish bir hafta, hatto undan ko‘proq davom etadi; rasmlar esa insho yozishdan oldin ko‘riladi.
Shunday qilib, insho yozish yoki og‘zaki hikoya qilish darsi ilgari bajarilgan ishlaming yakunidir. Insho darsining umumlashtiruvchilik roli bog‘lanishli nutq sohasidagi ko‘nikmalami egallash me’yoriga qarab ortib boradi.
Insho darsining qurilishi tayyorlov bosqichining xarakteriga bog‘liq. Tayyorlov bosqichida qancha ko‘p ishlansa, insho darsida matn ustida shuncha chuqur ishlash imkoniyati yaratiladi. Insho yozishdan oldin yoki og‘zaki hikoyalashda yig‘ilgan materiallarni o‘quvchilar yodiga tushirish, ularda qiziqish uyg‘otish, yozishga yoki hikoya qilishga xohish uyg‘otish zarur.
Insho yozish uchun 2-sinfda odatda bir dars, zarur bo‘lib qolsa, ikkinchi darsdan 15-20 daqiqa, 3-4-sinflarda bir yoki bir yarim dars, ayrim vaqtlarda ikki darsgacha ajratiladi. Bulardan tashqari, insho tahlili va xatolar ustida ishlash uchun 20-25 daqiqa vaqt ajratiladi.
Bunda eng yaxshi yozilgan insholar tahlil qilinadi, imloviy, punktuatsion, nutqiy, mantiqiy xatolar va mazmundagi yetishmovchiliklar ustida ishlanadi.
Insho yozish darsida quyidagi bosqichlarga rioya qilinadi:
1. Mavzuni, inshoning vazifasini e ’lon qilish (yoki yodga tushirish), uni o‘quvchilar bilan muhokama qilish.
2. Kuzatish davrida to‘plangan materialni tartibga solish yoki material yig‘ish (masalan, rasmga qarab insho yozish uchun rasmni ko‘rish) maqsadida suhbat o‘tkazish.
3. Reja tuzish yoki awal tuzilgan rejaga aniqlik kiritish.
4. Matnni nutqiy tayyorlash, ya’ni zarur so‘zlarni yozish, so‘z birikmasi, gap yoki bog‘lanishli matnning ayrim qismini tuzish, imlosi qiyin so‘zlaming yozilishini tushuntirish va boshqalar.
5. Darsning asosiy qismi bo‘lgan inshoni yozish. Bu jarayonda o‘quvchilar inshoni yozayotganlarida, o‘qituvchi ular ishini kuzatadi, ayrim o‘quvchilarga (boshqalarga xalaqit bermay, ular e ’tiborini chalg‘itmay) individual yordam beradi.
6. O‘quvchilar yozgan insholarini tekshiradilar, kamchiliklarini to‘ldirib, xatolarini to‘g‘rilaydilar. Boshlang‘ich sinflarda bolalar inshoni oqqa ko‘chirmaydilar, kerakli tuzatishlarni ehtiyotlik bilan kiritadilar, bunday tuzatishlar uchun insho bahosi pasaytirilmaydi, aksincha, matnni yaxshi to‘g‘rilagan o‘quvchi rag‘batlantiriladi.
7. O‘quvchilar inshoni o‘qituvchiga tekshirish uchun topshiradilar, o‘qituvchi ikki kun ichida tekshiradi.
Keyingi ona tili darsining ikkinchi qismidan 15-25 daqiqa vaqt ajratib, tekshirilgan insholar yuzasidan yakuniy mashg‘ulot o‘tkaziladi (insho tahlil qilinib, xatolar ustida ishlanadi).
O‘qituvchi har bir insho turi uchun o‘quv vazifasini belgilab oladi. Masalan, rasmlar seriyasi asosida birinchi marta yozdiriladigan insho uchun quyidagi vazifalar belgilab olinadi:
1. O‘quvchilarni inshoning yangi turi bo‘lgan rasmlar seriyasi asosidagi insho bilan tanishtirish.
2. Rasmli reja asosida matn rejasini tuzish.
3. Reja qismlariga mos ravishda matnni xatboshilarga bo‘lish va har birini xatboshidan yozish.
4. Insho matnini mustaqil tekshirish va takomillashtirish.
O‘quvchilaming mustaqillik darajasi o‘sib borgani sayin, inshoga talab ham orta boradi.