Kirish
Onkologiya fani onkologik kasalliklarni etiologiyasi, patogenezi, klinikasi, asoratlari, davolash va profilaktikasi va asoslarini o‘rganuvchi fandir. Dunyo bo‘yicha o‘limga olib keluvchi kasalliklar orasida saraton kasalligi yurak kon tomir kasalliklaridan so‘ng ikkinchi o‘rinda turadi. UASh ixtisosligida onkologik kasalliklarni o‘rganish muxim ahamiyatiga ega. Onkologik kasalliklarni o‘z vaqtida aniqlash va mutaxassisga yuborish aholi orasida kasallikni o‘tkazib yuborish, moddiy va ma’naviy qiyinchilikdan qutilish imkonini beradi.
Onkologiya fanining vazifasi. Talabalarning nazariy onkologiyani asosiy tushunchalari bilan tanishtirish. Xavfli o‘smalarning asosiy nozologik formalari, profilaktikasi va erta diagnostika usullari bilan tanishtirish. Zamonaviy davolash usullariga ko‘rsatma va qarshi ko‘rsatmalar haqida ma’lumot berish. Bo‘lajak mutaxassisni klinik fikrlashga o‘rgatish, organizmni ob’ektiv xolatiga baxo berishga o‘rgatish. Onkologik bemorni so‘rab surishtirishga o‘rgatish. Deontologiyaning asosiy uslubini o‘zlashtirish.
O‘qitish jarayoni ushbu bilimlarga tayangan va asoslangan xolda bo‘lishi lozim: normal anatomiya, topografik anatomiya, normal fiziologiya, bioximiya, patologik anatomiya, patologik fiziologiya, umumiy xirurgiya, operativ xirurgiya, klinik farmakologiya, ginekologiya, rentgen-radiologiya, ultratovush diagnostika.
Dostları ilə paylaş: |
