Anjuman xati

ANJUMAN XATI

O‘zbekiston Respublikasining “Ta’lim to‘g‘risida”gi Qonuni, O‘zbekiston Respublikasi Prezidentining 2022 yil 28-yanvardagi “2022-2026 yillarga mo‘ljallangan Yangi O‘zbekistonning taraqqiyot strategiyasi to‘g‘risida”gi PF-60-son Farmoni, O‘zbekiston Respublikasi Prezidentining 2019 yil 8 oktyabrdagi “O‘zbekiston Respublikasi oliy ta’lim tizimini 2030 yilgacha rivojlantirish konsepsiyasini tasdiqlash to‘g‘risida”gi PF-5847-sonli Farmoni, O‘zbekiston Respublikasi Prezidentining 2022 yil 21 iyundagi “Pedagogik ta’lim sifatini oshirish va pedagog kadrlar tayyorlovchi oliy ta’lim muassasalari faoliyatini yanada rivojlantirish chora-tadbirlari to‘g‘risida” PQ-289-son Qarorlarida belgilangan tadbirlar ijrosini ta’minlash hamda respublikamizdagi psixolog olimlarning ilmiy tadqiqot ishlarni amaliyotga joriy etish maqsadida ilmiy-nazariy maqolalar jamlanmoqda.

MATERIALLARNI RASMIYLASHTIRISH TALABLARI

Materiallar qog‘oz va elektron shaklada taqdim etiladi. Qog‘oz formati A4 (210x297 mm). Qog‘ozning tepa, past va o‘ng tomonidan – 2 sm, chapdan – 3 sm; qator oralig‘i 1,5; xat boshi 1,25; o‘lchami (kegl) – 12; tipi – Times New Roman. Sarlavha bosh harflar bilan qalin qilib yoziladi va qog‘oz o‘rtasiga to‘g‘rilanadi. Ikkinchi qatorda muallif(lar)ning ismi-shirifi o‘rtadan yoziladi. Uchinchi qatorda muassasa nomi, shahar, viloyat nomi to‘liq beriladi. Bir qator tashlab, rus, ingliz tillarida annotatsiya beriladi. Yana bir qator tashlab, maqola matni kiritiladi. Adabiyot va manbalar matnda matn oxirida ro‘yxati keltiriladi. Manbalar alifbo tartibida beriladi.

Maqola hajmi 5 bet bo‘lishi va ushbu manzillarga telegram @OstanovSh, @naziraxmedov yuboriladi. Materiallar Microsoft Word matn muharririda tayyorlanishi kerak. Maqolalar 2023 yil 17 avgustgacha qabul qilinadi. Maqolalar bepul qabul qilinadi.
Barcha masalalar bo‘yicha quyidagi manzilga murojaat qilish mumkin:


Mas’ullar:
tel.: [phone]; Sh.Sh.Ostanov. @OstanovSh
tel.: [phone]; N.R.Axmedov. @naziraxmedov