Asadov, Mahkamov bilan 4 yil muddatga turar joy ijara shartnomasini tuzadi
Yüklə 272,37 Kb. Pdf görüntüsü
|
- Bu səhifədəki naviqasiya:
- Vaziyatdan kelib chiqib, shartli bitimlarni muhokama qiling. Shartli bitimlarga amaliy misollar keltiring. Javob
- I. Turar joy ijara shartnomasi qanday tuziladi
|
21-bilet. Asadov, Mahkamov bilan 4 yil muddatga turar joy ijara shartnomasini tuzadi. Shartnoma shartlariga ko’ra, agar Mahkamov turar joyni sotadigan bo’lsa, Asadov bilan tuzilgan ijara shartnomasi bekor qilinishi nazarda tutiladi. Oradan 1 yarim yil o’tganidan so’ng Mahkamov turar-joyni sotishga qaror qilib, Do’stmatov bilan oldi-sotdi shartnomasini tuzadi. Bu haqda xabardor qilingan Asadov esa turar joy ijara shartnomasini 4 yil muddatga tuzilganligi, qolaversa, O’zR FKning 604-moddasiga asosan turar-joyni boshqa shaxsga o’tishi ijara shartnomasini bekor qilishga asos bo’lmasligini ma’lum qilib, turar joyni boshatishni rad etadi. Shuningdek bir necha bor sotib oluvchi Do’stmatovga tahdid qilib turar-joyni olish haqidagi fikridan qaytishiga majbur qiladi. Vaziyatdan kelib chiqib, shartli bitimlarni muhokama qiling. Shartli bitimlarga amaliy misollar keltiring. Javob: Avvalo, kazusdagi muammoli vaziyatlarni ajratib olib, quyida ularni tahlil qilamiz: I. Turar joy ijara shartnomasi qanday tuziladi? II. Ijara shartnomasi bekor qilish asoslari? III. Shartli bitimlarning asoslari? I. Turar joy ijara shartnomasi qanday tuziladi? Fuqarolik huquqida shartnomalar davlat rivojlangani sari kundan-kunga ahamiyati ortib bormoqda. Avvalo shartnoma tushunchasini to’xtalib o’tsak, O’zR FKning 353-moddasining birinchi qismida “Ikki yoki bir necha shaxsning fuqarolik huquqlari va burchlarini vujudga keltirish, o’zgartirish yoki bekor qilish haqidagi kelishuvi shartnoma deyiladi”. Shartnoma bitim ko’rinishlaridan biri hisoblanadi. Shu munosabat bilan shartnomalarga nisbatan ikki va ko’p taraflama bitim qoidalari yozma shaklda tuzilishi mumkin. Uy joyni ijaraga olish yozma shaklda tuziladi. Bunda shartnoma soliq organlarida davlat hisobida qo’yilishi kerak. Bu ijaraga beruvchining majburiyati hisoblanadi va shartnoma tuzilgan kundan 3 kundan kechiktirmay amalga oshirish kerak. Uy joyni ijaraga berish shartnomasi 5 yildan ortiq bo’lmagan muddatga tuziladi. Agar shartnomada muddat ko’rsatilmagan bo’lsa, u 5 yilga tuzilgan hisoblanadi. Shuningdek, ijaraga oluvchi yangi muddatga shartnoma tuzishda imtiyozli huquqqa ega hisoblanadi. Uy joyni ijaraga berish haqida O’zR FK 600-moddasida ta’rif bergan bo’lib, uy joyni ijaraga berish shartnomasiga binoan bir taraf- uy joyning mulkdori yoki u vakolat bergan shaxs (ijara beruvchi) - boshqa taraf (ijara oluvchi)ga uy-joyda yashash uchun haq evaziga qilish va foydalanishga topshirish majburiyatini oladi. Ya’ni, shartnoma bo’yicha ijaraga beruvchi sifatida uy-joyning mulkdori yoki u vakolat bergan shaxs bo’lishi mumkin. Ijaraga oluvchi sifatida faqatgina jismoniy shaxs ishtirok etishi mumkin. Yuridik shaxs uy-joydan faqat faqat fuqarolarning yashashi uhun foydalanishi mumkin. Shuningdek, uy-joyga bo’lgan mulk huquqi boshqa shaxsga o’tganida uy-joyni ijraga berish saqlanadi. O’zR FK 604-moddasida ta’kidlanganidek, ijara shartnomasi bo’yicha egallab turilgan uy-joyga bo’lgan mulk huquqining boshqa shaxsga o’tishi shartnomaning bekor qilinishi yoki o’zgartirilishiga olib kelmaydi. Bunda yangi mulkdor ilgari tuzilgan shartnomasi shartlari asosida ijaraga beruvchiga aylanadi. Demak, Mahkamov turar joy ijara shartnoma shartlariga va majburiyatlariga rioya etmagan holda uni sotishga qaror qilgan. Fuqaro Asadov esa turar joyni bo’shatishni rad etishga haqli. Chunki shartnoma 4 yilga tuzilgan va uning roziligisiz bekor qilinishi yoki o’zgartirilishi mumkin emas. Ammo u sotib oluvchi Do’stmatovga tahdid qilishga haqli emas. Yüklə 272,37 Kb. Dostları ilə paylaş:
|