Asqarov doniyorning tayyorlagan mustaqil ishi

Televizorga bo’lgan talabning A₁ nuqtadan A₃ nuqtaga ko’chishi umumiy samara deyiladi. Bu umumiy samaraning daromad va almashtirish samarasiga qanday taqsimlanishini ko’rib chiqaylik.
Daromad samarasini aniqlash uchun U₁ befarqlik egri chizig’iga urinadigan, БA’ byudjet chizig’iga parallel БA’’ byudjet chizig’ini o’tkazamiz.БA’’ byudjet chizig’i iste’molchi daromadining kamayganini ifodalaydi. Bu byudjet chizig’ining U₁befarqli egri chizig’iga uringan nuqtasini E₂ bilan belgilaymiz. E₂ nuqtaga mos keluvchi televizor hajmi A₂ ga, deylik 2 donaga teng. A₂ nuqta A₁A₃ siljishni ikki qismga A₁A₂ va A₂A₃ qismlarga ajratadi. A₁A₂ –almashtirish samarasi, A₂A₃ – daromad samarasi bo’ladi.
Demak, televizorga talabning 1 donadan 2 donaga o’tishi televizor narxi arzonlaganligi sababli, bu talab miqdorining 2 donadan 3 donaga ko’payishiga esa iste’molchi daromadining ortishi sabab bo’lgan.
Past sifatli tovarlar uchun daromad va almashtirish samarasi
Grafikda absissa o'qiga past sifatli tovar, ordinata o'qiga normal sifatli tovar joylashtirilgan. U₁ befarqlik egri chizig'i RS byudjet chizig'iga uringan A nuqtada iste'molchi past sifatli tovardan F₁ miqdorda sotib oladi. Agar past sifatli tovar narxi arzonlasa, byudjet chizig'i RT holatga o'tadi. Bu holatda iste'molchi past sifatli tovardan ko'proq sotib oladi. Past sifatli tovar narxi arzonlagani sababli puli baribir ortib qoladi va normal tovardan ham ko'proq sotib oladi. Bu holatda U₂ befarqlik egri chizig'ining RT byudjet chizig'iga uringan B nuqtada optimal tanlov majmuasiga ega bo'ladi va past sifatli tovardan E miqdorda sotib oladi. Demak, almashtirish samarasi F₁E musbat ishorali.
Agar iste'molchi daromadi kamaysa, byudjet chizig'i pastga tushadi. Bu holatda iste'molchining tanlov majmuasi U₁ befarqlik egri chizig'ining yangi byudjet chizig'i bilan kesishgan C nuqtani tashkil qiladi. Bu holatda past sifatli tovardan F₂ miqdorda iste'mol qilinadi.
Daromad pasayganda past sifatli tovarning iste'mol miqdori ko'paymoqda, daromad ko'payganda iste'mol miqdori kamaymoqda. Demak, daromad samarasi manfiy ishorali, bundan kelib chiqadiki, umumiy samarani topish uchun almashtirish samarasidan daromad samarasini ayirish kerak.
Giffen tovarlar uchun daromad va almashtirish samarasi
Talab qonuniga muvofiq, tovarlarning narxi oshsa, ularga bo’lgan talab miqdori kamayadi. Masalan, agar “Lasetti” avtomashinasining narxi 10 000 000 so’m bo’lib qolsa, unga bo’lgan talab miqdori keskin ortib ketadi, agar 100 000 000 ga ko’tarilsa, unga talabgorlar soni keskin kamayib ketadi.
Lekin, shunday tovarlar ham borki, agar ularning narxi ortsa, ularga bo’lgan talab miqdori kamaymaydi, balki ortadi. Bunday tovarlarga birinchi bo’lib, ingliz iqtisodchisi Robert Giffen e’tibor bergan.
Irlandiyada baholarni o’rganayotib, Giffen shunday hodisaga duch keladi. O’sha yili Irlandiyada kartoshka hosili yaxshi bo’lmaydi, va tabiiyki, kartoshkaning narxi ko’tarilib ketadi. Lekin aholi orasida kartoshkaga bo’lgan talab miqdori ortib ketgan. Bunga sabab, irlandiyada kam daromadli aholining asosiy qismi kartoshka iste’mol qilgan va ular kartoshka hosili yaxshi bo’lmaganini, narxning yana ham ko’tarilishi mumkinligini eshitgach, iloji boricha ko’proq kartoshka sotib olishga harakat qilishgan.
Kam daromadli aholi iste’mol qiladigan va talab miqdori narx ortganda ortib, kamayganda kamayadigan tovarlar giffen tovarlar deyiladi. Bunday tovarlarga, kartoshka, buxanka, makaron misol bo’lishi mumkin.
Bunday tovarlar uchun talab chizig’ining o’zgarishi “Giffen paradoksi” deb ataladi va quyidagicha bo’ladi.
Giffen paradoksi
Grafikdan ko’rinib turganidek, tovar narxi P₀ bo’lganda, unga bo’lgan talab miqdori Q₀ holatda edi. Keyinchalik, tovar narxi P₁ holatga o’tganda, ya’ni ortganda talab miqdori ham ortadi, Q₁ holatga o’tadi.
Endi giffen tovarlar uchun daromad va almashtirish samarasini ko’rib chiqaylik. Ma’lumki, iste’molchi daromadi ortishi bilan giffen tovarga bo’lgan talab kamayadi, chunki, iste’molchi daromadi ortgandan so’ng, go’sht, yog’, sut mahsulotlarini sotib olishga qurbi yetadi va makarondan ko’ra go’shtni albatta afzal biladi.
Absissa o’qiga giffen tovar, ordinata o’qiga normal tovar qo’yib tahlil qilinsa, quyidagi grafik hosil bo’ladi. Giffen tovarlar uchun daromad va almashtirish samarasi
Iste’molchi uchun byudjet chizig’i NM₁ holatda edi. Ya’ni iste’molchi M₁ miqdorda giffen tovar yoki N miqdorda normal tovar sotib olishi mumkin. Iste’molchining befarqlik egri chizig’i U₁ ning NM₁ byudjet chizig’iga uringan E₀ nuqtasi u uchun optimal tanlov majmuasi hisoblanadi.Bu nuqtada iste’molchi giffen tovardan A₀ birlik sotib oladi.
Agar giffen tovar narxi arzonlasa, iste’molchining byudjet chizig’i NM₂ holatga ko’chadi. Giffen paradoksiga ko’ra endi uning giffen tovarga bo’lgan talabi kamayadi va A₁ nuqtaga kelib qoladi. Normal tovarga bo’lgan talabi esa ortadi, chunki giffen tovarning arzonlashishi va unga bo’lgan talab miqdorining kamayishidan ortib qolgan pulni ham normal tovar uchun sarflash mumkin bo’ladi.
Agar iste’molchining daromadi kamaysa, byudjet chizig’i N₁M₃ holatga ko’chadi. Iste’molchining befarqlik egri chizig’i U₁ holatga qaytadi, tanlov majmuasi E₂ holatga ko’chadi.Chunki endi uning daromadi normal tovardan ko’p miqdorda sotib olishga yetmaydi va giffen tovardan A₂ miqdorda sotib oladi.
Daromad va almashtirishning umumiy samarasi normal sifatli tovarlar uchun qo’shilsa, giffen tovarlar uchun ayirib topiladi. Demak, yuqoridagi grafikda umumiy samara A₀A₂ ga teng.