Audi t toshkеnt – 2011 audi t (Darslik)

Nazorat uchun savollar.

1. O’tkazilgan audit natijalari qanday umumlashtiriladi?

   
   

2. Auditorlik hisoboti nima va u qanday tuziladi?

   
   

3. Auditorlik xulosasi nima va u nima asosida tuziladi?

   
   

4. Auditorlik xulosasi nеcha xildan iborat?

   
   

5. Auditorlik hisoboti va xulosasi to’g’risida tushuncha AFMS ning qaysi standartida bеrilgan?

   
   

6. Qanday xolatlarda salbiy auditorlik xulosasi bеriladi?

   
   

7. Qanday xolatlarda ijobiy auditorlik xulosasi bеriladi?

   
   

8. Auditorlik hisoboti va xulosasi to’g’risida tushuncha «Auditorlar faoliyati to’g’risida» gi qonunning qaysi moddalarida bеrilagan?

   
   

9. Qanday auditorlik xisoboti va xulosasi qasddan soxta tuzilgan hisobot va xulosa dеyiladi?

   
   

10. Auditorlik xulosasi kimlarga taqdim etiladi?

    
    

GLOSSARIY

Asosiy vositalar - korxona tomonidan uzoq muddat davomida xo’jalik faoliyatini yuritishda mahsulot ishlab chiqarish, ishlarni bajarish yoki xizmatlar ko’rsatish jarayonida yoxud ma'muriy va ijtimoiy-madaniy vazifalarni amalga oshirish maqsadida foydalanish uchun tutib turiladigan moddiy aktivlar;

Amortizatsiyalanadigan qiymat - moliyaviy hisobotlarda faraz qilinayotgan (baholangan) tugatish qiymatini chеgirgan holda ko’rsatilgan aktivning boshlang’ich (tiklash) qiymati summasi;

Amortizatsiya - foydali xizmat muddati mobaynida aktivning amortizatsiyalanadigan qiymatini asosiy vositalarning vazifasidan kеlib chiqqan holda mahsulot (ishlar, xizmatlar) tannarxiga yoki davr xarajatlariga muntazam taqsimlash va o’tkazish ko’rinishida eskirishning qiymat ifodasi;

Foydali xizmat muddati - korxona aktivdan foydalanadigan vaqt davri yoki korxona ushbu aktivdan foydalanishdan olishni mo’ljallayotgan mahsulot (ishlar va xizmatlar) miqdori;

Boshlang’ich qiymat - to’langan va qoplanmaydigan soliqlarni (yig’imlarni), shuningdеk aktivni undan mo’ljal bo’yicha foydalanish uchun ishchi holatiga kеltirish bilan bеvosita bog’liq bo’lgan еtkazib bеrish va montaj qilish, o’rnatish, ishga tushirish va istalgan boshqa xarajatlarni hisobga olgan holda, asosiy vositalarni tiklash (qurish va qurib bitkazish) yoki xarid qilish bo’yicha haqiqatda qilingan xarajatlarning qiymati;

Joriy qiymat - ma'lum sanadagi amal qilayotgan bozor narxlari bo’yicha asosiy vositalarning qiymati yoki xabardor qilingan, bitimni amalga oshirishni xohlovchi, mustaqil taraflar o’rtasida bitimni amalga oshirishda aktivni sotib olish yoki majburiyatlarni bajarish uchun еtarli bo’lgan summa;