544. "Tarixi-Bağdad": Cabir rəvayət edir: Allahın elçisi (s) (bizi), öncə isinişmə (hazırlıq) olmadan, yaxınlıq etməkdən çəkindirdi.
545. Allahın rəsulu (s): Üç şey (həyat yoldaşına) zülm etməkdir: ... Kişinin qadını ilə, qabaqcadan hazırlıq olmadan, "xəbər göndərmədən": zarafat və öpüş olmadan; cinsi əlaqəyə girməsi. Sizilərdən heç kim öz qadını ilə heyvanlar kimi2 cinsi əlaqədə olmasın!3
546. Allahın rəsulu (s): Üç şey kişinin acizliyinin nişanəsidir: … Üçüncü budur ki, kişi qadını ilə (bir miqdar) söhbət etmədən, isinişmədən və qucaqlaşmadan, birbaşa cinsi əlaqəyə girsin. Bir halda ki, o, özünü razı salsın, amma qadını ondan razı qalmasın.4 547. İmam Sadiq (ə): ... Sizlərdən hər biriniz, öz qadınınızla yaxınlıq etməmişdən öncə, aranızda bir miqdar zarafatlaşma və isinişmə olsun. Çünki bu, sonra görəcəyiniz işi daha həzz verici edir.5
4- Gecikdirmək
548. Allahın rəsulu (s): Sizlərdən hər biriniz, qadınınızla cinsi əlaqədə olmamışdan öncə onu da həyəcanlandlrsın. Əgər qadınınızdan əvvəl şəhvətiniz doyarsa, onun da şəhvətini söndürməmiş, ondan öncə ayağa qalxmayın.1 549. Allahın rəsulu (s): Sizlərdən hər biriniz, həyat yoldaşınızla cinsi əlaqədə olarkən, ondan öncə ayağa qalxmasın.2 550. Allahın rəsulu (s): Kişi qadını ilə yaxınlıq etdiyi zaman, xoruz kimi olmamalıdır (bir anda uçub-enməməlidir). Bəlkə bir az gecikdirməlidir ki, qadın da, onun aldığı həzzi ala bilsin (onun çatdığı həzzə çata bilsin).3 551. Allahın rəsulu (s): İbn Qəddah, İmam Sadiqdən (s) rəvayət edir: Allahın elçisi (s) buyurdu: Quşlar kimi cinsi əlaqədə olmayın. Cinsi əlaqənin müddətini uzadaraq, (qadınlarınızın da, son həzzə çatması üçün) gecikdirin.4 552. İmam Əli (ə): Sizlərdən hər biriniz, həyat yoldaşınızla cinsi əlaqədə olarkən, ondan öncə ayağa qalxmasın. Çünki qadınların da (özlərinə məxsus cinsi) istəkləri var.5