AparılmıĢ araĢdırmalar nəticəsində 72 növ dərman bitkisi müəyyənləĢdirilmiĢdir.
İranın şimali-qərbində yerləşən Savalan və Talış dağlarının ərazisində müxtəlif tipli
ekosistemlər formalaşmışdır. Bu formalaşmış ekosistemlərin müasir flora tərkibinin analizi,
onların sistematik və taksonomik öyrənilməsi, arealoji, bioloji və ekoloji-fitosenoloji
təhlillərinin verilməsi böyük əhəmiyyətə malikdirlər. 2008-ci ildən başlayaraq Savalan dağının
su-bataqlıq bitkiliyi və bu bitkilikdə rast gəlinən bitkilərin taksonomik tərkibi tədqiq
edilmişdir. Bu zaman tədqiq edilən ərazidən toplanmış müxtəlif fəsilələrə aid bitki növlərinin
adları ədəbiyyat və herbari materialları əsasinda dəqiqləşdirilmişdir. Həmin ərazidə aparılmış
araşdırmalar nəticəsində 218 bitki növü təyin edilmşdir. Təyin edilmiş 218 növün 72-nin
qiymətli dərman bitkisi olduğu müəyyən edilmişdir (Cədvəl 1). Bu dərman əhəmiyyətli
bitkilərin öyrənilən ərazidə böyük ehtiyatları vardır: Mentha longifolia (L.) Huds, Nasturtium officinale (L) R.Br., Achillea millefolium L., Plantago major L., Equisetum arvense L.,
Origanum vulgare L., Hypericum perforatum L., Tribulus terrestris L. və s. Bu növlərin
kimyəvi tərkibi, dərman əhəmiyyəti araşdırılmışdır. Tədqiq edilən bitkilərin arealının müasir
vəziyyətinin araşdırılması nəticəsində müəyyən edilmişdir ki, bu bitkilərin yayıldığı ərazi
getdikcə kiçilir və hətta bəzi növlərin nəsli kəsilmək üzrədir. Bu isə həmin bitkilərin bitdiyi
ərazidən insanların kənd təsərrüfatı və digər məqsədlər üçün kortəbii istifadə etmələri
nəticəsində baş verir.
