Crataegus pentagyna W.et K. - Beşyuvalı yemişən kiçik ağac və ya hündür koldur.
Vətəni Macarıstandır. Azərbaycanda orta dağ qurşağında, qayalı-daşlı yamaclarda, meşələrin
kənarında, kolların arasında rast gəlinir. Çiçəkləri mürəkkəb qalxanvarı V -ya bəzən sadə
çətirvarı çiçək qrupuna toplanmaqla budaqların ucunda yerləşmişdir. Abşeronda orta hava
temeraturu 11-12
0
C, rütubət 80 %, yağıntının miqdarı 57 mm olan zaman boyartımı 47 sm
olmuşdur. Meyvələri kürəvi qara rəngdədir. Meyvənin ətli hissəsi qırmızımtraq rəngdədir,
təpə hissəsində düz dayanmış quru kasayarpaqcıqları vardır. Çəyirdəkləri 3-5-dir. Mayda
çiçək açır, sentyabr-oktyabrda meyvə verir. Toxumlar vasitəsilə çoxalır. Yazda əkiləcək
toxumları uzun müddət stratifikasiya etmək lazım gəlir (Əsədov, 2008) .
