Azərbaycan Respublikası ilə Ukrayna arasında Konsulluq Konvensiyasının təsdiq edilməsi barədə
Yüklə 158,85 Kb. Pdf görüntüsü
|
|
Azərbaycan Respublikası ilə Ukrayna arasında Konsulluq Konvensiyasının təsdiq edilməsi barədə AZƏRBAYCAN RESPUBLİKASININ QANUNU
Azərbaycan Respublikasının Milli Məclisi qərara alır: I. Azərbaycan Respublikası ilə Ukrayna arasında 1997-ci il martın 24-də Kiyev şəhərində imzalanmış Konsulluq Konvensiyası təsdiq edilsin. II. Bu Qanun dərc edildiyi gündən qüvvəyə minir.
Bakı şəhəri, 12 dekabr 2000-ci il № 38-IIQ
KONSULLUQ KONVENSİYASI Sonradan Razılığa gələn Tərəflər adlanacaq Azərbaycan Respublikası və Ukrayna, hər iki dövlətin, onların vətəndaşlarının və hüquqi şəxslərinin hüquq və mənafelərini daha səmərəli şəkildə müdafiə etmək, Razılığa gələn Tərəflər arasında dostluq və əməkdaşlığı möhkəmləndirmək məqsədi ilə aralarında konsulluq əlaqələrini inkişaf etdirmək arzusunu rəhbər tutaraq, Konsulluq əlaqələri haqda 24 aprel 1963-cü il tarixli Vyana Konvensiyasının müddəalarını inkişaf etdirərək, Bu Konvensiyada göstərilməmiş məsələlər üzrə adi beynəlxalq hüququn və Razılığa gələn Tərəflərin iştirakçısı olduqları çoxtərəfli beynəlxalq müqavilələrin normalarının tətbiq olunacağını təsdiq edərək, bu Konsulluq Konvensiyasını bağlamağı qərara almış və aşağıdakılar barədə razılığa gəlmişlər: BÖLMƏ 1
M a d d ə 1 Təriflər
Bu Konvensiyada işlədilən terminlər aşağıdakı mənaları daşıyır: 1. «Konsulluq» — hər hansı baş konsulluq, konsulluq, vitse-konsulluq, konsulluq agentliyi və ya diplomatik nümayəndəliyin konsulluq şöbəsi. 2. «Konsulluq dairəsi» — qəbul edən ölkənin ərazisində konsulluğa öz vəzifələrini yerinə yetirmək üçün ayrılmış bölgə. 3. «Konsulluq başçısı» — konsulluğa rəhbərlik etmək tapşırığı almış şəxs. 4. «Konsulluğun vəzifəli şəxsi» — konsulluq başçısı da daxil olmaqla, konsulluq funksiyalarını yerinə yetirmək tapşırığı almış hər hansı şəxs. 5. «Konsulluq əməkdaşı» — konsulluqda inzibati və texniki vəzifələri yerinə yetirən hər hansı şəxs.
6. «Xidmət personalı işçisi» — konsulluqda xidmət işlərini yerinə yetirən hər hansı şəxs. 7. «Konsulluq işçiləri» — konsulluğun vəzifəli şəxsləri, konsulluq əməkdaşları və xidmət personalı işçiləri. 8. «Ailə üzvü» — konsulluq işçisinin arvadı (əri), uşaqları, valideynləri, həmçinin onlarla yaşayan və onun himayəsində olan digər şəxslər. 9. «Xüsusi ev xidmətçisi» — konsulluq işçisinin yalnız xüsusi xidmətində olan şəxs. 10. «Vətəndaş» — göndərən və yaxud qəbul edən dövlətin qanunvericiliyinə müvafiq olaraq həmin dövlətlərin vətəndaşı olan hər hansı fiziki şəxs. 11. «Konsulluq binaları» — kimin mülkiyyətində olmasından asılı olmayaraq, yalnız konsulluq funksiyalarını yerinə yetirmək üçün ayrılmış binalar və ya bina hissələri, bu binalara və ya bina hissələrinə aid torpaq sahəsi. 12. «Konsulluq arxivləri» — konsulluğa aid bütün kağızlar, sənədlər, yazışmalar, kitablar, filmlər, informasiyanın texniki toplama, mühafizə və istifadə vasitələri, şifr və kodlarla, kartotekalar və onların saxlanması və mühafizəsinin təmin edilməsi üçün hər hansı ləvazimatla birgə konsulluğun reyestri. 13. «Gəmi» — göndərən dövlətdə qeydiyyatdan keçirilmiş və göndərən dövlətin bayrağını qaldırmaq hüququna malik olan hər hansı mülki gəmi. 14. «Hava gəmisi» — göndərən dövlətdə qeydiyyatdan keçirilmiş və göndərən dövlətin bildirici işarələrindən istifadə etmək hüququna malik olan hər hansı mülki hava gəmisi. BÖLMƏ 2
KONSULLUQ ƏLAQƏLƏRİ HAQQINDA ÜMUMİ MÜDDƏALAR M a d d ə 2 Konsulluğun açılması
1. Razılığa gələn Tərəflərdən birinin konsulluğu yalnız digər Razılığa gələn Tərəfin razılığı ilə onun ərazisində açıla bilər. 2. Konsulluğun yerləşdiyi ərazi, onun dərəcəsi, konsulluq dairəsi, həmçinin bununla bağlı hər hansı dəyişiklik yalnız göndərən dövlətlə qəbul edən dövlət arasındakı razılığa əsasən müəyyənləşdirilir. M a d d ə 3
1. Konsulluq başçısının təyin etmək üçün göndərən dövlət qabaqcadan qəbul edən dövlətin razılığını almalıdır. Əgər qəbul edən dövlət buna razı deyilsə, o öz qərarının səbəblərini bildirməyə borclu deyil. 2. Göndərən dövlət qəbul edən dövlətin Xarici İşlər Nazirliyinə Konsulluq patenti və ya Konsulluq başçısının təyin edilməsi barədə bildiriş təqdim edir. 3. Konsulluq patenti və ya Konsulluq başçısının təyin edilməsi haqqında bildiriş təqdim edildikdən sonra qəbul edən dövlət mümkün qədər qısa müddətdə Konsulluq başçısına ekzekvatura verir.
4. Konsulluq başçısı, qəbul edən dövlət ona ekzekvatura verdikdən sonra öz vəzifəsini yerinə yetirməyə başlaya bilər. Diplomatik nümayəndəliyin Konsulluq şöbəsinə başçılıq edən konsulluq vəzifəli şəxsi üçün ekzekvatura tələb olunmur. 5. Qəbul edən dövlət ekzekvatura verilənədək konsulluq başçısına öz funksiyalarını müvəqqəti olaraq yerinə yetirməyə icazə verə bilər. 6. Konsulluq başçısına ekzekvatura, yaxud müvəqqəti olaraq öz funksiyalarını yerinə yetirmək icazəsi verildikdən sonra qəbul edən dövlət təcili olaraq konsulluq dairəsinin hakimiyyət orqanlarına bu barədə məlumat verir və konsulluq başçısına öz funksiyalarını yerinə yetirmək və bu Konvensiyada nəzərdə tutulmuş bütün hüquqlar, üstünlüklər, imtiyazlar və immunitetlərdən istifadə etmək imkanı yaratmaq üçün bütün lazımi tədbirləri görür. M a d d ə 4 Konsulluq başçısı funksiyalarının müvəqqəti olaraq yerinə yetirilməsi
1. Əgər konsulluq başçısı öz funksiyalarını yerinə yetirə bilmirsə, yaxud konsulluq başçısının vəzifəsi boşdursa, konsulluq başçısı funksiyaları müvəqqəti olaraq konsulluq başçısı vəzifələrini icra edən tərəfindən yerinə yetirilə bilər. 2. Konsulluq başçısının vəzifələrini icra edən şəxsin tam adı və soyadı konsulluq başçısı, diplomatik nümayəndəlik başçısı və ya onlar bunu edə bilmirlərsə, göndərən dövlətin hər hansı səlahiyyətli orqanı tərəfindən qabaqcadan qəbul edən dövlətin Xarici İşlər Nazirliyinə bildirilir. 3. Qəbul edən dövlətin səlahiyyətli orqanları konsulluq başçısı vəzifələrini icra edən şəxsə yardım göstərir və onu himayə edir. Konsulluq başçısı vəzifələrini icra etdiyi müddətdə bu Konvensiyanın müddəaları konsulluq başçısına şamil edildiyi dərəcədə ona da şamil edilir. M a d d ə 5 Təyin olunma, gəlmə və getmə barədə qəbul edən dövlətə bildiriş verilməsi
1. Göndərən dövlət öz səlahiyyətli orqanları şəxsində qəbul edən dövlətin Xarici İşlər Nazirliyinə aşağıdakılar barədə yazılı olaraq bildiriş verir: 1.1. Konsulluq işçilərinin soyadı, adı, vətəndaşlığı, dərəcəsi, vəzifəsi, gəlmə və tamamilə qayıtma tarixi, yaxud funksiyalarının dayandırılması, həmçinin konsulluqda işlədikləri müddətdə onların statusunda edilən bütün başqa dəyişikliklər barədə; 1.2. Hər bir konsulluq işçisinin ailə üzvlərinin soyadı, adı, vətəndaşlığı, gəlmə və tamamilə getmə tarixi, habelə bu və ya digər şəxsin ailə üzvlüyünə daxil olması, yaxud ailə üzvlüyündən çıxması barədə. 2. Qəbul edən dövlətin səlahiyyətli orqanları həmin dövlətin müəyyən olunmuş qaydalarına uyğun olaraq konsulluq işçilərinə və onların ailə üzvlərinə onların konsulluq işçiləri və ailə üzvü statusunu təsdiq edən şəxsi vəsiqə verir. Bu zaman qəbul edən dövlətin vətəndaşı olan və ya orada daimi yaşayan şəxslər istisna edilir. M a d d ə 6 Konsulluğun vəzifəli şəxslərinin vətəndaşlığı Konsulluğun vəzifəli şəxsləri göndərən dövlətin vətəndaşları olmalıdırlar. M a d d ə 7
Razılığa gələn Tərəflərdən hər biri fəxri konsulluq vəzifəli şəxsləri təyin edib və qəbul edib- etməməyi qərara almaqda azaddır. Fəxri konsulluq vəzifəli şəxsinin təyin edilməsi, statusunun və funksional vəzifə dairəsinin müəyyənləşdirilməsi məsələsi Razılığa gələn Tərəflər tərəfindən 24 aprel 1963-cü il tarixli Konsulluq əlaqələri haqda Vyana Konvensiyasının müddəaları və adi beynəlxalq hüququn normaları əsasında diplomatik yolla həll edilir. M a d d ə 8
Qəbul edən dövlət istənilən vaxt göndərən dövlətə konsulluğun bu və ya digər vəzifəli şəxsinin «persona non qrata» olduğunu, yaxud konsulluğun işçilərindən birinin arzuolunmaz olduğunu bildirə bilər. Bu zaman o, öz qərarının səbəblərini əsaslandırmağa borclu deyildir. Bu zaman göndərən dövlət həmin şəxsi geri çağırmalıdır. Göndərən dövlət məqbul müddət ərzində bu öhdəliyi yerinə yetirməzsə, qəbul edən dövlət həmin şəxsi konsulluq işçisi kimi tanımaqdan imtina edə bilər. M a d d ə 9 Konsulluq funksiyalarını yerinə yetirmək üçün nəzərdə tutulan ərazi
Konsulluğun vəzifəli şəxsi konsulluq funksiyalarını konsulluq dairəsi hüdudlarında yerinə yetirir. Qəbul edən dövlətin razılığı olduqda o, öz funksiyalarını konsulluq dairəsinin ərazisindən kənarda da yerinə yetirə bilər. M a d d ə 1 0
Konsulluğun vəzifəli şəxsi qəbul edən dövlətin qanunvericiliyi və qaydaları imkan verdiyi qədər öz konsulluq dairəsinin yerli hakimiyyət orqanlarına, diplomatik nümayəndəlik olmadığı halda isə qəbul edən dövlətin səlahiyyətli mərkəzi hakimiyyət orqanlarına müraciət edə bilər. M a d d ə 1 1 Qəbul edən dövlətin qanunvericiliyindəki göndərən dövlətin vətəndaşlarına aid ola biləcək dəyişikliklər haqqında bildiriş
Qəbul edən dövlət qanunvericiliyindəki göndərən dövlətin vətəndaşlarına aid ola biləcək dəyişikliklər haqqında konsulluğa bildiriş verir. M a d d ə 1 2 Konsulluq funksiyalarının diplomatik nümayəndəliklər tərəfindən yerinə yetirilməsi
1. Bu Konvensiyanın müddəaları konsulluq funksiyalarının diplomatik nümayəndəliklər tərəfindən yerinə yetirildiyi hallarda da tətbiq edilir. 2. Diplomatik nümayəndəlikdə konsulluq funksiyalarının yerinə yetirilməsi tapşırılan əməkdaşların familiyaları qəbul edən dövlətin Xarici İşlər Nazirliyinə və ya bu nazirlik tərəfindən göstərilən orqana bildirilir. 3. Konsulluq funksiyalarını yerinə yetirərkən diplomatik nümayəndəlik: 3.1. konsulluq dairəsinin yerli hakimiyyət orqanlarına; 3.2. qəbul edən dövlətin qanunvericiliyi, qaydaları və adətlərinə və ya müvafiq beynəlxalq sazişlərə zidd deyilsə, qəbul edən dövlətin mərkəzi hakimiyyət orqanlarına müraciət edə bilər. 4. Bu maddənin ikinci bəndində göstərilən diplomatik nümayəndəlik əməkdaşlarının imtiyazları və immunitetləri beynəlxalq hüququn diplomatik münasibətlərə aid normaları ilə tənzimlənməkdə davam edir. BÖLMƏ 3
KONSULLUQ FUNKSİYALARI M a d d ə 1 3 Ümumi müddəalar
Konsulluğun vəzifəli şəxsi aşağıdakı hüquqlara malikdir: 1. Göndərən dövlətin, onun vətəndaşlarının, habelə hüquqi şəxslərinin hüquq və mənafelərini qorumaq və onlara kömək və yardım göstərmək. 2. Göndərən dövlətlə qəbul edən dövlət arasında ticarət, iqtisadi, hüquqi, ekoloji, elmi- texniki, informasiya, mədəni, humanitar əlaqələri və maarif və idman sahəsindəki əlaqələrin, habelə onlar arasındakı dostluq münasibətlərinin inkişafına digər yollarla kömək göstərmək. 3. Bütün qanuni yollarla qəbul edən dövlətin ticarət, iqtisadi, mədəni və elmi-texniki həyatındakı şəraitin və hadisələrin aydınlaşdırılması, onlar haqqında göndərən dövlətin hökumətinə məlumat vermək. 4. Göndərən dövlət tərəfindən konsulluğa həvalə olunmuş, qəbul edən dövlətin qanunvericiliyi ilə qadağan olunmayan digər funksiyaları yerinə yetirmək. M a d d ə 1 4
1. Konsulluğun vəzifəli şəxsi aşağıdakı hüquqlara malikdir: 1.1. Göndərən dövlətin vətəndaşlarının qeydiyyatını aparmaq; 1.2. Vətəndaşlıq məsələlərinə dair istənilən ərizələri qəbul etmək; 1.3. Qəbul edən dövlətin səlahiyyətli orqanlarından göndərən dövlətin vətəndaşlarının anadan olması və ölümü haqqında məlumat almaq, həmin vətəndaşların anadan olması və ölümünü qeydiyyatdan keçirmək və müvafiq aktlar tərtib etmək;
1.4. Göndərən dövlətin qanunvericiliyinə müvafiq olaraq, göndərən dövlətin vətəndaşları arasında nigah bağlanması və nigahın pozulmasını qeydiyyatdan keçirmək. 2. Bu maddənin birinci bəndinin müddəaları maraqlı tərəfləri qəbul edən dövlətin qanunvericiliyinə və qaydalarına riayət etmək vəzifəsindən azad etmir. M a d d ə 1 5
Konsulluğun vəzifəli şəxsi aşağıdakı hüquqlara malikdir: 1. Göndərən dövlətin pasportlarını vermək, yenisini vermək, götürmək, ləğv etmək, müddətini uzatmaq, orada zəruri qeydlər etmək, habelə vətəndaşlara, onlara sərhədi keçmək hüququ verən digər sənədlər vermək. 2. Göndərən dövlətə girmək və çıxmaq üçün, həmçinin onun ərazisindən tranzit yolla keçmək üçün vizalar vermək, müddətini uzatmaq və ləğv etmək. M a d d ə 1 6 Leqallaşdırma və notariat işləri
1. Konsulluğun vəzifəli şəxsi göndərən dövlətin qanunvericiliyinə müvafiq olaraq aşağıdakı notariat işlərini icra etmək hüququna malikdir: 1.1. Göndərən dövlətdə və onun hüdudlarından kənarda istifadə etmək üçün hər hansı vətəndaşın müraciətinə əsasən aktlar və sənədləri tərtib və təsdiq etmək; 1.2. Əgər Razılığa gələn tərəflərin iştirakçısı olduğu beynəlxalq müqavilələrdə başqa cür nəzərdə tutulmayıbsa, göndərən dövlətin, yaxud qəbul edən dövlətin səlahiyyətli orqanlarının rəsmi sənədlərindəki imzaların və möhürlərin əsilliyini təsdiq etmək; 1.3. Rəsmi sənədlərin əsillərinin leqallaşdırılmasını həyata keçirmək və onların surətlərinin, onlardan çıxarışların, həmin sənədlərin tərcümələrinin əsilliyini təsdiq etmək; 1.4. Göndərən dövlətin qanunvericiliyi ilə nəzərdə tutulmuş istənilən digər notariat işlərini yerinə yetirmək. 2. Konsulluğun vəzifəli şəxsi tərəfindən tərtib edilmiş, təsdiq edilmiş və zəruri olan hallarda leqallaşdırılmış sənədlər qəbul edən dövlətin qanunvericiliyinə zidd olmazlarsa, qəbul edən dövlətin səlahiyyətli orqanları tərəfindən tərtib edilmiş, təsdiq edilmiş və zəruri olan hallarda leqallaşdırılmış sənədlərin malik olduğu hüquqi qüvvəyə malik olacaqlar. M a d d ə 1 7
1. Qəbul edən dövlətin səlahiyyətli orqanları göndərən dövlətin müvafiq konsulluq vəzifəli şəxsinə göndərən dövlətin vətəndaşının saxlanılması, həbs edilməsi, məhkum edilməsi, yaxud azadlığının hər hansı şəkildə məhdudlaşdırılması barədə dərhal məlumat verir. Eyni zamanda qəbul edən dövlətin səlahiyyətli orqanları həmin şəxs tərəfindən konsulluğa ünvanlanmış hər hansı məlumatı dərhal çatdırırlar. 2. Qəbul edən dövlətin səlahiyyətli orqanları göndərən dövlətin vətəndaşının saxlanılması, həbs edilməsi, məhkum edilməsi və yaxud azadlığının hər hansı şəkildə məhdudlaşdırılmasından dərhal sonra ona zəruri, o cümlədən hüquqi yardımı göstərmək üçün konsulluğun vəzifəli şəxsini həmin vətəndaşa baş çəkmək və yaxud onunla əlaqəyə girmək hüququnun həyata keçirilməsini təmin edirlər. 3. Qəbul edilən dövlətin səlahiyyətli orqanları bu Maddənin 1-ci və 2-ci bəndlərinə müvafiq olaraq göndərən dövlətin həmin vətəndaşına hüquqları barədə məlumat verirlər. 4. Bu Maddənin 1-ci və 2-ci bəndlərində göstərilmiş hüquqlar qəbul edən dövlətin qanunvericiliyinə və qaydalarına müvafiq olaraq, göstərilən qanunvericilik və qaydalar həmin hüquqları ləğv etməmək şərti ilə həyata keçirilir. M a d d ə 1 8
1. Konsulluğun vəzifəli şəxsi aşağıdakı hüquqlara malikdir: 1.1. Konsulluq dairəsinin ərazisində yerləşən göndərən dövlətin hər hansı vətəndaşı ilə əlaqə saxlamaq və ona baş çəkmək, qəbul edən dövlət isə göndərən dövlətin vətəndaşları ilə konsulluq arasındakı əlaqələrə mane olmamalı və onların konsulluğa gəlişini məhdudlaşdırmamalıdır; 1.2. Əgər qəbul edən dövlətin qanunvericiliyinə və qaydalarına zidd deyilsə, göndərən dövlətin istənilən vətəndaşının əmlakını, pul vəsaitini, qiymətli əşyalarını və sənədlərini müvəqqəti saxlamaq üçün qəbul etmək; 1.3. Göndərən dövlətin vətəndaşlarının aidiyyatı olduğu, maddi zərər və insan itkisi, avtomobil vasitələrinin saxlanması və bədbəxt hadisələrlə nəticələnən hər hansı hadisə ilə bağlı təcili informasiya verilməsi ilə əlaqədar qəbul edən dövlətin səlahiyyətli orqanlarına sorğu ilə müraciət etmək; 1.4. Göndərən dövlətin itkin düşmüş vətəndaşlarının axtarılmasına kömək göstərmək üçün qəbul edən dövlətin səlahiyyətli orqanlarına müraciət etmək. 2. Göndərən dövlətin vətəndaşı qəbul edən dövlətin qanunvericiliyi və qaydalarına müvafiq olaraq öz hüquq və mənafelərini vaxtında müdafiə edə bilmədiyi halda, o, öz nümayəndəsini təyin edənə qədər və ya öz hüquq və mənafelərini özü müdafiə edə bilmədikdə konsulluğun vəzifəli şəxsi onu qəbul edən dövlətin məhkəmə orqanlarında və digər səlahiyyətli orqanlarında təmsil edə bilər. M a d d ə 1 9
1. Qəbul edən dövlətin səlahiyyətli orqanları göndərən dövlətin müəyyən olunmuş qaydada iş qabiliyyəti olmayan və ya məhdud iş qabiliyyətli kimi təsdiq edilmiş vətəndaşının üzərində qəyyumluq və ya hamilik müəyyən etmək zərurəti barədə konsulluğa dərhal məlumat verirlər. 2. Konsulluğun vəzifəli şəxsi qəbul edən dövlətin qanunvericiliyi və qərarlarına uyğun olaraq göndərən dövlətin müəyyən olunmuş qaydada iş qabiliyyəti olmayan və ya məhdud iş qabiliyyətli kimi təsdiq edilmiş vətəndaşının hüquq və mənafelərini müdafiə etmək və zəruri olan hallarda həmin şəxs üçün qəyyum və ya hamini tövsiyə və ya təyin etmək və qəyyumluq və hamiliyə aid hərəkətləri izləmək hüququna malikdir. M a d d ə 2 0
Göndərən dövlətin vətəndaşı qəbul edən dövlətdə öldüyü halda qəbul edən dövlətin səlahiyyətli orqanları bu barədə dərhal konsulluğa məlumat verirlər. Konsulluğun xahişi ilə qəbul dövlətin səlahiyyətli orqanları ona ölüm haqqında şəhadətnamə, yaxud ölüm haqqında digər sənədlər verirlər. M a d d ə 2 1 Miras qalmış əmlakla bağlı funksiyalar
1. Qəbul edən dövlətin səlahiyyətli orqanları mümkün qədər qısa müddətdə konsulluğun vəzifəli şəxsinə onu konsulluq dairəsi ərazisində göndərən dövlətin vətəndaşının ölümü barədə məlumat verir, habelə konsulluğun vəzifəli şəxsinə miras qalmış əmlakın, vəsiyyətnamənin olması, həmçinin qəbul edən dövlətin ərazisində olan və yaxud təmsil edilən hər hansı bir şəxsin bu əmlakın sərəncamvericisi təyin olunması haqqında məlumat verirlər. 2. Konsulluğun vəzifəli şəxsi bu Maddənin 1-ci bəndində nəzərdə tutulmuş miras olduğu halda qəbul edən dövlətin səlahiyyətli orqanları tərəfindən əmlakın siyahısının tərtib edilməsində iştirak etmək hüququna malikdir və miras qalmış əmlakın qorunması ilə bağlı tədbirlər görür. 3. Göndərən dövlətin vətəndaşı, vətəndaşlığından asılı olmayaraq qəbul edən dövlətin ərazisində ölmüş şəxsin mirasına hüququ olarkən həmin dövlətin səlahiyyətli orqanları konsulluq idarəsinə bu barədə dərhal məlumat verirlər. 4. Əgər göndərən dövlətin vətəndaşı qəbul edən dövlətdə miras almaq hüququna malikdirsə və ya bu hüquqa iddia edirsə, lakin nə o, nə də onun nümayəndəsi miras haqqında işin baxılmasında iştirak edə bilmirlərsə, konsulluğun vəzifəli şəxsi şəxsən və ya öz nümayəndəsi vasitəsilə həmin vətəndaşı qəbul edən dövlətin məhkəmə, yaxud digər səlahiyyətli orqanlarında təmsil edə bilər. 5. Konsulluğun vəzifəli şəxsi göndərən dövlətin qəbul edən dövlətdə daimi yaşamayan vətəndaşının adından qəbul edən dövlətdə həmin vətəndaşa təhvil vermək üçün ona məxsus olan hər cür mirası ala bilər. 6. Göndərən dövlətin qəbul edən dövlətdə daimi yaşamayan vətəndaşının qəbul edən dövlətdə öldükdə konsulluğun vəzifəli şəxsi varislərə, sərəncamvericiyə, yaxud digər səlahiyyətli şəxslərə təhvil vermək üçün ölən şəxsin bütün sənədlərini, pul vəsaitlərini, qiymətli əşyalarını müvəqqəti mühafizəyə götürmək hüququna malikdir. 7. Konsulluğun vəzifəli şəxsi göndərən dövlətin vətəndaşı adından, əgər həmin vətəndaş qəbul edən dövlətin ərazisində deyilsə, miras qalmış əmlak, bədbəxt hadisələrlə bağlı kompensasiyaların ödənməsinə dair qanunvericiliyə müvafiq olaraq edilmiş ödəmələr, habelə həyat sığortası ilə bağlı sığorta polisi üzrə ödəmələr də daxil olmaqla hər hansı bir şəxsin ölümü ilə bağlı həmin vətəndaşın haqqı çatdığı pul və ya digər əmlakı məhkəmədən, hakimiyyət orqanlarından, yaxud ayrı-ayrı şəxslərdən almaq hüququna malikdir.
8. Bu Maddənin 4, 5, 6, 7-ci bəndlərində göstərilmiş funksiyaları yerinə yetirərkən konsulluğun vəzifəli şəxsi qəbul edən dövlətin qanunvericiliyi və qaydalarına riayət etməyə borcludur. M a d d ə 2 2 Göndərən dövlətin gəmilərinə edilən kömək
1. Konsulluğun vəzifəli şəxsi öz konsulluq dairəsi hüdudlarında qəbul edən dövlətin daxili sularında və ya ərazi dənizində yerləşən gəmilərinə, kapitanlara və ekipaj üzvlərinə kömək etmək, həmçinin aşağıdakıları həyata keçirmək hüququna malikdir: 1.1. gəminin göyərtəsinə qalxmaq, kapitanın və ekipajın istənilən üzvünü dindirmək, habelə gəminin hərəkəti, üzməsi və yükü barədə məlumat almaq; 1.2. qəbul edən dövlətin hakimiyyət orqanlarının hüquqlarına toxunmamaq şərti ilə, üzmə vaxtı baş vermiş hər hansı bədbəxt hadisəni araşdırmaq; 1.3. Əmək haqqı və işə götürmə haqda müqavilədə nəzərdə tutulmuş öhdəliklərə aid mübahisələr də daxil olmaqla kapitan və ekipaj üzvləri arasında yaranmış mübahisələri həll etmək, habelə gəminin bortunda təhlükəsizlik tədbirləri görmək; 1.4. gəminin kapitanı və ekipajın istənilən üzvünə tibbi yardım, yaxud vətənə qaytarılmanı təmin etmək üçün tədbirlər görmək; 1.5. gəmiyə aid olan sənədləri qəbul etmək, nəzərdən keçirmək, tərtib etmək, imzalamaq, yaxud təsdiq etmək; 1.6. Göndərən dövlətin və ya gəmi sahibinin tapşırığı ilə gəmiyə aid olan digər məsələləri də həll etmək. 2. Kapitan və ekipaj üzvləri qəbul edən dövlətin qanunvericilik və qaydalarını pozmadan konsulluğun vəzifəli şəxsi ilə birbaşa əlaqəyə girmək hüququna malikdir. M a d d ə 2 3 Göndərən dövlətin bayrağı altında üzən gəmiyə qarşı icbari tədbirlər görülən halda müdafiə
1. Əgər qəbul edən dövlətin məhkəmələri və ya digər səlahiyyətli orqanları göndərən dövlətin bortunda hər hansı icbari tədbir görmək, yaxud hər hansı təhqiqat aparılması tapşırmaq niyyətində olarlarsa, konsulluğun vəzifəli şəxsinin və ya onun nümayəndəsinin bu əməliyyatların həyata keçirilməsində iştirak edə bilməsi üçün konsulluğa qabaqcadan məlumat verirlər. Təxirəsalınmaz olan hallarda qabaqcadan məlumat vermək imkanı olmazsa, konsulluq qəbul edən dövlətin səlahiyyətli orqanları tərəfindən aparılan əməliyyatlar barədə, konsulluğun vəzifəli şəxsinin xahişi ilə isə aparılan əməliyyatların nəticələri barədə xəbərdar edilir. 2. Bu maddənin 1-ci bəndinin müddəaları müvafiq olaraq, Qəbul edən dövlətin səlahiyyətli orqanları tərəfindən gəmi kapitanı və ya hər hansı ekipaj üzvü ilə bağlı quruda görülmüş tədbirlərə də şamil edilir. 3. Bu maddənin 1-ci və 2-ci bəndlərinin müddəaları dövlət sərhəddindəki buraxılış məntəqələrinin dövlət nəzarəti orqanları, limanların müdiriyyəti tərəfindən keçirilən adi təftişlərdə həmçinin insanların suda həyatını xilas etmək, dəniz nəqliyyatının təhlükəsizliyi və ya suların çirklənməsinin qarşısının alınması üzrə tədbirlərdə tətbiq edilmirlər. 4. Qəbul edən dövlətin səlahiyyətli orqanları həmin dövlətdə asayiş, təhlükəsizlik və ictimai qayda-qanun pozulmazsa, Göndərən dövlətin hər hansı bir gəmisinin daxili işlərinə müdaxilə edə bilməz. Bu zaman gəmi kapitanının şəxsən xahişi və ya razılığı ilə, habelə Göndərən dövlətin konsulluq vəzifəli şəxsinin razılığı ilə baş verən hallar istisna edilir. M a d d ə 2 4
1. Əgər Göndərən dövlətin bayrağı altında üzən gəmi qəzaya uğrayarsa, saya oturarsa və ya hər hansı digər səbəbə görə öz səfərini müstəqil şəkildə davam etdirə bilməzsə, Qəbul edən dövlətin səlahiyyətli orqanları təxirə salınmadan konsulluğu gəminin bortunda yerləşən insanların, yükün və digər əmlakın xilas edilməsi üzrə görülən tədbirlər barədə xəbərdar edirlər. 2. Qəbul edən dövlətin səlahiyyətli orqanları konsulluğun vəzifəli şəxsinə qəzaya uğramış, saya oturmuş və ya hər hansı bir səbəbə görə səfərini müstəqil olaraq davam etdirə bilməyən gəmiyə, onun ekipajına və sərnişinlərinə yardım etməkdə maneçilik törətmirlər və bu məqsədlə o, köməklik üçün Qəbul edən dövlətin hakimiyyət orqanlarına müraciət edə bilər. 3. Qəbul edən dövlətin hakimiyyət orqanları Göndərən dövlətin gəmisi qəzaya uğradıqda, saya oturduqda və ya hər hansı digər səbəbə görə sərbəst şəkildə hərəkətini davam etdirə bilmədikdə, habelə gəmiyə məxsus əşya və ya yük sahildə tapıldıqda, habelə Qəbul edən dövlətin limanına gətirildikdə kapitan, gəmi sahibi, gəmi agenti və ya sığorta şirkətinin nümayəndəsi iştirak etmədikdə və ya həmin əmlakın qorunması, yaxud onunla bağlı sərəncam verilməsi ilə bağlı tədbirlər görə bilmədikdə konsulluğu təxirə salınmadan xəbərdar edirlər. 4. Göndərən dövlətin qəzaya uğramış, saya oturmuş və ya hər hansı digər səbəbə görə hərəkətini sərbəst şəkildə davam etdirə bilməyən gəmisindən Qəbul edən dövlətdə realizə edilmiş və ya istifadə olunmuş yük və əmlaka görə gömrük yığımı alına bilməz. 5. Konsulluq vəzifəli şəxsi qəbul edən dövlətin səlahiyyətli orqanları tərəfindən gəminin qəzaya uğraması, saya oturması, yaxud səfərini müstəqil olaraq davam etdirə bilməməsi səbəblərini müəyyənləşdirərkən iştirak etmək hüququna malikdir. M a d d ə 2 5
Bu Konvensiyanın göndərən dövlətin gəmilərinə aid olan müddəaları, göndərən dövlətlə qəbul edən dövlətin arasındakı ikitərəfli sazişlərin və ya hər iki dövlətin iştirakçısı olduğu çoxtərəfli sazişlərin müddəalarına zidd olmamaq şərti ilə, müvafiq olaraq göndərən dövlətin hava gəmilərinə də tətbiq edilir. M a d d ə 2 6 Hüquqi sənədlərin verilməsi Konsulluğun vəzifəli şəxsi qəbul edən dövlətin qanunvericilik və qaydaları ilə icazə verilərsə, məhkəmə və qeyri-məhkəmə sənədlərini təhvil verə bilər. Göndərən dövlətlə qəbul
edən dövlətin arasında digər müqavilələr qüvvədə olarsa, onların müddəaları tətbiq edilməlidir. BÖLMƏ 4
M a d d ə 2 7 Konsulluğa və konsulluq işçilərinə kömək
1. Qəbul edən dövlət konsulluğa öz funksiyalarını yerinə yetirmək üçün bütün imkanları yaradır. 2. Qəbul edən dövlət konsulluq işçilərinə lazımi hörmətlə yanaşacaq və bu Konvensiyaya müvafiq olaraq öz funksiyalarının yerinə yetirilməsini təmin etmək üçün zəruri tədbirlər görəcəkdir. M a d d ə 2 8
1. Qəbul edən dövlət öz ərazisində qanunvericilik və qaydalarına uyğun olaraq göndərən dövlətə onun konsulluqları üçün zəruri olan binaların alınmasında yardım etməli və ya başqa yolla binaların alınmasında kömək göstərməlidir. 2. Qəbul edən dövlət həmçinin zəruri hallarda konsulluğa öz işçiləri üçün münasib yaşayış evlərinin əldə edilməsində də yardım göstərir. 3. Bu Maddədə göstərilənlər qəbul edən dövlətin binaların yerləşməsi və quruluşunu tənzimləyən qanunvericiliyi və qaydalarına, habelə şəhər planlaşdırılması və rayonlaşdırılmasını tənzimləyən qanunvericiliyi və qaydalarına riayət edilməsinə görə məsuliyyətdən göndərən dövlətin azad edilməsi kimi şərh olunmamalıdır. M a d d ə 2 9
1. Konsulluq binası üzərində dövlət gerbi və göndərən dövlətin dilində və qəbul edən dövlətin dilində konsulluğun adı olan yazını asmaq hüququna malikdir. 2. Konsulluq göndərən dövlət bayrağını konsulluq binaları, konsulluq başçısının iqamətgahı və rəsmi funksiyaları yerinə yetirərkən istifadə olunan yerdəyişmə vasitələri üzərindən asmaq hüququna malikdir. M a d d ə 3 0
1. Konsulluq binaları və konsulluğun vəzifəli şəxslərinin yaşayış evləri toxunulmazdır. Qəbul edən dövlətin hakimiyyət orqanlarının nümayəndələri göndərən dövlətin konsulluğunun başçısının, yaxud göndərən dövlətin diplomatik nümayəndəliyinin başçısının və ya onlardan biri tərəfindən təyin olunmuş şəxsin razılığı olmadan konsulluq binalarına və ya konsulluğun vəzifəli şəxslərinin yaşayış evlərinə girə bilməzlər. 2. Qəbul edən dövlət konsulluq binalarını və konsulluğun vəzifəli şəxslərinin yaşayış evlərini hər hansı təcavüzdən, yaxud zərər vurulmasından qorunması və konsulluğun asayişinin hər cür pozulmasının və ya onun ləyaqətinin təhqir olunmasının qarşısını almaq üçün bütün zəruri tədbirləri görəcəkdir. M a d d ə 3 1
Konsulluq binaları, konsulluğun bütün əmlakı, habelə onun yerdəyişmə vasitələri dövlət müdafiəsi və ya ictimai tələbat məqsədi ilə keçirilən hər cür növ rekvizisiyalara qarşı immunitetdən yararlanırlar. Yuxarıda göstərilmiş məqsədlərlə binaların özgələşdirilməsi zərurəti meydana çıxdığı halda konsulluğun öz funksiyalarını yetirməsi üçün əngəllərin aradan qaldırılması üçün bütün zəruri tədbirlər görülür və göndərən dövlətə dərhal müvafiq effektiv kompensasiya ödənir. M a d d ə 3 2 Konsulluq arxivləri və sənədlərinin toxunulmazlığı
Konsulluq arxivləri və sənədləri yerindən asılı olmayaraq hər zaman toxunulmazdırlar. M a d d ə 3 3 Yerdəyişmə azadlığı
Dövlət təhlükəsizliyi baxımından giriş qadağan edilən, yaxud tənzimlənən bölgələr haqqında qanunvericiliyə və qaydalara zidd olmadığı təqdirdə qəbul edən dövlət konsulluğun bütün işçilərini öz ərazisində yerdəyişmə və səyahət azadlığı ilə təmin edir. Bu zaman bütün hallarda qəbul edən dövlət konsulluğun vəzifəli şəxsi öz xidməti vəzifələrini yerinə yetirmək imkanı ilə təmin edir. M a d d ə 3 4
1. Qəbul edən dövlət bütün rəsmi məqsədlər üçün konsulluğun əlaqələr azadlığına icazə verməli və onu qorumalıdır. Konsulluq göndərən dövlətin hökuməti ilə, diplomatik nümayəndəlikləri ilə və digər konsulluqları ilə əlaqə saxlayarkən diplomatik və konsulluq kuryerləri də daxil olmaqla kodlaşdırılmış və şifrləşdirilmiş depeşalardan, diplomatik və konsulluq valizalarından və bütün uyğun rabitə vasitələrindən istifadə edə bilər. Konsuluq yalnız qəbul edən dövlətin razılığı əsasında radioötürücü quraşdıra və istismar edə bilər. 2. Konsulluğun rəsmi yazışmaları toxunulmazdır. Konsulluq valizası açıla və tutulub saxlanıla bilməz. Konsulluq valizası onun xarakterinə dəlalət edən zahiri işarələrə malik olmalıdır və yalnız müstəsna olaraq rəsmi istifadə üçün nəzərdə tutulmuş rəsmi yazışmalardan, rəsmi sənədlərdən və əşyalardan ibarət ola bilər. Konsulluq valizasında yazışmalar, sənədlər,
yaxud bu Maddədə göstərilmiş əşyalardan başqa digər şeylərin olduğunu güman etmək üçün ciddi əsaslar olduqa qəbul edən dövlətin səlahiyyətli orqanları valizanın onların iştirakı ilə göndərən dövlətin səlahiyyətli nümayəndəsi tərəfindən açılmasını tələb edə bilərlər. Sonuncu bu tələbatı yerinə yetirməkdən imtina etdiyi halda valiza onun göndərildiyi yerə qaytarılmalıdır. 3. Konsulluq kuryeri göndərən dövlətin vətəndaşı olmalı və qəbul edən dövlətdə daimi yaşayan şəxs olmamalıdır. O, qəbul edən dövlətdə diplomatik kuryerin yararlandığı üstünlüklərdən, imtiyazlardan və immunitetlərdən yararlanır. 4. Göndərən dövlət, yaxud konsulluq ad hos konsulluq kuryerlərini təyin edə bilərlər. Bu halda bu Maddənin 3-cü bəndinin müddəaları konsulluq kuryerinin ona etibar edilmiş valizanı təyinatı üzrə çatdırdığı andan orada göstərilən immunitetlərin dayandırılması istisna olmaqla tətbiq edilir. 5. Konsulluq valizası, göndərən dövlətin konsulluq valizasının təşkil etdiyi yerlərin sayı göstərilmiş rəsmi sənədə malik olan gəmi kapitanına, yaxud hava gəmisi komandirinə tapşırıla bilər, lakin o, konsulluq kuryeri hesab olunmamalıdır. Konsulluq işçiləri sərbəst və birbaşa olaraq konsulluq valizasını gəmi kapitanına, yaxud hava gəmisi komandirinə təhvil verə və onlardan qəbul edə bilərlər. M a d d ə 3 5 Konsulluq yığımları və rüsumları
1. Konsulluq qəbul edən dövlətin ərazisində konsulluq əməliyyatlarına görə göndərən dövlətin qanunvericilik və qaydalarında nəzərdə tutulmuş yığım və rüsumları ala bilər. 2. Bu Maddənin 1-ci bəndində nəzərdə tutulmuş yığım və rüsumlar qəbul edən dövlətdə bütün vergi, yığım və rüsumlardan azaddır. M a d d ə 3 6 Konsulluğun vəzifəli şəxslərinin toxunulmazlığı
Konsulluğun vəzifəli şəxsləri şəxsi toxunulmazlıqdan istifadə edirlər və saxlanmaya, yaxud həbs edilməyə məruz qala bilməzlər. Qəbul edən dövlət onların azadlıq və ləyaqətlərinə hər hansı qəsd edilməsinin qarşısını almaq üçün lazımi tədbirlər görürür. M a d d ə 3 7
1. Konsulluğun vəzifəli şəxsləri 18 aprel 1961-ci il tarixli diplomatik əlaqələr haqqında Vyana Konvensiyasının müddəalarına müvafiq olaraq diplomatik agentlər kimi tam həcmdə diplomatik imtiyazlar və immunitetlərdən istifadə edirlər. 2. Konsulluq əməkdaşları və xidmət personalının işçiləri öz xidməti vəzifələrini yerinə yetirərkən edilmiş hərəkətlərə görə qəbul edən dövlətin yurisdiksiyasına tabe deyildirlər. 3. Bu Maddənin 2-ci bəndinin müddəaları aşağıdakı mülki iddialara qarşı tətbiq edilmir:
3.1. Konsulluq əməkdaşı, yaxud konsulluğun xidməti personalının işçisi tərəfindən göndərən dövlətin agenti simasında bilavasitə və ya dolayısı ilə öz üzərinə öhdəlik götürmədən bağladığı müqavilədən irəli gələn hallarda və ya; 3.2. Qəbul edən dövlətdə yol nəqliyyat hadisələri, gəmi və ya hava gəmisi ilə bağlı bədbəxt hadisələr nəticəsində üçüncü tərəfə vurulan zərərə görə. M a d d ə 3 8 Şahid ifadəsi vermək öhdəliyi
1. Konsulluğun vəzifəli şəxsləri şahidlik ifadələri verməyə borclu deyillər. 2. Konsulluq əməkdaşları və xidməti personalın işçiləri məhkəmə və inzibati işlərin icraatı zamanı şahid ifadəsi vermək üçün çağırıla bilərlər. Onlar bu Maddənin 3-cü bəndində tutulan hallar istisna olmaqla şahid ifadəsi verməkdən imtina edə bilməzlər. 3. Konsulluq əməkdaşları və xidməti personalın işçiləri öz vəzifələrini yerinə yetirməklə bağlı məsələlər üzrə şahid ifadəsi verməyə və ya onların funksiyalarına aid rəsmi yazışmaları, yaxud sənədləri təqdim etməyə borclu deyillər. Onlar habelə göndərən dövlətin qanunvericiliyini şərh edən şahid ifadələri verməyə də borclu deyillər. 4. Qəbul edən dövlətin hər hansı konsulluq əməkdaşının və ya xidməti personalın işçisinin şahid ifadələrini tələb edən səlahiyyətli orqanları bu şəxs tərəfindən öz xidməti vəzifələrini yerinə yetirməyə maneə yaratmamalıdır. Bu orqanlar mümkün olduğu halda həmin şəxsin şahid ifadələrini konsulluq binasında dinləyə bilər, yaxud ondan yazılı şahid ifadələri ala bilər. M a d d ə 3 9 Mükəlləfiyyətlərdən azad edilmə
Konsulluğun işçiləri qəbul edən dövlətdə hər hansı şəxsi ictimai öhdəlik və hərbi mükəlləfiyyətlərdən, həmçinin qəbul edən dövlətin əcnəbiləri qeydiyyata alma və yaşayış üçün icazə almaya aid qanunvericilik və qaydaları ilə nəzərdə tutulmuş bütün tələblərin yerinə yetirilməsindən azaddırlar. M a d d ə 4 0 Vergi və yığımlardan azad edilmə
1. Qəbul edən dövlət aşağıdakıları dövlət, bölgə və bələdiyyə vergi, yığım və rüsumlardan azad edilir: 1.1. Göndərən dövlətin sahibi, yaxud icarədarı olduğu konsulluq binaları və konsulluq işçilərinin yaşayış evləri, habelə buna dair müqavilə və aktlar; 1.2. Konsulluq tərəfindən rəsmi məqsədlər üçün alınmış daşınan əmlak və nəqliyyat vasitələri, həmçinin onların alınması, onlara sahib olma və saxlama. 2. Bu Maddənin 1-ci bəndinin müddəaları aşağıdakılar barədə tətbiq edilmir: 2.1. Konkret xidmət növləri üçün ödəmə kimi alınan vergilər, yığımlar və rüsumlar; 2.2. Qəbul edən dövlətin qanunvericiliyinə müvafiq olaraq göndərən dövlətə və ya onun nümayəndəsi ilə müqavilə bağlamış şəxsdən alınan vergilər, yığımlar və rüsumlar.
M a d d ə 4 1 Konsulluq işçilərinin vergilərdən azad edilməsi
1. Konsulluq işçiləri, habelə onlarla birgə yaşayan ailə üzvləri, aşağıdakılar istisna olmaqla, bütün şəxsi, əmlak, dövlət, bölgə və bələdiyyə vergi və rüsumlarından azad edilirlər: 1.1. Adətən mal və xidmətlərin dəyərinə daxil edilmiş dolayı vergilərdən; 1.2. 40-cı Maddədə göstərilmiş istisnalar nəzərə alınmaqla qəbul edən dövlətin ərazisində yerləşən şəxsi daşınmaz əmlak üçün vergi və rüsumlardan; 1.3 45-ci Maddənin 2-ci bəndinin müddəalarında nəzərdə tutulmuş istisnalarla irsi əmlak üçün vergilər, miras üçün rüsumlar və əmlakın keçməsi ilə bağlı vergilər; 1.4. Mənbəyi qəbul edən dövlətdə yerləşən kapitaldan alınan vergi və rüsumlar da daxil olmaqla şəxsi gəlirlərə görə vergi və rüsumlardan, habelə qəbul edən dövlətdəki kommersiya və ya maliyyə müəssisələrinə sərmayə qoyuluşuna görə vergilərdən; 1.5. 40-cı Maddənin müddəalarında göstərilmiş istisnalar nəzərə alınmaqla konkret xidmət növləri üçün alınan vergi və rüsumlardan, məhkəmə və reyestr rüsumlarından, ipotek və gerb yığımlarından. 2. Konsulluq işçiləri konsulluqdakı işinə görə aldıqları əmək haqqından verilən vergilər, yığımlar və rüsumlardan azad edilirlər. 3. Qəbul edən dövlətdə əmək haqqından ödənən gəlir vergisindən azad edilməmiş şəxsləri muzdla işə götürən konsulluq işçiləri həmin dövlətin gəlir vergisini ödəmək barədə qanunvericilik və qaydalarının qoyduğu öhdəlikləri yerinə yetirirlər. M a d d ə 4 2 Gömrük rüsumları və nəzarətindən azad edilmə
1. Qəbul edən dövlət öz qanunvericiliyinə və qaydalarına müvafiq olaraq, aşağıdakıları saxlama, daşınma və digər buna bənzər xidmətlərə görə alınan yığımlar istisna olmaqla, başqa gömrük rüsum və yığımlarından azad şəkildə idxal və ixrac etməyə icazə verir: 1.1. Konsulluq tərəfindən rəsmi istifadə üçün nəzərdə tutulmuş əşyalar; 1.2. Konsulluğun vəzifəli şəxsinin rəsmi istifadəsi üçün nəzərdə tutulmuş əşyalar; 1.3. Konsulluq əməkdaşlarının və konsulluğun xidmət personalının işçilərinin ilk dəfə gəldikləri vaxt məişət xarakterli əşyalar da daxil olmaqla gətirilən əşyalar. 2. Bu Maddənin 1-ci bəndinin 1.2. və 1.3. yarımbəndlərində göstərilən əşyalar müvafiq şəxslərin şəxsi istifadəsi üçün lazım olan miqdarı aşmamalıdır. 3. Konsulluğun vəzifəli şəxsinin şəxsi baqajı gömrük nəzarətindən azaddır. Orada bu Maddənin 1-ci bəndinin 1.2. yarımbəndində göstərilən əşyalardan başqa əşyaların və yaxud qəbul edən dövlətin qanunvericiliyi və qaydaları ilə yaxud karantin qaydaları ilə ölkəyə gətirilib və ölkədən çıxarılması qadağan olunmuş əşyaların olduğunu hesab etmək üçün ciddi səbəblər olarsa, konsulluğun vəzifəli şəxsinin şəxsi baqajı qəbul edən dövlətin səlahiyyətli orqanları tərəfindən nəzarətdən keçirilə bilər. Bu zaman yoxlama konsulluğun vəzifəli şəxsinin, yaxud onun səlahiyyətli nümayəndəsinin iştirakı ilə aparılır. M a d d ə 4 3 Ailə üzvlərinin imtiyaz və immunitetləri
1. Konsulluq işçilərinin ailə üzvləri imtiyaz və immunitetlərdən konsulluğun müvafiq işçisinin istifadə etdiyi həcmdə istifadə edirlər. 2. Bu Maddənin 1-ci bəndinin müddəaları qəbul edən dövlətin vətəndaşı olan və ya həmin dövlətdə daimi yaşayan, yaxud qəbul edən dövlətdə gəlir məqsədi ilə peşə və ya kommersiya fəaliyyəti ilə məşğul olan ailə üzvlərinə şamil edilmir. M a d d ə 4 4
1. Qəbul edən dövlətin vətəndaşı olan və ya həmin ölkədə daimi yaşayan konsulluq əməkdaşları və xidmət personalının işçiləri 38-ci Maddənin 3-cü bəndinin müddəaları istisna olmaqla, bu Konvensiyada nəzərdə tutulmuş imtiyaz və immunitetlərdən istifadə etmirlər. 2. Bu Maddənin 1-ci bəndində göstərilmiş şəxslərin ailə üzvləri bu Konvensiyada göstərilmiş imtiyaz və immunitetlərdən istifadə etmirlər. 3. Qəbul edən dövlət bu Maddənin 1-ci və 2-ci bəndlərində göstərilmiş şəxslərlə bağlı yurisdiksiya həyata keçirərkən konsulluğun fəaliyyəti üçün maneə yaratmamalıdır. M a d d ə 4 5
Konsulluq işçisi və ya onun ailə üzvü öldükdə qəbul edən dövlət aşağıdakıları etməyə borcludur: 1. Həmin şəxsin ölümünədək qəbul edən dövlətdə alınmış və ölkədən çıxarılması qadağan olunmuş əmlak istisna edilməklə ölənin daşınan əmlakının ölkədən çıxarılmasına icazə vermək; 2. Ölmüş şəxsin qəbul edən dövlətdə konsulluq işçisi kimi, yaxud ailə üzvü kimi yaşaması ilə əlaqədar qəbul edən dövlətin ərazisində yerləşən miras qalmış daşınan əmlakdan vərəsəliyə görə, yaxud mirasa görə heç bir dövlət, bölgə, yaxud bələdiyyə vergi və rüsumları tutmamaq. M a d d ə 4 6
1. Hər bir konsulluq işçisi öz təyinat yerinə yollanarkən, qəbul edən dövlətin ərazisinə daxil olduğu andan etibarən və ya əgər o artıq bu dövlətin ərazisində olarsa konsulluqda öz vəzifəsini yerinə yetirməyə başladığı andan etibarən bu Konvensiyada nəzərdə tutulmuş imtiyaz və immunitetlərdən istifadə edir. 2. Konsulluq işçisinin onunla birgə yaşayan ailə üzvləri, habelə onun xüsusi ev xidmətçisi, ona bu Maddənin 1-ci bəndinə müvafiq olaraq imtiyaz və immunitetlər verildiyi andan, yaxud qəbul edən dövlətin ərazisinə daxil olduğu andan və ya onlar ailə üzvləri və ya xüsusi ev xidmətçisi olduqları andan etibarən bu Konvensiyada nəzərdə tutulmuş imtiyaz və immunitetlərdən istifadə edirlər. 3. Konsulluq işçisinin funksiyaları dayandırılarkən onun imtiyaz və immunitetləri, habelə onunla birgə yaşayan ailə üzvlərinin, həmçinin xüsusi ev xidmətçisinin imtiyaz və immunitetləri də həmin şəxs qəbul edən dövləti tərk etdiyi anda və ya bunu etmək üçün ayrılan məqbul müddət başa çatdıqda dayandırılır. Konsulluq işçisinin ailə üzvlərinin, habelə onun xüsusi ev xidmətçisinin imtiyaz və immunitetləri onlar artıq ailə üzvü və ya xüsusi ev xidmətçisi olmadıqda dayandırılır. Lakin həmin şəxslər qəbul edən dövləti məqbul müddət ərzində tərk etmək niyyətində olsalar, onların imtiyaz və immunitetləri getmə anına qədər saxlanılır. 4. Konsulluq işçisi öldüyü halda, onunla birgə yaşayan ailə üzvləri, habelə xüsusi ev xidmətçisi qəbul edən dövləti tərk edən ana qədər, yaxud qəbul edən dövləti tərk etmək üçün ayrılan müddət bitənə qədər onlara verilmiş imtiyaz və immunitetlərdən istifadə etməkdə davam edirlər. M a d d ə 4 7
1. Göndərən dövlət bu Konvensiyanın müddəalarına uyğun olaraq, müvafiq şəxslərin istifadə etdiyi imtiyaz və immunitetlərdən imtina edə bilər. Bütün hallarda bu cür imtina aydın şəkildə ifadə edilməli və onun haqqında qəbul edən dövlətə yazılı şəkildə məlumat verilməlidir. 2. Hər hansı şəxs tərəfindən bu Konvensiya müvafiq olaraq yurisdiksiyaya qarşı immunitetdən istifadə edə biləcəyi hallarda iş üzrə iddia qaldırması, həmin şəxsi əsas iddia ilə bağlı olan qarşılıqlı iddia qaldırdığı halda yurisdiksiyaya qarşı immunitetə istinad etmək hüququndan məhrum edir. 3. Mülki və ya inzibati iş üzrə yurisdiksiyaya qarşı immunitetdən imtina edilməsi haqqında yazılı şəkildə verilmiş ayrıca imtinanın zəruri olduğu məhkəmə qərarının yerinə yetirilməsinə qarşı immunitetdən imtina etməklə nəticələnmir. BÖLMƏ 5
M a d d ə 4 8 1. Bu Konvensiyada nəzərdə tutulmuş bütün imtiyaz və immunitetlərdən istifadə edən bütün şəxslər yol hərəkəti qaydaları da daxil olmaqla, qəbul edən dövlətin qanunvericilik və qaydalarına hörmət etməyə borcludur. 2. Konsulluq binaları konsulluq funksiyalarına uyğun gəlməyən məqsədlər üçün istifadə edilə bilməzlər. 3. Konsulluq işçiləri və onların ailə üzvləri qəbul edən dövlətin nəqliyyat vasitələrinin sığortası üzrə qanunvericilik və qaydalarına riayət etməyə borcludurlar. 4. Göndərən dövlətin konsulluq işçiləri qəbul edən dövlətdə rəsmi funksiyaların yerinə yetirilməsi ilə bağlı olan fəaliyyətdən istisna olmaqla peşə, yaxud kommersiya fəaliyyətini həyata keçirə bilməzlər. BÖLMƏ 6
M a d d ə 4 9 Razılığa gələn Tərəflər qarşılıqlı razılığa əsasən bu Konvensiyaya dəyişiklik və əlavələr edə bilərlər. M a d d ə 5 0 Ratifikasiya, qüvvəyə minmə və ləğv etmə
1. Bu Konvensiya ratifikasiya olunmalıdır və ratifikasiya fərmanlarının mübadiləsi tarixindən sonra 30-cu gün qüvvəyə minir. 2. Bu Konvensiya qeyri-müəyyən müddətə bağlanılır və Razılığa gələn Tərəflərdən birinin, digər Razılığa gələn Tərəfə diplomatik kanallarla yazılı şəkildə bu Konvensiyanın ləğv etmək barəsində qərarını çatdırdığı gündən etibarən 6 ay ərzində qüvvədə olacaqdır. Kiyev şəhərində «24» mart 1997-ci ildə hər biri Azərbaycan, Ukrayna və rus dillərində olan 2 nüsxədə imzalanmışdır, bu zaman bütün mətnlər eyni qüvvəyə malikdir. Bu Konvensiyanın müddəalarının şərhində hər hansı bir anlaşılmazlıq meydana gəldikdə Konvensiyanın rus dilindəki mətni tətbiq ediləcəkdir.
(imza)
Ukrayna adından (imza) Yüklə 158,85 Kb. Dostları ilə paylaş:
|