Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
Azərbaycan Respublikası Səhiyyə Nazirliyi
Kollegiyasının 20 dekabr 2010-cu il tarixli
31 saylı qərarı ilə təsdiq edilmişdir
BÖYRƏKDAŞI XƏSTƏLİYİNİN
DİAQNOSTİKA VƏ MÜALİCƏSİ ÜZRƏ
KLİNİK PROTOKOL
Bakı - 2010
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
56.9
B 82
B 82 Böyrəkdaşı xəstəliyinin diaqnostika və müalicəsi üzrə
klinik protokol. – 28 səh.
Klinik protokol Azərbaycan Respublikası Səhiyyə
Nazirliyinin səhiyyə islahatları çərçivəsində ictimai
səhiyyə kadrlarının hazırlanması üzrə Tədbirlər Proqramı
əsasında tərtib edilmişdir.
2
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
3
Klinik protokolun redaktoru:
C.Məmmədov – Səhiyyə Nazirliyi İctimai Səhiyyə və
İslahatlar Mərkəzinin direktoru
Klinik protokolun tərtibçilər heyəti:
İ.Fiqarov – Səhiyyə Nazirliyinin baş mütəxəssisi, Səhiyyə
Nazirliyinin Ə.Əliyev adına Azərbaycan Dövlət Həkimləri
Təkmilləşdirmə
İnstitutunun Urologiya kafedrasının
professoru, t.e.d.
S.Cavadzadə – Səhiyyə Nazirliyinin Ə.Əliyev adına
Azərbaycan Dövlət Həkimləri Təkmilləşdirmə İnstitutunun
Urologiya və operativ nefrologiya kafedrasının professoru, t.e.d.
İ.İsmayilov – 3 saylı Şəhər Klinik Xəstəxanasının uroloji
şöbəsinin müdiri, t.e.n.
R.Əliyev – Türk-Amerikan Tibb Mərkəzinin baş həkimi, t.e.n.
L.Orucova – Səhiyyə Nazirliyi İctimai Səhiyyə və İslahatlar
Mərkəzi, Tibbi keyfiyyət standartları şöbəsinin həkim-
metodisti
Rəyçi:
S.İmamverdiyev – Azərbaycan Tibb Universitetinin
Urologiya kafedrasının müdiri, AMEA-nın müxbir üzvü,
ə.e.x., professor
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
4
Sübutların etibarlılıq dərəcəsi və elmi tədqiqatların tipləri
Sübutların
etibarlılıq
dərəcəsi
Sübutların mənbələri
(elmi tədqiqatların tipləri)
Ia
Sübutlar meta-analiz, sistematik icmal və ya
randomizasiya olunmuş klinik tədqiqatlardan (RKT)
alınmışdır
Ib
Sübutlar ən azı bir RKT-dən alınmışdır
IIa
Sübutlar ən azı bir yaxşı planlaşdırılmış, nəzarət edilən,
randomizasiya olunmamış tədqiqatdan alınmışdır
IIb
Sübutlar ən azı bir yaxşı planlaşdırılmış kvazi-
eksperimental tədqiqatdan alınmışdır
III
Sübutlar təsviri tədqiqatdan (məsələn, müqayisəli,
korrelyasion tədqiqatlar, ayrı-ayrı halların öyrənilməsi)
alınmışdır
IV
Sübutlar ekspertlərin rəyinə və ya klinik təcrübəyə
əsaslanmışdır
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
5
Tövsiyələrin etibarlılıq səviyyəsi şkalası
Tövsiyənin
etibarlılıq
səviyyəsi
Tövsiyənin əsaslandığı sübutların etibarlılıq
dərəcəsi
A
•
RKT-lərin yüksək keyfiyyətli meta-analizi,
sistematik icmalı və ya nəticələri uyğun
populyasiyaya şamil edilə bilən, sistematik səhv
ehtimalı çox aşağı olan (++) irimiqyaslı RKT.
•
Sübutların etibarlılıq dərəcəsi Ia.
B
•
Kohort və ya klinik hal - nəzarət tipli tədqiqatların
yüksək keyfiyyətli (++) sistematik icmalı, yaxud
•
Sistematik səhv riski çox aşağı olan (++) yüksək
keyfiyyətli kohort və ya klinik hal - nəzarət tipli
tədqiqat, yaxud
•
Nəticələri uyğun populyasiyaya şamil edilə bilən,
sistematik səhv riski yüksək olmayan (+) RKT.
•
Sübutların etibarlılıq dərəcəsi Ib və IIa.
C
•
Nəticələri uyğun populyasiyaya şamil edilə bilən,
sistematik səhv riski yüksək olmayan (+) kohort və
ya klinik hal - nəzarət tipli və ya nəzarət edilən,
randomizasiya olunmamış tədqiqat, yaxud
•
Nəticələri uyğun populyasiyaya bilavasitə şamil
edilə bilməyən, sistematik səhv riski çox aşağı olan
və ya yüksək olmayan (++ və ya +) RKT.
•
Sübutların etibarlılıq dərəcəsi IIb.
D
•
Klinik hallar seriyasının təsviri, yaxud
•
Nəzarət edilməyən tədqiqat, yaxud
•
Ekspertlərin rəyi.
•
Yüksək səviyyəli sübutların mövcud olmamasının
göstəricisidir.
•
Sübutların etibarlılıq dərəcəsi III və IV.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
6
İxtisarların siyahısı:
AB
– antibiotiklər
BDX
– böyrəkdaşı xəstəliyi
Di-0
– daş qalığı və ya onun fraqmenti olmadan ilk
daşəmələgəlmə hadisəsi
Di-q
– daş qalığı və ya onun fraqmenti ilə ilk
daşəmələgəlmə hadisəsi
DQ –
daş qalığı və ya daşın fraqmenti ilə yüngül xəstəlik
formalı residiv daşəmələgəlmə
EZDL
– ekstrakorporal zərbə-dalğa litotripsiyası
İD –
infeksiyalaşmış daşlar
İƏQV –
iltihab
əleyhinə qeyri-steroid vasitələr
KƏORF –
klinik
əhəmiyyəti olmayan rezidual fraqmentlər
KT
– kompüter tomoqrafiyası
LSS
– ləyən-sidik axarı seqmenti
PKL
– perkutan lapaksiya
PN
– perkutan nefrostomiya
Rd-a
– daş qalığı və ya qalıqsız ağır xəstəlik formalı residiv
daşəmələgəlmə
Risk
– digər kateqoriyalardan fərqli olaraq, xüsusi risk
faktorları ilə daşların əmələ gəlməsi
Ry-0
– (residiv yüngül - 0) daş qalığı və ya daşın fraqmenti
olmadan yüngül xəstəlik formalı residiv
daşəmələgəlmə
SD
– sistin daşları
SK
– sidik axarı kateteri
UD
– urat daşları
URS
– ureteroskopiya
XBT- 10
– Xəstəliklərin Beynəlxalq Təsnifatı 10-cu buraxılış
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
7
Protokol həkim-uroloqlar və ilkin səhiyyə səviyyəsində çalışan
həkimlər üçün nəzərdə tutulmuşdur.
Pasiyent qrupu: böyrəkdaşı xəstəliyi olan böyüklər.
Protokolun məqsədi: böyrəkdaşı xəstəliyinin müalicəsi,
profilaktikası və mümkün ağırlaşmaları, həmçinin, xəstələnmə
səviyyəsinin aşağı salınması məsələlərinə dair sübutlu təbabət
prinsiplərinə əsaslanmış dəqiq tövsiyələrin işlənib hazırlanması.
ÜMUMİ MÜDDƏALAR
Böyrəkdaşı xəstəliyi (BDX) – maddələr mübadiləsinin müxtəlif
endogen və/və ya ekzogen səbəblərdən pozulması xəstəliyidir. Bəzi
hallarda irsi xarakter daşıyır, həmin zaman sidik yolları sistemində
daşların yaranması ilə səciyyələnir.
Epidemiologiya
Uroloji xəstəliklər arasında BDX rastgəlmə tezliyinə görə yalnız
iltihabi-infeksion xəstəliklərdən geri qalır. BDX istənilən yaşda üzə çıxa
bilər, lakin bu xəstəliyin 30-35 yaş arası olan insanlarda daha çox
təsadüf edilməsi müşahidə edilir. BDX geniş yayılmış xəstəlikdir və
hazırda dünyanın bir çox ölkələrində xəstələnmə artımı tendensiyası
qeydə alınıb. Kişilər bu xəstəliyə qadınlardan 3 dəfə çox düçar olurlar.
Azərbaycanın müəyyən bölgələrində (Gəncə, Şəki, Lənkəran) bu
xəstəliyə xüsusilə tez-tez rast gəlinir və o, endemik xarakter daşıyır.
Risk amilləri
►
Sidik yollarının (böyrəklər, sidik axarları, sidik kisəsi və uretra)
anomaliyaları.
►
Urodinamikanın bütün səviyyələrdə və təzahürlərdə pozuntuları.
►
İrsi meyllilik.
►
Hiperparatireoz, böyrək kanalcığı asidozu (tam/qismən),
yeyunoileal anastomoz, Kron xəstəliyi, nazik bağırsağın
rezeksiyası, malabsorbsiya sindromu, sarkoidoz, hipertireoz,
sidik yollarının iltihabi xəstəlikləri.
►
Daş yaranmasına şərait yaradan dərman vasitələri: kalsium
əlavələri, tərkibində vitamin D olan əlavələr, böyük dozalarda
(gündə 4 qr çox) askorbin turşusu, sulfanilamidlər, triamteren,
indinavir.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
8
XBT-10 ÜZRƏ TƏSNİFATI
N20
Böyrək və sidik axarı daşları
N20.0
Böyrək daşları
KLİNİK TƏSNİFAT
Daşın kimyəvi tərkibi və xəstəliyin ağırlıq dərəcəsinə
əsaslanaraq, daşyaranmanın müxtəlif kateqoriyaları ayırd edilir (bax
cədvəl 1). Bu təsnifat pasiyentlərin qruplara ayrılmasını
məqsədəuyğun hesab edir ki, bundan da məqsəd metabolizmin
dəyərləndirilməsi və xəstəliyin sonrakı müalicə taktikası barədə
qərarın qəbul edilməsidir.
Cədvəl 1. Daşəmələgəlmələrin
kateqoriyaları
İnfeksiyalaşmış daşlar
Maqnezium-ammonium-fosfat, karbonat-
apatit
İD
Kalsium tərkibli olmayan
daşlar
Sidik turşusu, natrium-urat, ammonium-
urat daşları
Sistin daşları
Daş qalığı və ya onun fraqmenti olmadan
ilk daşəmələgəlmə hadisəsi
Daş qalığı və ya onun fraqmenti ilə ilk
daşəmələgəlmə hadisəsi
UD
SD
Di-0
Di-q
Kalsium daşları
Daş (daşlar) qalığı (qalıqları) və ya daşın
fraqmentləri olmadan yüngül xəstəlik
formalı residiv daşəmələgəlmə
Daş(daşlar) qalığı (qalıqları) və ya daşın
fraqmentləri ilə yüngül xəstəlik formalı
residiv daşəmələgəlmə
Daş(daşlar) qalığı (qalıqları) və ya onlarsız
ağır xəstəlik formalı residiv daşəmələgəlmə
Daşların, digər kateqoriyalardan fərqli olaraq,
xüsusi risk amilləri ilə əmələ gəlməsi
Ry-0
DQ
Rd-a
Risk
DİAQNOSTİKA
Böyrəkdaşı xəstəliyinin ilkin diaqnostikası
Böyrəkdaşı xəstəliyi zamanı ağrı daimi və ya tez-tez təkrar
olunan, küt və ya kəskin ola bilər. Ağrının lokalizasiyası və
irradiasiyası daşın ölçülərindən və yerləşdiyi sahədən asılıdır. Böyrək
daşlarından yaranan sancı tutmaları adətən bel ağrısı, ürəkbulanma,
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
9
qusma və zəif titrətmə, dizuriya, müsbət “döyəcləmə simptomu” və
palpasiya zamanı böyrək nahiyəsində ağrı ilə müşayiət edilir.
Piyelonefrit əlamətləri, üşütməsi, yüksək bədən hərərəti (38°С-
dən yuxarı), tək böyrəyi olan və ya BDX diaqnozu tərəddüd doğuran
xəstələrin klinik diaqnozu müvafiq vizualizasiya prosedurası ilə
dəqiqləşdirilməlidir. Standart müayinə – USM, icmal uroqrafiya və
əlavə kimi, ekskretor uroqrafiyadan ibarətdir.
Ekskretor uroqrafiyanı aşağıdakı pasiyentlərdə aparmaq tövsiyə
edilmir:
1.
Rentgenkontrast vasitələrə allergiyası olanlar
2.
Qanda kreatinin səviyyəsi 200 mkmol/l-dən yüksək olanlar (D)
3.
Metformin qəbul edənlər (D)
4.
Kaler xəstəliyindən (mielomatozdan) əziyyət çəkənlər (D)
5.
Kollaptoid vəziyyət zamanı
Diaqnoz qoyulmasında istifadə edilən sübutlu təbabət
prinsiplərinə əsaslanan tövsiyələrə görə müayinə metodlarına
kompüter tomoqrafiyası (KT), retro- və anteqrad piyeloqrafiya və
ssintiqrafiya aiddir.
Beləliklə, kəskin bel ağrısı olan pasiyentlərin müayinə ardıcıllığı
aşağıdakı kimidir:
1.
Ultrasəs müayinəsi + sidik-cinsiyyət sisteminin icmal R-şəkli (B)
2.
Ekskretor uroqrafiya (Standart)
3.
KT (A)
Laborator müayinələr
►
Standart laborator müayinələrə sidik çöküntüsü və /və ya
eritrositlərin, leykositlərin, duz kristalları, pH-ın, bakteriyaların
(nitrit testi) təyini, həmçinin qanda kreatinin səviyyəsinin
ölçülməsi daxil olmalıdır (bax cədvəl 2). Yüksək bədən hərarətli
olan pasiyentlərdə CRZ (C-reaktiv zülal) səviyyəsinin müəyyən
edilməsi, həmçinin qanın ümumi təhlili və sidiyin əkilməsi
vacibdir. Qusma zamanı qanda natriumun və kaliumun
miqdarını ölçmək zəruridir. Metabolik risk faktorlarını istisna
etmək üçün kalsiumun və sidik turşusunun qandakı miqdarını
müəyyənləşdirmək mütləq vacibdir. Hiperkalsiemiya,
hipofosfatemiya və hiperkalsiuriya triadası aşkar olunarsa,
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
10
hiperparatireozun istisnası üçün pasiyent mütləq endokrinoloji
müayinədən keçməlidir.
►
Daşəmələgəlmə prosesində rolu olan ayrı-ayrı elementlərin
miqdarını göstərən rəqəmlərin qeyd edilməsi əhəmiyyət daşıyır:
Ca qanda 2,26-2,55 mmmol/l, sidikdə 24 saat ərzində 5
mmol-dan çox olmamalıdır. Sidikdə fosforun olması bir çox
səbəblərdən asılıdır və 34-dən 164 mmol-dək dəyişir, lakin
orta ölçünü – 42-65 mmol/gün götürmək tövsiyə edilir.
Qeyri-üzvi fosforun sidikdəki miqdarının 70-80
mmol/gündən çox olmasını hiperfosfaturiya hesab etmək
olar. Çox zaman sidikdəki Proteus florasından asılı olan
yanlış fosfaturiya müşahidə edilir. Sidik turşusunun qandakı
normal miqdarı 0,38 mmol/l-dən (onun miqdarı yaşla düz
mütənasib şəkildə artır) çox olmamalıdır, gündəlik sidikdə
isə bu, 4-5 mmol-dan (daha dəqiq 4 mmol-dan) artıq deyil.
Maqneziumun qandakı və sidikdəki miqdarı dəyişkən olub,
bağırsaqların fizioloji vəziyyətindən və əzələ fəaliyyətindən
asılıdır. Qandakı miqdarı 0,78-0,91 mmol/l, sidiklə gündəlik
ekskresiyası 2,0-4,25 mmol-dur. Hipo- və hipermaqnemiya
oksalat urolitiazlı xəstələrdə müşahidə oluna bilər ki, bu da
maqnezium ilə piridoksin (vit. B
6
) vasitələrinin müalicə
məqsədilə təyinatına göstəriş ola bilər. Hiperoksaluriya zamanı
maqnezium və pəhriz – “kartof günləri” – təyin olunur,
qidadan purinlərlə zəngin məhsullar, turşəng və s. çıxarılır.
Cədvəl 2. Ağırlaşmamış böyrəkdaşı xəstəliyi olan pasiyentlərdə risk
amillərinin təhlili üçün qan və sidiyin vacib müayinələri
Daşın analizi
Qan analizi
Sidik analizi
Hər pasiyentdə bir
daş analizdən
keçməlidir
Kalsium
Albumin
1
Kreatinin
Sidik turşusu
2
Səhər acqarına götürülmüş sidik nümunələri
Təyin olunur:
рН, leykositlər/eritrositlər, bakteriyalar
3
,
sistin testi
4
, sidik turşusu, uratlar
Qeyd:
1.
Kalsium + albumin və ya sərbəst kalsium ionlarının konsentrasiyası
2.
Vacib olmayan analiz
3.
Bakteriuriya halında patogen floranın təyini
4.
Sistin testi o vaxt aparılır ki, sistinuriyanı digər vasitələrlə istisna etmək mümkün
olmasın.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
11
Anamnezində ağırlaşmış BDX-yi, qalıq fraqmentləri və ya
böyrəyində daşları olan, yaxud olmayan və xəstəliyində tez-tez
residivlər qeydə alınan pasiyentlər xüsusi risk faktorlarına (Rd-a və
Risk kateqoriyaları) meyllidirlər. Bundan başqa, daşları ilk dəfə
əmələ gələn pasiyentləri və qalıq fraqmentli (Di-q və DQ
kateqoriyaları) yüngül formalı xəstəliklərdən əziyyət çəkən
pasiyentləri də bu qrupa aid etmək olar. Belə xəstələrin müayinəsi
üçün tövsiyə olunan analizlər cədvəl 3-də verilmişdir.
Cədvəl 3. Böyrəkdaşı xəstəliklərinin ağırlaşması zamanı aparılan analizlər
Daşın analizi
Qanın analizi
Hər pasiyentdə heç olmasa bir daş tədqiq
olunmalıdır
Kalsium
Albumin
1
Kreatinin
Sidik turşusu
2
Kalium
Sidik analizi
Ölçülməlidir:
рН səviyyəsi
leykositlər /bakteriyaların miqdarı
Sistin testi
Sutkalıq diurezin yığımı
3
Kalsium maqnezium
5
Oksalat fosfat
2,5,6
Sitrat sidik cövhəri
2,6
Uratlar
4
natrium
2,6
Kreatinin xlorid
2,6
Həcm kalium
2,6
Qeyd:
1.
Kalsium + albumin, yaxud sərbəst kalsium ionlarının konsentrasiyası
2.
Vacib olmayan analiz
3.
Sutkalıq diurezin həcmi günün ayrı-ayrı vaxtlarında aparmaq olar
4.
Turşu ilə işlənməmiş nümunələrdə
5.
Maqnezium və fosfat analizi, ion aktivliyi məhsulu olan kalsium-oksalat və kalsium-
fosfatın təqribi dəyərləndirilməsi üçün zəruridir
6.
Sidik cövhəri, fosfat, natrium və kaliumun miqdarı pəhrizin göstəriciləridir.
Cədvəl 3-ə əsasən, sidiyin tərkibinin analizindən dəyərli
məlumatlar əldə etmək olar. Sidik cövhərinin sidikdəki miqdarına
(mmol/l) və sidiyin həcminə (litr) əsasən, qəbul edilmiş zülalın
miqdarını hesablamaq mümkündür. Natrium, kalium, kalsium, xlorid
və fosfatın ekskresiya miqdarına əsaslanaraq, qələvilərin tam
absorbsiyasını (mekv/gün) müəyyənləşdirmək olar. Kalsium-
oksalatın (indeks PA (CaOks)) və kalsium-fosfatın (indeks PA
(CaPh)) ion aktivliyi məhsulunun təqribi miqdarını o vaxt
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
12
müəyyənləşdirmək mümkündür ki, sidiyin həcmi, kalsium, oksalat,
sitrat, maqnezium və fosfatın ekskresiyası, pH səviyyəsi məlum
olsun.
Qanda kalsiumun miqdarı çox (2,6 mmol/l-dən artıq) olarsa,
qalxanabənzərətraf vəz hormonunun səviyyəsini təyin etməklə
hiperparatireozu istisna etmək mümkündür. Acqarına götürülmüş
səhər sidiyində pH-ın 5,8-dən yuxarı olmasına əsasən, natamam və
ya tam böyrək kanalçığı asidozunu ehtimal etmək olar.
Daşın tərkibi
Daşlar və ya onların qırıntıları tərkiblərinin müəyyən olunması
üçün analizdən keçməlidirlər. Daha çox üstünlük verilən müayinə
üsulları rentgen kristalloqrafiyası və infraqırmızı spektroskopiyadır.
Hər pasiyentin imkan daxilində heç olmasa bir daşı analiz
edilməlidir.
Əgər daşın tərkibi analiz edilməyibsə, onda onun tərkibi
haqqında nəticə çıxarmaq üçün digər müşahidələrə, məsələn, sistinə
görə keyfiyyət testləri – natrium-nitroprussid və ya Brand testinin
nəticələrinə; bakteriuriya və ya sidiyin əkilməsi testinə; sidik
çöküntüsündə struvit kristallarının və sistinin mövcudluğuna; qanda
sidik turşusunun səviyyəsinə (əgər sidik turşusu və ya urat daşlarına
şübhə yaranıbsa); sidiyin pH-ına (sidik turşusu daşları olan
pasiyentlərdə aşağı, infeksiyalaşmış daşlı pasiyentlərdə yuxarı), daşın
rentgenoqramına əsaslanmaq olar. Həmçinin, sutkalıq sidikdəki
duzların tərkibini müəyyənləşdirmək mümkündür.
Kimyəvi tərkibin əsas elementlərinə görə, daşları aşağıdakı
qruplara bölmək olar:
►
Rentgenkontrast – infeksiya ilə bağlılığı olmayan kalsium
tərkibli daşlar. Tərkibi: kalsium-oksalat monohidrat (KOM),
kalsium-oksalat dihidrat (KOD), karbonat- apatit (infeksiya
olmadıqda), kalsium-fosfat və bruşit.
►
Zəif rentgenpozitiv – sidik turşusu daşları/uratlar (UD).
Tərkibi: sidik turşusu, natrium-urat və ammonium-urat (qeyd
edilmiş kateqoriyadan olan daşlar KT vasitəsilə dəqiq
müəyyənləşdirilir).
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
13
Cədvəl 4. Metabolizmin dəyərləndirilməsi və müalicənin sonrakı
gedişinin tövsiyə olunan prinsipləri
Kateqoriya
Qan analizi
Sidik analizi
Profilaktika,
növbəti müşahidə
İD Qandakı kreatinin
Sidik kulturası,
Sidiyin рН-ı
HƏ
UD
Qandakı sidik
turşusu, qandakı
kreatinin
Sidikdəki urat,
Sidiyin рН-ı
HƏ
SD Qandakı kreatinin
Sidikdəki sistin,
Sidiyin рН-ı
HƏ
Di-0 HƏ
Sidiyin natamam
analizi
YOX
Di-q HƏ
HƏ
HƏ
Ry-0 HƏ
Sidiyin natamam
analizi
YOX
DQ HƏ
HƏ
HƏ
Rd-a HƏ
HƏ
HƏ
Risk HƏ
HƏ
HƏ
BÖYRƏKDAŞI XƏSTƏLİYİNİN
DİFERENSİAL DİAQNOSTİKASI
BDX zamanı böyrək sancılarının diferensial diaqnostikası bu
xəstəliklərlə aparıla bilər:
bağırsaq keçməzliyi
əzilmiş yırtıq
bağırsağın spastik vəziyyətləri
appendiksin iltihabı
kəskin xolesistit və pankreatit
mədə xorası və 12-barmaq bağırsağın örtülü perforasiyası
böyrək vərəmi
böyrək və böyrək ləyənlərinin şişi
növbəli hidronefroz
sidik axarları strikturaları
bel radikuliti tutması
sidik kisəsinin iltihabı
prostat vəzin iltihabı və s.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
14
BÖYRƏKDAŞI XƏSTƏLİYİNİN MÜALİCƏSİ
Müalicənin məqsədləri
►
Daşların çıxarılması yolu ilə urodinamikanın bərpa olunması.
►
Əhval-ruhiyyənin yaxşılaşması və əmək qabiliyyətinin bərpası.
►
Xəstəliyin ağırlaşmalarının profilaktikası.
►
Daşəmələgəlmə residivlərinin profilaktikası.
Xəstəxanaya yerləşdirmək üçün göstərişlər
►
Ambulator şəraitdə aparılması mümkün olmayan əlavə
müayinənin vacibliyi
►
Ambulator müalicənin effektiv olmaması
►
Operativ müalicəyə göstərişlər
►
Xəstəliyin residivləri və ya ağırlaşmaların yaranması.
BDX konservativ terapiyasına daxildir:
1.
Farmakoterapiya
2.
Dietoterapiya
3.
Fizioterapiya – remissiya fazasında, latent gediş zamanı
4.
Kurort-sanatoriya müalicəsi
5.
Fitoterapiya
Ağrının götürülməsi
Ağrısızlaşdırma aşağıdakı vasitələrlə həyata keçirilə bilər:
►
İƏQV (natrium-diklofenak və s.) (A)
►
Spazmolitiklər (baralgin və s.)
►
Analgetiklər (tramadol və s.) (C)
Daşların öz-özünə düşməsi ehtimal edilirsə, onda 50 mq
natrium-diklofenakın şam və ya həb şəklində gündə 2 dəfə (3-10
gün) təyin olunması sidik axarının ödeminin, residiv ağrının
əmələgəlmə riskini azalda bilər. Daşların çıxması və böyrəklərin
funksiyasının dəyərləndirilməsi müvafiq üsulların köməyi ilə təsdiq
edilməlidir. Düşmüş daşın (və ya daşların) analizdən keçirilməsi
vacibdir.
Əgər ağrının yüngülləşməsinə terapevtik vasitələrlə nail olmaq
mümkün deyilsə, onda yuxarı sidik yollarını sidik axarı kateteri,
stent, perkutan nefrostomiya yolu ilə drenaj etmək və daşı çıxarmaq
lazımdır.
15
DAŞLARIN ÇIXARILMASI
Daşların çıxarılmasına dair ümumi tövsiyələr
Daşların aktiv çıxarılması tələb olunan pasiyentlər müvafiq
prosedurun mümkün yanaşı gedən riskləri barədə xəbərdar
edilməlidir (C).
Daşın (10 mm-dən kiçik) ilk dəfə müəyyən edilməsi, klinik
gedişin tənzimlənməsi hallarında daşların xaric olunmasına köməklik
edən vasitələrin təyin edilməsi tövsiyə olunur (Dərmanla Qovucu
Müalicə – DQM) (A).
Daşları EZDL və URS vasitəsi ilə çıxarıla bilən xəstələrə bu
üsulları ilkin müalicə variantı kimi tətbiq etmək olar (A).
EZDL zamanı adi stentləşdirmə EZDL-in tərkib hissəsi kimi
tövsiyə edilmir (C).
Ağırlaşmamış URS zamanı stentləşdirmə vacib deyil (A).
Perkutan URS ayrı-ayrı hallarda ilkin terapiya kimi qəbul edilə
bilər (C).
Daşın çıxarılması üçün göstərişlər: - tez-tez təkrar olunan
obstruksiya; - daşın kifayət qədər mütəhərrik olmaması; - güclü,
zəifləməyən ağrı (C).
Daşların çıxarılması nəzərdə tutulmuş bütün pasiyentlərdə
bakteriuriya skrininqinin aparılması, antibiotiklərə qarşı həssaslığın
yoxlanması lazımdır. Əgər testin nəticələri bakteriuriyanı təsdiq
edirsə, yaxud sidik əkməsində bakteriya artımı aşkarlanıbsa və ya
infeksiyanın olmasına dair şübhə yaranıbsa, daşı çıxarmazdan əvvəl
antibiotiklərlə müalicəyə başlamaq vacibdir (C). Lakin sidiyin
böyrəkdən axını bərpa olunmamış antibiotik təyin etmək olmaz.
Əgər klinik əhəmiyyətli infeksiya və obstruksiya mövcuddursa, onda
aktiv müdaxilədən əvvəl drenaj prosedurları həyata keçirilməlidir
(bir neçə gün ərzində stent və ya perkutan nefrostomiya).
Daşın tam çıxarılması septik vəziyyət imkan verənədək təxirə
salınmalıdır (C).
Laparoskopik və ya açıq cərrahiyə üsulu o vaxt nəzərdən
keçirilməlidir ki, EZDL, URS və ya perkutan URS yetərli olmasın,
yaxud uğurlu keçəcəyi tərəddüd doğursun (C).
Qanaxma ilə müşayiət edilən pozuntulara və antikoaqulyantlarla
müalicəyə də diqqət yetirmək lazımdır. Salisil turşusu vasitələrilə
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
16
müalicəni daşı çıxarma prosedurundan 10 gün əvvəl dayandırmaq
vacibdir (B).
EZDL, PKL, URS və açıq cərrahi əməliyyat qan laxtalanması
pozğunluğu olan pasiyentlərə əks-göstərişdir.
EZDL, PKL hamilə qadınlara əks göstərişdir (C). URS və açıq
əməliyyat həyati göstəriş olduğu halda tətbiq oluna bilər. Hamiləlik
zamanı üstünlük verilən müalicə variantı sidik kisəsi-böyrək
stentindən və ya perkutan nefrostomiyadan istifadə edilməsidir.
Ürəyində elektron stimulyator olan pasiyentlərə EZDL
tətbiqindən əvvəl kardioloqla məsləhətləşmək tövsiyə edilir (C).
Daşların aktiv çıxarılmasına dair tövsiyələr
Daşın ölçüsü, yerləşməsi və forması müvafiq müalicə üsulunun
seçilməsinə öz təsirini göstərir. Ölçüləri 4 mm-i aşmayan daşların öz-
özünə düşməsinə 80% pasiyentlərdə rast gəlinir. Daşların diametri 7
mm-dən çox olduğu halda onların öz-özünə düşmə ehtimalı çox
azdır. Öz-özünə düşmənin ehtimalı daşın yerləşməsindən asılı olaraq,
sidik axarının proksimal hissəsində 25%, orta hissəsində 45% və
distal hissədə 70%-dir.
Çıxarılma adətən diametri 6-7 mm-dən yuxarı olan daşlar üçün
göstəriş sayılır və aşağıdakılar müşahidə edildikdə israrla tövsiyə
edilir:
►
Daşın düşməsinin aşağı ehtimalı və adekvat müalicəyə
baxmayaraq daimi ağrılar (B)
►
Böyrək funksiyası pozuntuları ilə davamlı obstruksiya
(obstruksiyanın infeksiya ilə birlikdə müşahidə olunması) (B)
►
Sidik yollarının infeksiyası
►
Kəskin piyelonefrit və/ və ya urosepsis riski (B)
►
İkitərəfli obstruksiya (B)
►
Yeganə böyrəyin obstruksiyası (B)
Yuxarıda göstərilən qrupa aid xəstələrin sidiyinin nefrostomiya
və ya stetntləşdirmə vasitəsi ilə kənarlaşdırılması minimum yol verilə
bilən proseduradır.
Açıq əməliyyatlara dair göstərişlər
►
daşların mürəkkəb yığılışı
►
EZDL, PKL ağırlaşmalarının və ya URS uğursuzluğunun
müalicəsi
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
17
►
böyrəkdaxili anomaliyalar: kasacıq divertikulunun daşları,
ləyən-sidik axarı seqmentinin strikturası (obstruksiyası)
►
həddindən artıq köklük
►
skeletin deformasiyaları
►
fəaliyyət göstərməyən aşağı seqment (parsial nefrektomiya),
fəaliyyət göstərməyən böyrək (nefrektomiya)
►
bağırsağı zədələmək təhlükəsi olarkən
►
köçürülmüş böyrəyin daşları
►
distopiya olunmuş böyrəyin daşları, perkutan nöqtələr və EZDL
çətin və ya qeyri-mümkün olarsa
►
həddindən artıq böyük daşlar zamanı sistolitotomiya
►
uşaqlarda böyük daşlar olarsa, yüngül cərrahi müdaxilə və yalnız
bir anestezioloji vasitə lazım gələrsə
►
birdəfəlik prosedura birdən çox perkutan vasitədən daha üstün
olarsa, minimal invaziv prosedurun uğursuzluğu zamanı
►
psixi sağlam olmayan pasiyentlərdə
►
yanaşı gedən açıq əməliyyatlar zamanı
Operativ üsullar
►
adi və genişləndirilmiş piyelolitotomiya
►
piyelonefrolitotomiya
►
anatrofik nefrolitotomiya
►
radial nefrolitotomiya
►
piyeloplastika
►
parsial nefrektomiya
►
daşın, sidik axarının reimplantasiyası ilə çıxarılması –
ureteroneosistostomiya
Sidik axarı daşlarının aktiv çıxarılması prinsipləri
Sidik axarının ayrı-ayrı hissələrindən müxtəlif kimyəvi tərkibli
daşların çıxarılmasına dair daha münasib üsullar cədvəl 5-də
göstərilib. Prosedurların nömrələnməsi (1, 2, 3 və 4) onların
tətbiqinin tövsiyə olunan ardıcıllığına uyğun gəlir. Tövsiyə edilən
alternativ 1 rəqəmi ilə qeyd olunub. Əgər iki prosedura eyni dərəcədə
faydalı hesab olunursa, onda onlar eyni rəqəmlə göstərilmişdir.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
18
Cədvəl 5. Sidik axarı daşlarının aktiv çıxarılması metodları
Sidik
axarının
proksimal hissəsi
yuxarı/3 daşı
Sidik axarının
orta hissəsi
orta/3 daşı
Sidik axarının
distal hissəsi
aşagı/3 daşı
Rentgen-
kontrast
daşlar
1. EZDL in situ (A)
2. EZDL
“itələmədən” sonra
(B)
3. Perkutan anteqrad
URS
4. URS +
dezinteqrasiya
1. EZDL in situ,
uzan. vəz. (B)
1. URS +
dezinteqrasiya (B)
2. SK/ v.d. kontrast +
EZDL
2. "İtələmə" + EZDL
3. Perkutan anteqrad
URS (B)
1. EZDL in situ (A)
1. URS +
dezinteqrasiya (A)
2. SK + EZDL
2. SK +
LİTOEKSTRAK-
SİYA
İnfeksi-
yalaşmış
daşlar
1. SK + AB +
EZDL in situ (A)
2. AB + EZDL
“itələmədən” sonra
(A)
3. AB + perkutan
anteqrad URS (A)
4. AB + URS +
dezinteqrasiya (A)
1. SK + AB + EZDL
in situ, uzan.vəz. (B)
1. AB + URS +
dezinteqrasiya (B)
2. AB + SK/ v.d.
kontrast + EZDL
2. AB + "İtələmə” +
EZDL (B)
3. AB + perkutan
anteqrad URS (B)
1. AB + EZDL in situ
(A)
1. AB + URS +
dezinteqrasiya (A)
2. AB + PN + EZDL
in situ (A)
2. AB + SK + EZDL
Sidik
turşusu
daşları
1. Stent + peroral
xemoliz (B)
2. EZDL in situ +
peroral xemoliz (B)
3. Perkutan anteqrad
URS (B)
4. URS +
dezinteqrasiya (B)
1. EZDL in situ,
uzan. vəz. (B)
1. URS +
dezinteqrasiya (B)
2. SK/ v.d. kontrast +
EZDL
2. "İtələmə"+ EZDL
2. Stent + peroral
xemoliz
3. Perkutan anteqrad
URS
1. EZDL in situ, v.d.
kontrast (B)
1. URS +
dezinteqrasiya (B)
2. SK + kontrast +
EZDL
3. PN + kontrast +
EZDL
Sistin daşları 1. EZDL in situ (B)
2. EZDL
“itələmədən” sonra
(B)
3. Perkutan anteqrad
URS (B)
4. URS +
dezinteqrasiya (B)
1. EZDL in situ,
uzan. vəz. (B)
1. URS +
dezinteqrasiya (B)
2. SK/ v.d. kontrast +
EZDL
2. "İtələmə" + EZDL
3. Perkutant anteqrad
URS
1. EZDL in situ (B)
1. URS +
dezinteqrasiya (B)
2. SK + EZDL
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
19
BDX-lərin istənilən formalarında aparılmış əməliyyatdan bir
müddət sonra böyrəkdə mikrosirkulyasiyanı yaxşılaşdıran dərman
vasitələrinin tətbiqini də bütün müalicə sxemlərində nəzərə almaq
lazımdır.
EZDL in situ vasitəsilə müalicə zamanı tez-tez bir neçə
litotripsiya seansının həyata keçirilməsinə ehtiyac yaranır. Böyük və
möhkəm daşlar əksər hallarda təkrar prosedurların aparılmasını tələb
edir. Çətin vəziyyətlərdə daha uğurlu nəticə almaq üçün daşı yuxarı –
böyrəyə itələmək, yaxud da onun ətrafındakı sidik yollarını drenaj
etmək mümkündür.
Sidik turşusundan ibarət, lakin tərkibi natrium-urat və ya
ammonium-urat olmayan daşları əritmək üçün xemolitik vasitələrdən
(SİTRATLAR!) peroral istifadə etmək olar. Litoliz ayrı-ayrı hallarda
– infeksiya olduqda, sidik turşusu, sistin və təmiz kalsium-fosfat
daşları zamanı məqsədəuyğundur.
Minimal invaziv üsulunun uğursuz tətbiqi zamanı açıq cərrahi
əməliyyat tələb oluna bilər. Endoskopik əməliyyat açıq əməliyyatın
minimal invaziv alternativini əks etdirir.
Sidik axarındakı, xüsusilə də, onun aşağı hissəsindəki daşı xaric
etmək üçün, EZDL və URS həm ayrılıqda monoterapiya şəklində,
həm də biri digərinin əlavəsi kimi tətbiq oluna bilər.
Böyrək daşlarının aktiv çıxarılması prinsipləri
EZDL tətbiqinin uğurluluğu həm də konkrementin həcmindən
asılıdır. Böyük daşlar daha çox litotripsiya seansları tələb edir.
Cədvəl 6. Böyrək daşlarının aktiv çıxarılması prinsipləri
Böyrək daşları
≤ 20 mm
Böyrək daşları
≥ 20 mm
Tam və ya qismən
mərcanvari daşlar
Rentgen-
kontrast
daşlar
1. EZDL (А)
2. PKL (А)
1. PKL (B)
2. EZDL stentli(siz)
(B)
3. PKL + EZDL (B)
1. PKL (А)
2. PKL + EZDL (А)
3. EZDL + PKL (А)
4. Açıq cərrahi əməliyyat (C)
İnfeksiyalı
daşlar
1. AB+ EZDL (B)
2. AB + PKL (B)
1. AB + PKL (B)
2. AB + EZDL
stentli(siz) (B)
3. AB + PKL +
EZDL (B)
1. AB + PKL (А)
2. AB + PKL + EZDL (А)
3. AB + EZDL + PKL (А)
4. AB + açıq cərrahi
əməliyyat (Standart)
5. AB + EZDL + xemoliz (В)
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
20
Sidik
turşusu
daşları
1. Peroral xemoliz
(B)
2. Stent + EZDL
+ peroral xemoliz
(B)
3. Perkutan
anteqrad URS
4. URS +
dezinteqrasiya
1. Peroral xemoliz
(B)
2. Stent + EZDL +
peroral xemoliz
(B)
1. PKL (A)
2. PKL + EZDL (A)
2. PKL/EZDL+ peroral
xemoliz (A)
3. EZDL + PKL (A)
4. Açıq cərrahi əməliyyat
(C)
Sistin
daşları
1. EZDL (B)
2. PKL (B)
3. Açıq və ya
video-endoskopik
cərrahi əməliyyat
1. PKL (B)
2. PKL + EZDL
(B)
3. PKL + elast.
nefroskopiya (B)
1. PKL (B)
2. PKL + EZDL (B)
3. EZDL + PKL (B)
4. Açıq cərrahi əməliyyat
(C)
Rezidual fraqmentlər, daha dəqiq desək, klinik əhəmiyyəti
olmayan rezidual fraqmentlər (KƏRF) tez-tez böyrək daşlarının
EZDL-indən sonra yaranır. Kasa-ləyən bucağı iti olan halda
(90 dərəcədən az) aşağı kasada fraqmentlərə daha tez-tez rast gəlinir.
Aşağı qütbün rezeksiyası alternativ sayılır və rezidual fraqmentlər
yaranarsa, eləcə də parenxima fəaliyyət göstərməzsə, bunu nəzərə almaq
lazımdır. Litoliz maqnezium-ammonium-fosfat, karbonat-apatit, sidik
turşusu, sistin, bruşit tərkibli daş fraqmentlərinin kənarlaşdırılması üçün
alternativ üsul sayılır. Litoliz zamanı müvafiq AB təyin etmək,
həmçinin, nefrostomiya üçün iki dəriüstü kateterdən istifadə edərkən,
yüksək intrarenal təzyiqə və sızmaya yol verməmək lazımdır. Yuxarı və
orta kasalardakı fraqmentləri URS-nin köməyi və kontakt
dezinteqrasiya üsulu ilə çıxarmaq olar.
Diametri 20 mm-dən çox olan daşlar üçün EZDL-ə qədər
double-J (JJ) stentindən istifadə tövsiyə olunur ki, sidik axarında daş
fraqmenti yığımı (daş cığırı) yaranmasın.
Bruşit və kalsium-oksalat monohidratından ibarət daşlar xüsusi
möhkəmlikləri ilə fərqlənir. Ona görə də daşlar böyük ölçülü olarsa,
onların perkutan yolla xaric edilməsinə üstünlük vermək olar. Daşın
forma və ölçülərindən, parenximanın vəziyyətindən asılı olaraq, cərrahi
müdaxilə də istisna olunmur.
Sistin daşları iki növ olur: EZDL-in təsirindən çətin və asan
parçalanan. Böyük ölçülü EZDL-rezistent daşlar üçün litotripsiya ilə və
ya onsuz perkutan nefrolitotomiya effektiv çıxarılma üçün ən yaxşı
alternativ sayılır.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
21
Qeyd etmək lazımdır ki, hətta ölçücə böyük olmayan və kasada
yerləşən daşlar belə xeyli dərəcədə ağrı və diskomfort yaradır. Müəyyən
vəziyyətlərdə kasacığın boynunun genişləndirilməsi zəruri ola bilər.
Tam və ya qismən mərcanvari daşlar
Böyük olmayan mərcanvari daşları və genişlənməmiş
kasacıqləyən sistemi olan pasiyentlərə alternativ müalicə kimi stent
istifadəsi ilə çoxsaylı EZDL seansları məsləhət görülür. Kontrlateral
böyrək sağlam olarsa və daşı olan böyrəyin fəaliyyətsizliyi qeydə
alınarsa, bu zaman nefrektomiya məqsədəuyğun sayıla bilər. Belə
hallarda infeksiya, sistin, sidik turşusu və kalsium-fosfat daşları
olarsa, EZDL və xemolizin (o cümlədən SİTRATLAR!)
kombinasiyalı istifadəsi faydalı ola bilər.
Qeyri-üzvi fosforun sidiklə bol miqdarda ekskresiyası, çox vaxt
idiopatik kalsiuriya ilə müşayiət olunan sidiyin qələvi reaksiyası –
bir çox xəstələrdə mərcanvari daşların əmələ gəlməsi və tez-tez baş
verən residivlərin əsas səbəbləridir.
XÜSUSİ PROBLEMLƏRİN HƏLL EDİLMƏSİ
Kasanın divertikulundakı daşları EZDL, PKL (mümkün olarsa)
və ya retroqrad ureteroskopiyanın köməyi ilə çıxarmaq olar.
Divertikullardan daşların çıxarılmasının əlavə metodu video-
endoskopik retroperitoneal cərrahi əməliyyatdır. Divertikul və kasa-
ləyən sistemi arasında cüzi əlaqə yaranarsa, parçalanmış daşlar
əvvəlki vəziyyətində qalır. Bu cür pasiyentlərdə daş parçalanmasının
ilk seansından sonra ağrı keçə bilər.
Nalvari böyrək daşlarının müalicəsini yuxarıda göstərilən
prinsiplərə uyğun aparmaq olar. Lakin qeyd olunmalıdır ki, daşın ön
mövqedə yerləşməsi ilə əlaqədar, zərbə dalğalarını qarın tərəfdən
yönəltmək lazım gəlir.
Köçürülmüş böyrəyin daşlarını çıxarmaq üçün EZDL və ya PKL
məsləhət görülür. Çanaqda yerləşmiş böyrək üçün EZDL və ya
video-endoskopik laparoskopik cərrahi əməliyyat tövsiyə edilir.
EZDL, PKL və ya açıq cərrahi əməliyyatı artıq çəkili pasiyentlərə
tətbiq etmək olar. Ortopik sidik kisəsində yaranan daşlar,
sidikburaxmanı nəzarətdə saxlaya bilən xəstələrdə ciddi problemlər
yaradır. Bu kateqoriyadan olan xəstələrə endoskopiya ilə
sistolitotripsiya tətbiq etmək məqsədəuyğundur.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
22
LSS (ləyən-sidik axarı seqmenti) obstruksiyası olan
pasiyentlərdə daşları sidik axını pozuntusunun korreksiyası ilə eyni
zamanda, ya da perkutan endopiyelotomiya və ya açıq rekonstruktiv
cərrahi əməliyyat vasitəsilə kənarlaşdırmaq olar. Daşların ləyən-sidik
axarı kəsiyinə düşməməyi şərti ilə transureteral endopiyelotomiyanı
daha bir alternativ üsul kimi dəyərləndirmək olar.
Lakin bu problemlərin həlli ilə bağlı birmənalı göstərişlər
vermək mümkün deyil. Daş nəticəsində yaranmış hər bir problem,
fərdi və konkret cəhətlər nəzərə alınmaqla, ayrılıqda nəzərdən
keçirilməli və həll edilməlidir.
Rezidual fraqmentlər
Bəzi rezidual fraqmentlər yeni daşların yaranma mənbəyinə
çevrilə bilər, lakin bu həmişə belə olmur. Rezidual fraqmentləri və ya
daşları olan pasiyentlər xəstəliyin gedişinin monitorinqi məqsədilə
vaxtaşırı müayinədən keçməlidirlər.
Biokimyəvi risk amillərinin müəyyənləşdirilməsi və
daşəmələgəlmənin müvafiq profilaktikası rezidual fraqmenti və ya
daşı olan pasiyentlərə xüsusi göstəriş hesab edilə bilər. Bu qrupa aid
olan xəstələrdə obstruksiyanı diqqət mərkəzində saxlamaq, meydana
çıxdıqda onu aradan qaldırmaq, digər hallarda isə mövcud
simptomları aradan qaldırmaq üçün müvafiq müalicəvi tədbirlər
həyata keçirmək lazımdır. Daşları öz-özünə düşməyə meylli olmayan
pasiyentlərdə daşın ölçülərinə və lokalizasiyasına müvafiq olaraq
müalicə aparmaq lazımdır.
Daş cığırı
Sidik axarındakı fraqmentlərdən ibarət uzunsov yığıntı, sidik
qumunun toplanması nəticəsində yaranır və müəyyən vaxt dövrü
ərzində keçib getmir, nəticədə sidik axınına mane olur. EZDL
vasitəsilə böyrəklərdə iri daşların parçalanmasından əvvəl double-J
stentin geniş tətbiq olunması ilə əlaqədar belə ağırlaşmaların sayı
azalmışdır. İnfeksiya əlamətləri olan bütün pasiyentlərə antibakterial
vasitələr təyin edilməli və mümkün qədər qısa zaman ərzində
adekvat drenaj təmin olunmalıdır.
Perkutan nefrostomiya (PN) zamanı kateterin daxil edilməsi
adətən fraqmentlərin toplanmasına şərait yaradır. Fraqmentlərin
distal yerləşməsi zamanı daşın aparıcı fraqmentinin kontakt
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
23
parçalama yolu ilə çıxarılması üçün URS faydalı ola bilər. Daşı və
yaxud onun fraqmentlərini tezliklə kənarlaşdırmaq məqsədilə alfa-
adrenoblokatorların tətbiqi tövsiyə olunur.
Cədvəl 7. Daş cığırının çıxarılmasına dair tövsiyələr
Obstruksiyasız Obstruksiyalı
Proksimal daş
EZDL
PN
Stent
EZDL
Sidik axarının orta hissəsinin
daşı
EZDL
PN
Stent
EZDL
Distal daş
EZDL
URS
PN
Stent
URS
KALSİUM DAŞLARI OLAN PASİYENTLƏRDƏ
PROFİLAKTİKA
Kalsium daşları olan pasiyentlərin profilaktik müalicəsini
konservativ üsullardan (su rejimi, pəhriz və s.) başlamaq lazımdır.
Müvafiq tövsiyələr uğursuzluqla nəticələnərsə, onda farmakoloji
müalicəyə keçmək mümkündür. Pasiyentlər çoxlu maye qəbul
etməlidirlər. Bu məsləhət daşın tərkibindən asılı olmayaraq effektiv
hesab olunur. Belə olan halda, gün ərzində ifraz olunan sidiyin həcmi
2000 ml-dən artıq olmalıdır, lakin orqanizmin su ilə doyma səviyyəsi
nəzarət altında saxlanmalıdır. Maye qəbulu gün ərzində bərabər
bölünməli, böyrəkdən kənar maye itkilərinə xüsusi diqqət yetirilməlidir.
Balanslaşdırılmış, bütün qida qruplarından olan məhsullardan
istifadə edilən pəhriz məsləhət görülür. Eyni qida məhsulundan çox
istifadə etmək məqsədəuyğun sayılmır. Meyvə və tərəvəzlərin tərkibi
bitki lifləri ilə zəngin olduğu üçün onlara üstünlük verilməlidir.
Lakin ehtiyatlı olmaq, oksalatla zəngin meyvə və tərəvəzləri rasiona
daxil etməmək lazımdır. Buğda kəpəyində çoxlu oksalat var, ona
görə onun qəbulunu məhdudlaşdırmaq tövsiyə edilir. Ümumiyyətlə,
oksalatla zəngin məhsulların qəbulu daim məhdudlaşdırılmalıdır. Bu,
sidiklə oksalat ifrazı miqdarı yüksək olan pasiyentlər üçün xüsusilə
böyük əhəmiyyət kəsb edir. İspanaq, kakao, çay, qoz və fındıq
oksalatla zəngin qida məhsullarıdır.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
24
Heyvan mənşəli zülalların qəbulunu gün ərzində 150 q-dək
məhdudlaşdırmaq tövsiyə edilir. Kalsiumun minimal gündəlik qəbulu
800 mq təşkil edir. Bağırsaq hiperoksaluriyası vəziyyətləri istisna
olmaqla, qida vasitəsilə əlavə kalsium qəbul etmək tövsiyə olunmur.
Kalsium-oksalat hiperurikozuriyasından əziyyət çəkən, həmçinin
sidik turşusu daşları olan pasiyentlər sidik turşusu ilə zəngin qida
məhsullarının qəbulunu məhdudlaşdırmalıdırlar. Sidik turşusunun
qəbulu gün ərzində 500 mq-ı aşmamalıdır. Tərkibində sidik turşusu
olan məhsullar bunlardır: dana qaraciyəri, böyrəkləri, ev quşlarının
dərisi, siyənək, ançous, şprot balıqları.
Cədvəl 8. Kalsium daşları olan pasiyentlərin farmakoloji müalicəsi
Patogenetik amillər
Tövsiyə olunan
müalicə
Bəzən
faydalıdır
Qeyd
Hiperkalsiuriya
Tiazid diuretiklər (A)
Tiazid diuretiklər +
maqnezium
Qələvi sitratlar (A)
Ortofosfat-
lar (D)
Kalium əlavələrini
tiazidlərlə birlikdə
vermək tövsiyə
edilir
Hiperoksaluriya
(normadan bir qədər
artıq)
Qələvi sitratlar
Hiperoksaluriya
(bağırsaq)
Qələvi sitratlar
Hiperoksaluriya
(birincili)
Piridoksin (Vit B
6
) (B)
Qələvi sitratlar
Ortofosfat-
lar
Bu cür pasiyentlərə
həmin xəstəliyin
müalicəsində
təcrübəsi olan
mütəxəssislər
baxmalıdır
Hipositraturiya
Qələvi sitratlar
Böyrək-kanalcıq
asidozu
Qələvi sitratlar
Bruşit daşları
Tiazid diuretiklər +
maqnezium
Qələvi sitratlar
Kalium
əlavələrini
tiazidlərlə vermək
lazımdır
Hiperurikozurik
CaOks daşları
Allopurinol (B)
Benzbromaron
Aşağı düşmüş
inhibitor aktivliyi
Qələvi sitratlar
Normadan
yayınmanın olmaması
Qələvi sitratlar
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
25
Maqnezium duzları ilə monoterapiya şəklində müalicə tövsiyə
edilmir. Nə sellüloza fosfatı, nə də natrium-fosfat kalsium daşları
residivlərinin əmələ gəlməsinin qarşısının alınmasında rol oynamır.
Həmçinin, sintetik və ya yarımsintetik qlikozaminoqlikanın tətbiqi də
yersiz hesab edilir.
Sidik turşusu daşları olan pasiyentlərin tövsiyə edilən
farmakoloji müalicəsi
Etiopatogenetik terapiyanın məqsədləri:
►
Daşəmələgəlmə residivinin profilaktikası
►
Konkrement artımının profilaktikası
►
Daşların əridilməsi (litoliz)
BDX zamanı pilləli etiopatogenetik terapiya mümkündür:
pəhrizlə müalicənin effektsiz olduğu halda əlavə dərman vasitələri
təyin etmək lazımdır.
Müalicə kursu bir qayda olaraq 1 ay təşkil edir. Nəticələrdən
asılı olaraq müalicə bərpa oluna bilər.
Sidik turşusu daşlarının əmələ gəlməsinin qarşısı, həmçinin
çoxlu miqdarda maye qəbul edilməsi ilə alına bilər (B).
Qələviləşdirmənin fundamental əhəmiyyəti vardır
(SİTRATLAR!). Bu zaman gündə 2-3 dəfə 3-7 mmol kalium-sitrat
və ya 9 mmol kalium-natrium-sitrat təyin etmək olar (B). Əgər sidik
turşusunun qanda və ya sidikdə miqdarı çox olarsa, gündə 300 mq
allopurinol təyin etmək lazımdır (B) və ya gündə 20 mq
benzbromaron, dozanı tədricən artırmaqla, 1 ay ərzində verilməlidir.
Sidik turşusu tərkibli daşları əritmək üçün artırılmış maye
qəbulu rejimini, gündə 3 dəfə 6-10 mmol kalium-sitrat və ya 9-18
mmol kalium-natrium-sitrat qəbulu ilə və hətta sidik turşusunun
qanda və sidikdəki miqdarı normal olduqda belə, 300 mq
allopurinolla kombinasiya etmək olar. (B)
Qanda sidik turşusunun miqdarının artması onun sintezinin
yüksək sürəti, yumaqcıqlardan filtrasiyanın azalması, kanal
reabsorbsiyasının güclənməsi və ya sidik turşusunun sekresiyasının
aşağı düşməsi ilə əlaqədar ola bilər. Qanda sidik turşusunun
artmasına az miqdarda salisilatlar, diuretiklər, xörək duzu, kalsium
dərman vasitələri və atropin sulfat qəbulu, diurezin azalması,
psixoemosional streslər, toxumaların hipoksiyası, katexolaminlərin
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
26
səviyyəsinin yüksəlməsi səbəb ola bilər. Sidik turşusunun qanda
miqdarının azalmasına natrium-diklofenak təsir göstərir.
Sistin daşları olan pasiyentlərin tövsiyə edilən farmakoloji
müalicəsi
Maye qəbulunun artması nəticəsində gün ərzində xaric olan
sidiyin miqdarı 3000 ml-dən çox olmalıdır. Buna nail olmaq üçün
hər saat minimum 150 ml maye qəbul edilməlidir. Sidiyin qələviliyi
o həddə çatmalıdır ki, pH səviyyəsi 7,5-dən yuxarı olsun. Bu
məqsədə nail olmaq üçün isə gündə 2-3 dəfə 3-10 mmol kalium-sitrat
qəbul edilməlidir (B). Sistinin gündəlik ekskresiyası 3-3,5 mmol-dan
aşağı olan pasiyentlərə 3-5 q askorbin turşusu təyin etmək faydalıdır.
Sistinin daha çox miqdarda ekskresiyası zamanı Tiopril (gündə 250-
2000 mq) və ya Kaptopril (75-150 mq/gün) təyin etmək zəruridir
(B). Bu zaman mütləq AT-yə nəzarət həyata keçirilməlidir. Sağlam
insan gün ərzində sidik vasitəsilə 40-80 mq sistin ifraz edir.
Sistinuriya bir qayda olaraq, hiposistinemiya və hiperurikemiya
fonunda özünü göstərir.
İnfeksiyalaşmış daşları olan pasiyentlərin tövsiyə edilən
farmakoloji müalicəsi
Yaranma səbəbi ureaza əmələ gətirən mikroorqanizmlər olan
maqnezium-ammonium-fosfat və karbonat-apatit tərkibli daşları olan
pasiyentlərdə, imkan daxilində daşın cərrahi yolla tam çıxarılması
göstərişdir. Antibiotiklər təyin edərkən isə həssaslığı nəzərə almaq
lazımdır, bu zaman infeksiya tam məhv edilənədək (6 ayadək)
uzunmüddətli müalicə kursu məsləhət görülür. Sutkada 2-3 dəfə 1 q
dozada ammonium-xloridlə və ya 2-3 dəfə 500 mq metioninlə
turşulaşdırma faydalı ola bilər.
Eləcə də bitki mənşəli diuretiklərin dəmləmələri (tinkturalar),
seliyin, məhv olmuş hüceyrələrin epitellərinin çıxarılmasına şərait
yaradan, antiseptik, litolitik, mikrob əleyhinə, iltihab əleyhinə və
selik həll edən təsirə malik preparatlar (Siston (Cystone) 2 tab.,
gündə 2-3 dəfə) effektli sayılır. Bu preparatları hamilə qadınların da
qəbul etməsinə icazə verilir (A).
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
27
KLİNİK VƏ ƏMƏK PROQNOZU
Əmək qabiliyyətinin müvəqqəti itirilməsinin ən az davam etmə
müddəti, ölçüləri böyük olmayan və böyrək sancısı zamanı öz-özünə
kənarlaşan konkrementlərdə qeydə alınır. BDX-dən əziyyət çəkən
pasiyentlərin əmək qabiliyyətinin bərpa olunması meyarları
bunlardır: xəstənin ümumi halının yaxşılaşması, sidik axınının bərpa
olunması, sidik analizlərinin və qanda leykosit miqdarının
normallaşması, piyelonefritin kəskinləşməsi əlamətlərinin olmaması.
Residiv daşəmələgəlmənin profilaktikasında daşəmələgəlməyə zəmin
yaradan şərtlərin aradan qaldırılması böyük əhəmiyyət kəsb edir.
Qeyd etmək lazımdır ki, təkcə xəstəliklər və sidik-cinsiyyət sistemi
anomaliyaları deyil, həmçinin piyelonefritin kəskinləşməsinə şərait
yaranmaması üçün əlverişsiz və ağır əmək şəraitinin aradan
qaldırılması da diqqət mərkəzində saxlanılmalıdır. Ümumi
dispanserizasiya, xəstəliyin erkən aşkarlanması və müalicəsi
xəstəliyin profilaktikasında və BDX zamanı əlilliyin aşağı
düşməsində mühüm rol oynayır.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
28
Ədəbiyyat:
1.
Guideline for the management of ureteral calculi/ EAU/AUA
Nephrolithiasis Guideline Panel. American Urological
Association Education and Research, Inc., European Association
of Urology. - 2007. - 61 p.
2.
Tiselius HG. Guidelines on urolithiasis / HG. Tiselius, P. Alken,
C. Buck, M. Gallucci, T. Knoll, K . Sarica, C. Turk; European
Association of Urology (EAU). - Arnhem, The Netherlands,
2008. - 128 p.
3.
Алиев Р.А. Комплексное лечение мочекаменной болезни
осложнённой почечной недостаточностью: Автореф. дисс /
канд. мед. наук. Р.А. Алиев.- М,1987.
4.
Горбачёв
А.Г.
Врачебно-трудовая
экспертиза
при
урологических заболеваниях. - Л.: Медицина, 1986.
5.
Дасаева Л.А. Применение цистона и диуресса для
разрушения
бессимптомных
камней
у
больных
нефролитиазом / Л.А Дасаева, С.Н. Шатохина, Е.М.Шилов
//Нефрология и диализ. - 2003. - т.5, № 3
6.
Исмаилов И.К. Морфологические и функциональные
изменения
мочевого
пузыря
при
некоторых
неспецифических воспалительных заболеваниях почек:
Дисcертация/канд. мед. наук И.К. Исмаилов. - Баку, 2002.
7.
Рациональная фармакотерапия в урологии: Рук. для
практикующих врачей / Н.А.Лопаткин, Т.С. Перепанова,
С.Н. Алленов, Ю.Г. Аляев и др.; Под общ. ред. Н.А.
Лопаткина, Т.С. Перепановой. - М.: Литтерра, 2006.
8.
Тикстинский О.Л., Александров В.П. Мочекаменная болезнь.
- СПб.: Издательство "Питер", 2000
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
Klinik
protokolla
baðlý
t?klif
v?
Az?rbaycan Respublikasý S?hiyy? Nazirliy
S?hiyy? v? Ýslahatlar M?rk?zin? gönd?r? bil?rsiniz.
Ünvan: Baký, H.Z?rdabi küç., 96
Tel:
431 -60-88
Faks:
430 -52-85
Email: office@isim.az
iradlarýnýzý
inin Ýctimai
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
Document Outline - Рисунок1.jpg
- 40 Boyrek dasi xesteliyi A5.doc
- arxa sehife A5.pdf
Dostları ilə paylaş: |