Azərbaycan Respublikası Səhiyyə Nazirliyinin Kollegiyasının "01" iyul 2013-cü IL tarixli

2. Elektron xidmətin göstərilməsinin həyata keçirilməsi

2.1. Elektron xidmətin növü: interaktiv

2.2. Elektronxidmət üzrə ödəniş: ödənişsiz

2.3. Elektron xidmətin istifadəçiləri: fiziki şəxslər

2.4. Elektron xidmətin təqdim olunma yeri: http://www.health.gov.az; http://www.e-gov.az

2.5. Elektron xidmət barədə məlumatlandırma:

İnternet ünvanı: http://www.health.gov.az; http://www.e-gov.az.

Elektron poçt: [e-mail].

Telefon [phone]

2.6. Elektron xidmətin göstərilməsi üçün tələb olunan sənədlər və onların təqdim olunma forması:

2.6.1. Elektron xidmətin göstərilməsi üçün tələb olunan sənədlər dövlət orqanlarının informasiya ehtiyatında olduqda:

2.6.1.1. Azərbaycan Respublikasının vətəndaşı olduqda, şəxsiyyət vəsiqəsinin nömrəsini və pin kodunu, əcnəbi və ya vətəndaşlığı olmayan şəxs olduqda isə şəxsiyyət təsdiq edən sənədin nömrəsi.

2.6.2. Elektron xidmətin göstərilməsi üçün tələb olunan məlumatlar və sənədlər dövlət orqanlarının informasiya ehtiyatında olmadıqda:

2.6.2.1. Vahid forma üzrə ərizə (əlavə olunur);

2.6.2.2. Tərcümeyi-hal;

2.6.2.3. Ali təhsil haqqında sənədin (diplomunun) (xarici dövlətlərin ali təhsil sahəsində ixtisasları Azərbaycan Respublikasında ekvivalentliyi müəyyən edilməklə (nostrifikasiya olunmaqla), işə buraxılma haqqında şəhadətnamə də daxil olmaqla) elektron formada surəti;

2.6.2.4. İxtisaslaşma haqqında sənədin elektron formada surəti(olduğu halda);

2.6.2.5. Sertifikasiya şəhadətnaməsinin elektron formada surəti (sertifikasiyadan keçməkdən qanunvericiliklə nəzərdə tutulmuş azad olma halları istisna olmaqla);

2.6.2.6. Əmək kitabçasının notarial qaydasında və ya kadrlar xidməti tərəfindən təsdiq olunmaqla elektron formada surəti (ilk dəfə əmək fəaliyyətinə başlayanlar istisna olmaqla);

2.6.2.7. Sağlamlıq barədə ərazi poliklinikası tərəfindən verilən arayışın elektron formada surəti;

Qeyd: Əmək kitabçasının notarial qaydada və ya kadrlar xidməti tərəfindən təsdiq olunmuş surəti “İmtahana buraxılış vərəqəsi”nin verilməsi zamanı Səhiyyə Nazirliyinin məsul əməkdaşına təqdim olunur.