Nəticə və təkliflər ............................................................................................ 58
İstifadə edilmiş ədəbiyyatlar .......................................................................... 61
Giriş
Mövzunun aktuallığı- Hər il miyonlarla insanın səyahət etmək istəyənlər sırasına qoşulması turizmin daha da geniş yayılmağa başlamasına səbəb olmuşdur. Turizmin insanların vərdiş etdikləri həyati təlabatını ödəmək üçün əsas vasitələrdən birinə çevrildiyini görmək mümkündür. Ümumiyyətlə səyahət anlayışı turizm anlayışından fərqlənir. Səyahət məcburi xarakter daşımadan səyahət edənin bir ildən çox olmayaraq könüllü şəkildə hər hansısa bir yerə səfəri zamanı turizm adlana bilər.
Turizmin ölkələrdə inkişafı, onunnla birbaşa əlaqəsi olmayan digər qeyri-turizm sahələrinin inkişafına səbəb olduğu uçun bu sahənin inkişaf etdirilməsi beynəlxalq turizm rəaqbətinin yaranmasına şərait yaradır. Gəlir əldə etmə gücünə görə yüksək potensiala malik olan bu sahəyə investisyaların miqdarında son dövrlərdə daha yüksək artım müşahidə olunur.
Azərbaycan Respublikasında da qeyri-neft sektorunun inkişaf etdirilməsi kimi turizmin inkişaf etdirilməsi əsas prioritetlərdən sayılır. Gələcək illər üçün bu sektorun inkişaf etdirilərək əsas gəlir mənbəyi kimi formalaşdırılmasında görüləcək dövlət tədbirləri mühüm rol oynayacaqdır. Turizmin inkişaf etdirilməsi üçün regionlarda mövcud ifrastrukturların yenilənməsi, tələblərə uyğun olaraq müasir formalı turizm infrastrukturlarının yaradılması, bu sahələrə investisyaların cəlb edilməsi və dövlət siyasətinin təkminləşdirilməsi əsas məsələlərdən sayılır. Qeyd olunan bu məsələlər diplom işi mövzusunun aktuallığını sübut edir.
