Terminologiya YaIM – mamlakat hududida iqtisodiyotning barcha tarmoqlarida bir yil mobaynida ishlab chiqarilgan barcha pirovard tovarlar va xizmatlarning bozor qiymatini aks ettiradigan makroiqtisodiy ko’rsatkich. YaIM deflyatori – YaIM dinamikasi va inflyatsiya sur’atini tavsiflovchi narx indeksi. U muayyan davrda xizmatlar va tovarlar uchun narxlarning umumiy darajasini o’lchash uchun mo’ljallangan. Iste’mol narxlari indeksi – iqtisodiyotda inflyatsiya darajasi ko’rsatkichi, o’tgan davrga nisbatan tovarlar va xizmatlar uchun narxlarning dinamikasini aks ettiradi. Davlat byudjeti profitsiti –muayyan davr uchun O’zbekiston Respublikasi Davlat byudjeti daromadlarining uning xarajatlaridan ortiqligi.
