Andijon davlat tibbiyot instituti «kelishildi»

5A510115 SOG‘LIQNI SAQLASHNI BOSHQARISH VA JAMOAT

SOG‘LIG‘INI SAQLASH.
Tuzuvchi: M.X.Solieva - ADTI Jamoat salomatligi kafedrasi mudiri, dotsent, t.f.n.

Taqrizchi: S.M.Babich - ADTI Jamoat salomatligi kafedrasi kafedrasi dotsenti, t.f.n.

KIRISH

Mazkur dastur O‘zbekiston Respublikasi Oliy o‘quv yurtlari magistraturasiga qabul qilish Nizomiga asosan tuzilgan bo‘lib, 5510100 – Davolash ishi, 5510200 – Pediatriya ishi bakalavriat ta’lim yo‘nalishi negizidagi 5A510115 “Sog‘liqni saqlashni boshqarish (Jamoat salomatligi va sog‘liqni saqlashni boshqarish)” mutaxassisligi bo‘yicha magistrlarning tayyorgarlik darajasi va zaruriy bilimlar va amaliy ko‘nikmalarni, ijodiy ishlash qobiliyatlarini, fikrlash darajasini aniqlashga qaratilgan.

Magistratura oliy ta’limning yuqori bosqichi bo‘lib, talabalarni ilmiy, pedagogik va ijodiy (amaliy) faoliyatlarga yo‘naltirishga qaratilgan. Shu sababdan “Sog‘liqni saqlashni boshqarish (Jamoat salomatligi va sog‘liqni saqlashni boshqarish)” mutaxassisligi bo‘yicha magistraturaga kiruvchilar tahliliy va tanqidiy fikrlash, mustaqil ilmiy tadqiqot, ijodiy ishlarni olib borish va har bir ishga ijodiy yondashish qobiliyatiga ega bo‘lishi lozim. Dasturdan o‘rin egallagan bilimlar va mavzular “Sog‘liqni saqlashni boshqarish (Jamoat salomatligi va sog‘liqni saqlashni boshqarish)” ta’lim yo‘nalishiga oid barcha asosiy fanlarni qamrab olgan.
ASOSIY QISM:

Umummetodologik fanlar bloki, umummutaxassislikning integrallashgan kursi va ilmiy faoliyatning zaruriy mazmuni 5510100 – “Davolash ishi, 5140900 – Kasbiy ta’lim, 5720300 – Tibbiy-profilaktika ishi, 5720200 – Pediatriya ishi, 5720400 – Stomatologiya ishi bakalavriat ta’lim yo‘nalishi negizidagi mutaxassisliklar bo‘yicha magistrlarning tayyorgarlik darajasi va zaruriy bilimlar mazmuniga qo‘yiladigan umumiy talablar” Davlat ta’lim standartida keltirilgan.