ENERJİ (energy) – 1) Materiyanın əsas xassələrindən biri – onun hərəkət ölçüsü, materiyanın işıq, istilik, elektrik, mexaniki hərəkət və s. şəklində olan hərəkət ehtiyatı; 2) Qətiyyət, inad, coşğunluq, qüvvət, yaradıcılıq səyinin ifadəsi və s.
ENLİ LENT (wide tape) – Kino istehsalında işlənən, tərkibində gümüş olan təsviri uzun müddət keyfiyyətli saxlaya bilən 35 mm-lik lent.
EN-Tİ-Sİ (NTSC – National Television Standards Committee) – ABŞ-da qəbul olunmuş və bir sıra digər ölkələrə (Yaponiya və s.) uyğunlaşdırılmış 525 sətir, 60 Hs göstəricisinə malik video standart.
