BRAUZER (browser) – Kompüterdə WWW ilə qarşılıqlı əlaqədə olaraq, şəbəkədən müxtəlif sənədlərin alınmasına, onlara baxış keçirilməsinə və məzmunun redaktə edilməsinə imkan verən tətbiqi proqram. B. tərkibində mətn və multimedia informasiyası olan sənədlərlə işləməyə imkan yaradır. Ən geniş yayılmış B.-lərə Mosaic (Windows üçün), Cello və Linx proqramları, Internet Works və s. daxildir.
BRİFİNQ (briefing) – Geniş məlumata və səlahiyyətə malik rəsmi şəxsin jurnalistlərlə informativ söhbəti.
BUFER FORMATI (clipboard format) – Kompüterdə: buferdə surətin alınma biçimi. Məs., Windows Metafile və s.
BUFFON (buffoon) – Ekran obrazının yaradılmasında təlxəklik üsullarından istifadə edən aktyor; təlxək.
