Tijorat banklari xo'jalik yurituvchi sub'ektlarga, ulaming mulkchilik shakllaridan qat'iy nazar, shartnoma asosida qisqa va uzoq muddatli kreditlar beradilar. Kredit mijozning hisob-kitob varag'i joylashgan bankda beriladi. Zarar ko'rib ishlaydigan, nolikvid balansga ega bo'lgan xo'jalik yurituvchi sub'ektlarga kredit berilmaydi, ilgari berilgan kreditlar esa belgilangan tartibda muddatidan ilgari undirib olinadi. Kredit resurslaridan uzoq muddatli moliyaviy nobarqaror xo‘jasizlik va zararlami qoplash uchun foydalanishga yo‘l qo‘yilmaydi. Kreditlar muddatiga ko‘ra qisqa va uzoq muddatli turlarga bo'linadi. Qisqa muddatli kreditlar amal qilish muddati 12 oydan oshmaydigan kredit bo‘lib, uning muddati uzaytirilishi kreditlanayotgan tadbirlami o‘tkazish muddati, ulaming qoplanishi va boshqa shartlardan kelib chiqqan holda belgilanadi. Qisqa muddatli kreditlar kreditlaming boshqa turlariga nisbatan likvidliroq hisoblanadi. Uzoq muddatli kreditlar 3- 5 yildan ortiq muddatga beriladi. Kreditlash jarayoni bir nechta tamoyillar asosida amalga oshiriladi: kreditning muddatliligi; kreditning qaytarilishligi; kreditning ta'minlanganligi; kreditning to'lovliligi; kreditning maqsadliligi. Kredit iqtisodiy munosabatlami belgilangan tizimi sifatida boshqa pul munosabatlaridan farq qiladi, ya'ni pulning xarajati qaytarib berish sharti bilan amalga oshiriladi.