“Dasturiy ta’minot arxitekturasi ” fanini o‘zlashtirish “Dasturiy injiniring” ta’lim yo‘nalishi ishchi o‘quv rejasidagi quyidagi fanlardan yetarli bilim va ko‘nikmalarni talab qiladi: “Ehtimollar nazariyasi va matematik statistika. Diskret matematika. Sonli usullar va dasturlash”, “C++da dasturlash”, “Tizimli modellashtirish va loyihalash asoslari”, “Ma’lumotlar tuzilmasi”, “Muhandislik psixologiyasi”, “Kompyuter arxitekturasi”, “Algoritmlashga kirish”, “Dasturlash tamoyillari”, “Dasturiy injineringga kirish”,“Operatsion tizimlar va laboratoriya”, “Obyektga yo‘naltirilgan dasturlash”. Bundan tashqari o‘quvchi talabalar biror bir dasturlash tilida dastur yaratish tajribasiga ega deb qaraladi.
Fanning mazmuni
Fanning dolzarbligi va mazmuni:
Fanning dolzarbligi: Hozirgi kunda raqamli texnologiya asoslangan aksariyat qurilmalarning (turli ko‘rinishdagi zamonaviy kompyuterlardan tortib, har xil maishiy jihozlar va sanoatda qo‘llaniladigan avtomatlashtirilgan uskunalarga qadar) ishlashi u yoki bu dasturiy ta’minot asosida amalga oshiriladi. Shu sababli IKTga dahldor soha bo‘yicha ta’lim olayotgan talaba algoritmlar va ularni ishlab chiqish, hozirni kunga qadar ishlab chiqilgan dasturiy ta’minotlar va ularni qo‘llash borasida bilim va malakaga ega bo‘lishi zarur.
