Əczaçı (orta) ixtisası üzrə nümunəvi test sualları Bölmə Əczaçılığın təşkili və iqtisadiyyatı ixtisası üzrə test tapşırıqları

613) Dərman məqsədilə razyananın hansı hissəsindən istifadə olunur?
A) Yarpaqlarından

B) Çiçəklərindən

C) Meyvələrindən

D) Toxumundan

E) Kökündən
Razyana meyvələrinin tərkibində efir yağı, piyli yağ, zülal maddəsi vardır.
Ədəbiyyat: Y.B.Kərimov, T.A.Süleymanov, C.İ.İsayev , C.S.Xəlilov "Farmakoqnoziya" Bakı-2010 səh.252.
614) Təbabətdə kəklikotundan nə məqsədlə istifadə olunur?
A) Qankəsici kimi

B) Sakitləşdirici kimi

C) Öskürək əleyhinə

D) Ödqovucu kimi

E) Sidikqovucu kimi
Kəklikotunun otundan hazırlanan dəmləmə və bişirmə bəlğəmgətirici vasitə kimi tətbiq edilir. Otundan maye ekstrakt hazırlanır ki, o da bronxitdə və göyöskürəkdə bəlğəmgətirici vasitə kimi tətbiq edilən “ Pertussin” preparatının tərkibinə daxildir.
Ədəbiyyat: Y.B.Kərimov, T.A.Süleymanov, C.İ.İsayev , C.S.Xəlilov "Farmakoqnoziya" Bakı-2010 səh.254.