Əczaçı (orta) ixtisası üzrə nümunəvi test sualları Bölmə Əczaçılığın təşkili və iqtisadiyyatı ixtisası üzrə test tapşırıqları

666) Batbat bitkisinin hansı hissəsi tibbidə dərman bitki xammalı hesab olunur?
A) Meyvəsi

B) Kökü

C) Çiçəyi

D) Yarpağı

E) Toxumu
Xammal kimi bitkinin yarpaqlarını toplayırlar. Yarpaqlarda 0,1 %-qədər hiossiamin və skopolamin alkaloidləri vardır. Batbatın yarpaqları astma əleyhinə yığıntının tərkibinə daxildir.
Ədəbiyyat: Y.B.Kərimov, T.A.Süleymanov, C.İ.İsayev , C.S.Xəlilov "Farmakoqnoziya" Bakı-2010 səh. 389-391.
667) Qaraqınıq otunun dəmləməsi hansı xəstəlikdə istifadə edilir?
A) Ateroskleroz

B) Bronxit

C) Kolit

D) Zob

E) Hiperasid qastrit

Qaraqınıq otunun tərkibində efir yağı, aşı maddələri, askorbin turşusu vardır. Otun dəmləməsi kəskin və xroniki bronxitdə bəlğəmgətirici vasitə kimi təyin edilir.

Ədəbiyyat: Y.B.Kərimov, T.A.Süleymanov, C.İ.İsayev , C.S.Xəlilov "Farmakoqnoziya" Bakı-2010 səh. 256.