Mən deyərəm ki: Bu hədis başqa kanallardan da rəvayət edilmişdir. Murabatanın (müşahidə etmənin və o biri namazı gözləmənin) fəziləti haqqında sayıla bilməyəcək qədər çox rəvayət vardır.
Nisa Surəsi
1- Ey insanlar! Rəbbinizdən qorxub isəyinin ki O, sizi tək bir nəfsdən yaratdı, ondan bərabər/yoldaşını da yaratdı və ikisindən bir çox kişi və qadın törədib-yaydı. Onun xatirinə bir-birinizdən bir şey istədiyiniz Allahdan və qohumların haqqlarını tapdalamaqdan çəkinin. Allah, şübhəsiz sizin üzərinizdə müşahidə edicidir.
AYƏNİN ŞƏRHİ
Oxuduğumuz ilk ayədən aydın olacağı üzrə bu surənin məqsədi, bərabər/yoldaşların sayı, evlənilməsi qadağan qadınlar və bənzərləri kimi evlənməyə ilişkin hökmlər ilə miras hökmləridir. Bunların yanında surədə namaza, cihada, şahidliklərə, ticarətə və başqa mövzulara bağlı hökmlər də vardır. Ayrıca kitab əhlinin vəziyyətinə də toxunulur. Surədəki ayələrin məzmunu onun hicrətdən sonra Mədinə dövründə endiyini göstərir. Hərçənd ayələrinin çoxu arasında əlaqə vardır; amma surənin bir dəfədə deyil, peyderpey endiyi aydın olur.
Oxuduğumuz ayənin özünə gəlincə bu ayə, yetimlərin və qadınların vəziyyətini ələ alan sonrakı bir neçə ayələr ilə birlikdə daha sonra araşdırılacaq olan miraslar və haram evliliklər mövzulu ayələrə bir keçiş xüsusiyyəti daşıyar. Bərabər/yoldaşların sayına toxunan üçüncü ayəyə gəlincə, bu ayənin mövzusu hər nə qədər bu surənin əhəmiyyətli məsələlərindən isə də ayə bu ilk ayənin meydana gətirdiyi başlanğıc sözündən faydalanılan bir detal, bir asılı şərh xüsusiyyəti daşıyar. İrəlidə bu xüsusla əlaqədar şərhlərə yer veriləcək.
