Fənn: Çıxan protezlərin hazırlanma texnikası
Şöbə: “Ortopedik stomatologiya”
2 nömrəli Bakı Baza Tibb Kolleci
89
MÖVZU 24.
Neylon protezlərin hazırlanmasında özəlliklər. Neylon protezlərdə işlədilən
aparatlar və materiallar.
Neylon protezlər çıxan protezlərin bir növüdür. Onun yumşaq altlığı protezə öyrəşməyi
asanlaşdırır və onu daha rahat edir. Neylon protezlər - valplast bir və bir neçə diş olmayanda və tam
dişsiz çənədə diş sırasının bərpasında istifadə oluna bilər. Neylon protezlər dayaq dişlərə təzyiq
göstərmir, allergiya vermir və stomatologiyada geniş tətbiq olunur.
Neylon protezlərin müsbət cəhətləri:
1. Neylon protezlər yarımşəffafdır, solğun-çəhrayı rəngi bu protezə təbiilik verir.
2. Neylon protezlərin qarmağı protezin əsas hissəsidir, metaldan deyil, neylonun özündəndir, bu da
onu möhkəm və başqaları üçün gözəgörünməz edir.
3. Neylon protez bir çox təzyiqə davam gətirir, qırılmır, çünki neylon çox elastik və möhkəm
materialdır.
4. 12 atm. təzyiq altında qaynar presləmənin köməyi ilə bu protez hazırlanır, bu da neylon protezin
protez yatağının anatomik formasını təkrarlamağa kömək edir, protez yaxşı fiksasiya olur və balans
vermir.
Neylon protezlərdə istifadə olunan materiallar 2 qrupa bölünür.
1. Əsas
2. Köməkçi materiallar
Əsas materiallar hazır protezin üzərində qalan, köməkçi materiallar isə neylon protezlərin
hazırlanma mərhələsində istifadə olunanlardır.
Əsas materiallara aiddir:1. Süni dişlər və 2. Katriclər.
Köməkçi materiallara aiddir: ölçü materialları, super gips, silikon, gilin, mum, izokol, abraziv
materiallar.
Alətlər: okklüdator, xüsusi küvet, elektroşpatel, şpatel, kimyəvi karandaş, valplast peçi.
Dostları ilə paylaş: | 
