Fənn: Çıxan protezlərin hazırlanma texnikası Şöbə: “Ortopedik stomatologiya” 2 nömrəli Bakı Baza Tibb Kolleci

Fənn: Çıxan protezlərin hazırlanma texnikası 

 

Şöbə: “Ortopedik stomatologiya” 

2 nömrəli Bakı Baza Tibb Kolleci 

 67 

 

MÖVZU  14. 

33 nahiyəsində  pelotların  hazırlanması.   

Mum  üzərində  son modelləşdirmənin  verilməsi. 

 

Ön dişlərdə metal klammerlər estetikanı pozur və dayaq dişlərin davamlılığını azaldır. Buna görə 

də  ikitərəfli  hüdüdlanmayan  qüsurlarda  və  ön  dişlərin  hərəkətliyində  dişəti  klammerləri-pelotlar 

hazırlanır.  Onlar  plastmas  və  ya  polad  məftillə  plastmas  pelotlu olurlar.  Dişlərin  düzülməsindən  və 

protez  konstruksiyasının  yoxlanmasından  sonra  gips  model  üzərində  alveol  çıxıntının  vestibulyar 

səthində  yan  kəsicilər  nahiyəsində  dişəti  klammeri  mumdan  modelləşdirilir.  Onlar  süni  dişətinin 

davamı olub, keçid büküşünə çatır və dairəvi formalı kənarları ilə mərkəzi və yan kəsicilər arasındakı 

nahiyədə  bitir.  Polimerləşmədən  sonra  pelotların  kənarı  diqqətlə  işlənir  və  cilalanır.  Köpək  dişlərin 

kökləri çox irəli çıxarsa, pelotlu protezlər ağrıya və selikli qişanın zədələnməsinə səbəb olur. Bu halda 

plastmas  dişəti  klammerləri  plastmas  pelotlu  paslanmayan  polad  məftildən  yaylı  dişəti  klammeri 

hazırlanır. Diametri 0,6-0,8 mm, uzunluğu 7-8 sm olan məftil sancaq formasında əyilir. Əyilmiş hissə 

mərkəzi  və  yan  kəsicilərin  kökləri  səviyyəsində  yerləşdirilir.  İkiqat  məftildən  olan  klammer  cismi 

köpək  dişin  kökünə  toxunmamaq  üçün  yungülcə  əyilir.  Klammerin  çıxıntısının  əyilmiş  ucları  od 

üzərində  qızdırılır,  süni  dişətinin  yuxarı  hissəsinin  ön  kənarına  daxil  edilir.  Qızdırılmış  mumdan, 

klammer  ilgəyi  qoyulan  yerə  diyircək  formalaşdırılır (mumun  daxilində  oturdulur),  dairə  və  ya  oval 

formalı  pelot  modelləşdirilir.  Mum  plastmasla  (bazislə  birlikdə)  əvəz  olunur.  Dişlər  düzüldükdən 

sonra,  mum  bazisini  xəstənin  ağzında  həkim  yoxlayır.  Əgər  heç  bir  narahatçılıq  və  heç  bir  qüsür 

olmadıqda  mum  bazisini  modelə  bərkidirik  və  sonuncu  modelləşdirmə  edirik.  Bütün  dişlərin  səthi 

mumdan  tam  təmizlənir.  Dişlərin  boynu  qabaq  tərəfdən  tam  açıq  olmalıdır.  Üst çənədə  arxa  dişlərin 

2/3  hissəsini,  frontal  dişlərin  isə  1/3  hissəsi  mumla  örtülü  olmalıdır.  Alt  çənədə  həm  arxa,  həm  də 

qabaq  dişlərin  arxa  tərəfləri  2/3  hissəsi  mumla  örtülü  olmalıdır.  Protez  bazisinin  qalınlığı  bərabər 

olmalıdır. Aşağı çənə bazisi bir qədər qalın modelləşdirilir, çünki sahəsi kiçikdir. Bazisin qalınlığı üst 

çənədə  1,5-2  mm,  alt  çənədə  2-2,5  mm  olmalıdır.  Protezin  sərhəddi  A  xəttinə  doğru  hamar,  eyni 

qalınlıqda aparılır və tam nazildilir. Bazisin kənarları dairəvi, hamar olmalıdir. Sonda pambığı benzinə 

batıraraq süni dişlərin üzərindəki mum təmizlənir.